VOV4.M’nông – Nar 24/8, ta Ngih pah kan Trung ương Đảng, Tổng Bí thư Nguyễn Phú Trọng ƀư tơm nar pah kan đah nsum mpôl kruanh n’gâng tơm mpeh trong kan njrăng n’gang srê Covid-19. Ndrel râng pah kan geh kruanh dak Nguyễn Xuân Phúc, Thủ tướng Chính phủ Phạm Minh Chính, Kruanh Quốc hội Vương Đình Huệ, Rnâng kan Ƀan Bí thư Võ Văn Thưởng, Đại tướng Tô Lâm, Kruanh N’gâng kan Công an. Ta nar pah kan, Tổng Bí thư Nguyễn Phú Trọng mĭn lah aơ rơh rƀŭn dŭt khlay tâm rnôk srê geh jêr jŏt kơt aƀaơ. Tổng Bí thư rnê rmôk bôk năp nai dak si, tahen, công an, ăp N’gâng kan nău kan n’gor lah trong êng n’ăp trong chính trị lĕ ngăch lăp, đah nsrôih dŭt têh tâm nău uănh nđôi chôt srê, dơi âk nuĭh ƀon lan n’gor kơl. Bôl ndrĭ, Tổng Bí thư ntĭm kloh ăp nău mô dơi ƀư, vĭ vĕ, ngăn đŏng ta du đêt ntŭk hôm e geh nău mĭn thơ tha tâm trong kan njrăng n’gang srê; tĭng nuih n’hâm mô an phit klach rwan ndăn, Tổng Bí thư Nguyễn Phú Trọng đă, Chính phủ, ăp n’gâng kan ƀon lan nchrăp tay nchroh mbơh nu nău, ƀư tâm ban rgum tâm ban ŭch, tâm pă kloh, di nău kan lĕ rngôch uănh nđôi srê du trong săk rnglăy tâm nar tât.

Nuĭh rblang: Y Sưng Phê Ja