VOV4.M’nông: Thủ tướng Phạm Minh Chính ƀư tơm nar rƀŭn trực tuyến bah Rnâng kan Chính phủ đah nkuăl ƀon têh Hồ Chí Minh ndrel ăp n’gor Bình Dương, Đồng Nai, Long An mpeh nau kan njrăng rdâng srê Covid-19, tâm rnôk srê nuh ta nkuăl ƀon têh Hồ Chí Minh hôm geh nau jêr. Tâm nar rƀŭn, Rnâng kan Chính phủ ndrel rđau kan nkuăl ƀon têh Hồ Chí Minh tâm ban nau ƀư ân rjăp lơn, nâp lơn nau ntrŭnh mrô 16, ƀư tĭng du đê nau kan rjăp lơn, nsôih lơn ndrel săk tam lơn gay ma njrăng rdâng srê ndrel jăng lơi srê tĭng nau kan “ăp xã ăp phường lah du ntŭk njrăng rdâng” njrăng srê.

Ƀư nau nkah rjăp gay njrăng nau ntưp rêng, têk nau n’hcu ăp nŭih F0, n’huch ngăn rnoh nŭih khĭt. Mra geh âk nau ê dơi, nau rêh mâp âk nau jêr, yơn dĭng lĕ ân yor nau rêh bah ƀon lan gay ƀon lan geh nau rêh hơm răm, đăp mpăn. Thủ tướng lah rjăp, ân geh xét nghiệm “ngăch ngăn” tĭng nau ntĭm bah N’gâng kan dak si đah nau kan tâm di, kơp n’ăp ma tât ta ngih xét nghiệm, nkah F0 luh bah dih./.

Nŭih rblang: H’Thi