Nu nău sŏk joi, tăch rwăt, nchoăn rdêng si mô tâm di pháp luật nkual kâng n’har mô dơi mkra rjăp. Aơ lah nău năl bah UBND n’gor Kon Tum n’hanh Gia Lai ta rƀŭn nchră uănh lah jêh ƀư tĭng Trong ƀư tâm rgop trong kan mât uănh njrăng n’gang bri n’hanh mât uănh si glê nkual kâng n’har 2 n’gor ƀư kêng măng (2/4), ta nkual ƀon têh Kon Tum, n’gor Kon Tum.

2 n’gor Kon Tum n’hanh Gia Lai geh kâng n’har êp bơi 9 nkuăl, nkual ƀon têh dĭng lĕ jong rlău 183 km.

Nkual kâng n’har 2 n’gor rgum âk rnoh neh bri hon êng, geh si têh âk, geh âk ntil sinh học, âk mpô mpa bri, tơm si khlay, yor nê dơh geh khuch yor ăp nuĭh rŭn in phah bri. 5 năm bah năp ƀư tĭng trong tâm rgop, rmôt kan dơi kan 2 n’gor ƀư rlău 1.300 rơh uănh nđôi, rgot joi mât njrăng bri; saơ ƀư sam ƀŭt tih 275 nu nău, tâm nĕ rmal hành chính 242 nău, rmal hình sự 27 nău đah bơi 16 ha bri geh phah; sŏk rlău 815 m3 si mlâm ăp ntil, 20 kg ndơ mpa bri. Dĭng lĕ rnoh prăk, ndơ̆ an tơm prăk ngih dak rlău 2 500 rkeh prăk.