VOV4.M'nông: Ôi 6/9, ta Hà Nội, Tổng Liên đoàn Lao động Việt Nam ƀư Lễ rgŏ jă trong leo ƀư tâm rlong “Công nhân, viên chức, nuĭh kan nsrôih rlău jêr jŏt, blău ƀư mhe, nsrôih lơh dơi nuh srê Covid-19" tât 83 bôk ƀoh lam dak. Rơh nuh srê Covid-19 tâl 4 ntơm bah nar 27/4 tât aƀaơ geh ăp nău tât duh jêr, khuch hô tât nău rêh nuĭh ƀon lan n'hanh nău đăp mpăn, hun hao wăng sa- rêh jêng kon nuĭh. Bol ma kơt nê̆, lam trong kan chính trị n'hanh ƀon lan lam dak hŏ tâm rnglăp, du nuih n'hâm, nsrôih tĭng ƀư ăp trong njrăng n'gang nuh srê. Lah rơh lễ rgŏ jă, Kruanh Tổng Liên đoàn lao động Việt Nam Nguyễn Đình Khang kuăl jă lĕ rngôch cán bộ, đoàn viên, công nhân, viên chức, nuĭh kan lam dak mât uĕh nău way ơm rŏng dak, tâm rnglăp du nuih n'hâm, nău dơn kan âk lơn, nsrôih lơn, rlău dơi ăp nău jêr jŏt, ntul rlong, mbrôn suan tâm rlong gay tĭng ƀư geh nău dơi gay ơm ntrôl rŭch nuh srê, dâk hao tay nău kan./.

 Nuĭh rblang: Điểu Thân