VOV4.Mnông- Geh tay rơh rƀŭn nchră tal 4, ôi nar 12/10, Ủy ban rnâng kan Quốc hội rƀŭn nchră ndal, an tâm rgop nău mpeh ăp nău mbơh tơih bâh chính phủ mpeh nău geh ƀư tĭng nău nchrăp hun hao wăng sa- rêh jêng n’hanh nău nchrăp tơm prăk ngih dak năm 2021, nău nchrăp hun hao wăng sa- rêh jêng năm 2022; nău nchrăp tơm prăk ngih dak n’hanh ntrong kan pă an tơm prăk trung uơng năm 2022. Nkô̆ mpŏng kan lĕ rngôch ma nău nchrăp kan geh njêng tay n’gâng kan wăng sa lvang năm 2021-2025 lah njêng nău rgâl mhe na nê̆ tâm ntrong kan hun hao tĭng ntrong ndơ̆ knơm ta nău geh n’hanh nău ueh, nău tâm rlong.

Nkre lah, n’hao săk rnglăy dŏng rnoh nuĭh kan, nău tơm khlăy n’hanh tâm di bâh n’gâng kan wăng sa, geh njoat hun hao mpŏng tât n’gâng kan wăng sa knơm ta khoa học n’hanh công nghệ, rgâl mhe nău kan, mât đăp mpăn hun hao ngăch n’hanh nâp nâl. Ndrel đah nĕ, ndâk nsơm nău kan têh kuăng njêng nău kơl n’hanh nău rgâl têh tâm di gay ma tâm rdâng đah ăp nău tât bah dih.

Nuĭh rblang: Thị Đoắt