Rwăch sơ khảo Rơh tâm rlong Cà phê kah Việt Nam 2024 (Vietnam Amazing Cup 2024) mhe lôch đah rnoh ntil râng tâm rlong. Mpôl rdâk ƀư dôl nsrôih nchrăp an chung kết rơh tâm rlong tâm khay 4 tât n’hanh mbra ƀư tâm rlong tăch ta Thủ đô Hà Nội, ăp mbŭch cà phê kah geh giải têh ta rơh tâm rlong aơ.

Tĭng Mpôl rdâk ƀư, lôch rwăch sơ khảo ta kêng măng 25/3, lĕ geh 145 ntil cà phê, ta ăp nkual tăm tâm dak, njuăl tât rơh tâm rlong, hao 61 ntil nkôp đah năm 2023, tâm ban rnoh hao bơi 74%.

Aƀaơ, Mpôl rdâk ƀư dôl ntơm nchrăp an rwăch chung kết đah nău tâm săch n’hanh rgop rgâl ăp ntil râng tâm rlong. Chung kết rơh tâm rlong mbra ƀư bah 26-27/4 tât n’hanh jêh mbra dơi mbơh jêh nĕ du nar, ndrel đah nău an Sam ƀŭt kơp dơn, Cúp lưu niệm bah Mpôl rdâk ƀư n’hanh Bằng khen bah UBND n’gor Dak Lak. Wa Lê Đức Huy, Tổng giám đốc Công ty TNHH MTV XNK Cà phê 2/9 n’gor Dak Lak an gĭt, doanh nghiệp hăn ndrel n’hanh ntop kơl tăch cà phê kah Việt Nam, ăp mbŭch ndơ cà phê tâm Top 10 bah rơh tâm rlong năm aơ, mbra dơi râng tâm rlong tăch ta Hà Nội.