VOV4.M’nông: Măng 08/02, Tổng Bí thư, Kruanh dak Nguyễn Phú Trọng ho\ geh rơh kuăl điện tâm nchră đah Tổng Bí thư, Kruanh dak Trung Quốc Tập Cận Bình. Ta rơh kuăl điện tâm nchră, Tổng Bí thư, Kruanh dak Nguyễn Phú Trọng lah rjăp, rlău 71 năm kơp ntơm bah rnôk bar dak njêng tâm boh tât a[aơ, bol ma geh ăp rnôk rdjuh thăng, yơn I ngăn an saơ tâm rnglăp n’hanh tâm boh way lah n’hong hoch tơm tâm boh đah bar Đảng, bar dak; nkre m^n lah tâm bah ri aơ nơh, bar ding ho\ [ư âk rơh tâm ôp tâm rgâl ma ăp trong kan, geh ăp nău dơi ue\h lăng, rgop n’hao dăng tâm boh têh dơi jo\ jong lam le\ rngôch Việt Nam- Trung Quốc hun hao tay kloh dăng, đăp mpăn, tâm di đah nău u\ch ro\ng n’hanh nău geh bah [on lan bar dak; dăn đă bar ding n’hao dăng tay tâm boh, rlău dơi ăp jêr jo\t, ntul rlong, ntrôl dăng tâm boh tâm rnglăp way ơm đah bar Đảng, bar dak n’hanh [on lan bar dak ho\ geh ăp nău dơi têh kuâng lơn đo\ng tâm rơh mhe, yor ma nău geh bah [on lan bar dak, yor ma nău đăp mpăn, tâm boh n’hanh hun hao tâm nkual n’hanh lam ntu\r neh.

Nkhêp geh Tết way ơm Tân Sửu 2021, wa Tổng Bí thư, Kruanh dak Nguyễn Phú Trọng ho\ njuăl nău mbah rhơn Năm mhe tât le\ rngôch đảng viên Đảng Cộng sản Trung Quốc n’hanh [on lan Trung Quốc.

Nu^h rblang: Điểu Thân