VOV4.Mnông- kêng măng nar 21/10, ta ntŭk kan ntoh ngơi ngih dak 58 Quán Sứ Hà Nội, Ủy viên Trung ương Đảng, Tổng Giám đốc Radiô nău ngơi Việt Nam Đỗ Tiến Sỹ lĕ vơt kruanh mpôl kan ndơn kan Việt Nam ta dak bah dih yor Groi kruanh nchră nău đah dak bah dih Vũ Quang Minh leo hăn, lĕ tât khâl n’hanh pah kan. Ta rơh pah kan, Tổng Giám đốc Radiô nău ngơi Việt Nam Đỗ Tiến Sỹ lĕ rhơn ăp kruanh ntŭk kan ndơn kan Việt Nam ta dak bah dih geh săch ta ăp nău kan khlăy. Wa Đỗ Tiến Sỹ lĕ ndrel mbơh tơih mpeh nău kan bâh Radiô nău ngơi Việt Nam, mpeh nău tâm kơl đah Radio nău ngơi Việt Nam đah n’gâng kan nchră nău đah dak bah dih, ăp Đại sứ quán n’hanh Tổng lãnh sự quán Việt Nam ta ăp dak tâm nău kan mbơh tơih nău mhe. Tâm let năp tay, Radiô nău ngơi Việt Nam dŭt ŭch geh nău tâm kơl rjăp lơn tay đah ăp ntŭk kan ndơn kan Việt Nam ta dak bah dih tâm nău mbơh tơih ăp nău nchrăp kan mbơh nău đah dak bah dih gay ma mbơh tơih têh hvi lơn rup neh dak, kon nuĭh Việt Nam tât dak bah dih, tâm ban kơt pơk hvi nău tâm boh kan đah dak bah dih tâm ntrong kan ntoh rup, ntoh ngơi.

Nuĭh rblang: Thị Đoắt