Rnoh khlay bum prum na nao hŭch bah bôk năm aơ, ƀư nuĭh tăm bum ta nkuăl Phú Thiện, n’gor Gia Lai geh tâm nău roh dơm. UBND nkuăl Phú Thiện lĕ geh sam ƀŭt dăn đă UBND n’gor Gia Lai kuăl jă ăp doanh nghiệp rwăt bum prum kơl nuĭh ƀon lan rlet rlău jêr jŏt. Ta nkuăl Phú Thiện, aƀaơ geh rlău 3.440ha, rnoh geh nklăp 68.800 tấn, lĕ rôk geh nklăp 60% rnoh neh.

Bah bôk năp rôk tât aƀaơ, rnoh khlay bum prum jŭr dŭt đêt. Na nê̆, bah rnoh 10.000 prăk/kg, rnoh khlay na nao hŭch jŭr hôm 3.500 prăk/kg aƀaơ. Rnoh thuk, doanh nghiệp rwăt đêt ƀư nuĭh ƀon lan rvê. Dŭt năm e, Jrô kan Tuch tăm mât rong n’hanh hun hao ƀon lan nkuăl Phú Thiện lĕ uănh nđôi n’hanh saơ rnoh neh tăm bum ta ntŭk hao rlău năm bah năp nklăp 1 rbăn ha, n’hanh lĕ đă nău pơk hvi rnoh neh yơn mô geh ntŭk tăch đăp mpăn ƀư nuĭh tăm bum roh dơm rnôk tâm yan rôk.