Ta n’gor Dak Lak geh 51 Hợp tác xã râng tâm rgop kan nsum tuch tăm mât rong n’hanh tăch ndơ geh ƀư đah doanh nghiệp. Ăp trong ntĭt leo nsĭt geh âk an Hợp tác xã tâm nău hŭch đêt roh huach prăk dŏng kan ta rnoh têh hvi, săk geh kah uĕh ndơ geh ƀư tâm ban, mât chăm jŏ jong n’hanh ntŭk tăch rgâl đăp mpăn.  

Tĭng wa Huỳnh Bài, Kruanh Liên minh Hợp tác xã n’gor Dak Lak, gay ntrŭt ntrôl tâm rgop kan nsum Hợp tác xã n’hanh doanh nghiệp, ăp  năm rlău  aơ Liên minh Hợp tác xã hŏ n’hao dăng pah kan mbơh nti,  ntop kơl, tâm nê uănh khlay nău ntĭm nti nău kan an cán bộ, nuĭh kan nsum tâm Hợp tác xã, kơi năp nti mpeh nău blău ƀĭt juet, njêng trong nchrăp ntuh kơl, rdâk njêng trong nkra tuch tăm, tăch rgâl, nghiệp vụ kế toán, ôp uănh, groi nđôi... gay n’hao săk blău tơm nuĭh kan an Hợp tác xã. Nkre, kan nsum ƀư âk nău kan ntop kơl ntrŭt ntrôl ngăch tăch rgâl, pơk hvi ntŭk tăch rgâl ma nău ndơ̆ ndơ geh ƀư bah Hợp tác xã râng hội chợ, pla n’hơ tâm n’hanh bah dih n’gor./.