VOV4.M’nông – Kêng măng nar 27/8, jêh rơh pah kan đah n’gor Bình Dương, Thủ tướng uănh nđôi tay trong kan njrăng n’gang srê ta Đồng Nai, ntrŭt nsôr kônh wa nsrôih râng rchăng n’gang srê. Ntŭk bôk năp Thủ tướng tât lah jay văn hóa xã Thạnh Phú, nkuăl Vĩnh Cửu, n’gor Đồng Nai ntŭk rgum ăp nuĭh rgŏ jă, ntop kơl gay tâm pă ndoh ndơ ngêt sa... tât ăp nuĭh jêr jŏt ta lam nkuăl. Thủ tướng chop khâl ntrŭt nsôr ăp nuĭh kơl kan dôl pah kan ta aơ, rnê rhơn nuih n’hâm tâm yô̆ tâm kơl, nuĭh geh kơl nuĭh mô geh bah nuĭh ƀon lan, mpŏng ăp nuĭh nsrôih tay, mô an vĭ ăp nuĭh ŭch kơl gay ndrel rlet rlău chôt srê. Jêh nĕ, Thủ tướng tât khâl, ntrŭt nsôr nuĭh ƀon lan dôl ƀư nkhah êng ta du đêt ntŭk ta nkuăl Vĩnh Cửu n’hanh nkual ƀon têh Biên Hòa. Jêh hăn uănh nđôi, Thủ tướng lĕ geh nar pah kan đah kruanh n’gor Đồng Nai. Ta aơ Thủ tướng đă an rgum ntŭk bah dâng, mô an nuĭh ƀon lan hăn trong gay đăp mpăn nkhah êng rjăp. An đăp mpăn nău rêh kon nuĭh, đăp mpăn an nuĭh ƀon lan. Mô an nuĭh ƀon lan mô tŏng sa, mô tŏng nsoh.

Nŭih rblang: Y Sưng Phê Ja