VOV4.M'nông: Nar 27/10 ta Hà Nội, Bộ Nông nghiệp n'hanh Phát triển nông thôn ƀư tâm nchră pơk sŏng dăng lam dak rgop nău mpeh trong nchrăp dăp rgum mât njrăng n'hanh lơh joi tui ka rơh năm 2021- 2030, uănh ngai tât năm 2050. Tui ka dak lêng lah n'gâng kan wăng sa tơm, mât nău khlay tâm hun hao wăng sa neh dak, đah nău têh kuâng nar lơn ma âk, tât rnoh hun hao âk, njêng luh rnoh khlay ƀư njêng âk. Nău ŭch nsum bah dăp rgum mât njrăng n'hanh lơh joi tơm tui ka rơh 2021- 2030, uănh ngai tât năm 2050 rƀŏng tât nău mât đăp mpăn geh nău dơi kan lơh joi, nkre đah mât njrăng, dâk hao tay tơm tui ka, hun hao n'gâng kan tui ka jŏ jong n'hanh geh nău dơn kan; mât njrăng ntŭk gŭ rêh, bên di đah rgâl duh nđik trôk nar, tâm di đah nău ŭch geh lăp rgum dak bah dih; mât njrăng neh dak ta ăp nkual dak lêng, gôl dak mpeh nău dơi ƀư tơm, nău dơi  tơm ƀư tơm n'hanh nău dơi n'glêh an neh dak bah Việt Nam.

Nuĭh rblang: Điểu Thân