VOV4.M'nông: Ôi 15/9 ta Hà Nội, Ban Nội chính Trung ương ƀư tâm nchră lam dak ăp Nhih pah kan Nội chính an ƀư Nghị quyết Đại hội 13 bah Đảng. Tổng Bí thư Nguyễn Phú Trọng tât râng n'hanh geh nău lah ta rơh tâm nchră. Lah rđău đă ta rơh tâm nchră, Tổng Bí thư Nguyễn Phú Trọng lah kloh, du neh dak, du rêh jêng ŭch uĕh lăng ri bah meng nău ntĭm nti, nău nkah đă, ân geh nău way, nău phiăn neh dak, ân geh pháp luật lhăt jăp gay mât njrăng nău uĕh, nău di, ntĭm nti, rmal lơh ăp nău tih, nău djơh, geh khuch an ƀon lan an neh dak, jêng lah ân geh nău mât uănh ma nău way, pháp luật, ân geh nău way neh dak, ma ŭch geh kơt nê̆ ri ân geh ăp nhih pah kan nội chính.

  Kalơ nuih n'hâm dja, Tổng Bí thư Nguyễn Phú Trọng dăn đă, ăp nhih pah kan nội chính ân đăp mpăn nău rđău kan, rđău đă lĕ n'hâm suan, lam lĕ rngôch bah Đảng đah ăp nhih pah kan nội chính lah nsum, mât nâp n'hanh n'hao dăng rđău kan lĕ rngôch, na nê̆ ăp ntil bah Đảng đah mpôl kan tahen lah êng. Aơ lah ndơ n'glêh an đăp mpăn geh nău dơi ăp nău kan dơi jao./.

Nuĭh rblang: Điểu Thân