VOV4.M’nông: Lŏ bôk nau rƀŭn tal 03 bah Uỷ ban Rnâng kan Quốc hội, lơ 20/9, đah nau ƀư tơm bah Kruanh Quốc hội Vương Đình Huệ, Uỷ ban Rnâng kan Quốc hội rgop nau mpeh nau mbơh nau kan năm 2021 bah rmôt kan Tư pháp. Tâm nchră ta rơh rƀŭn, Uỷ ban Rnâng kan Quốc hội rnê lah, ăp nau mbơh bah Chính phủ, Ngih phat dôih ƀon lan gưl prêh dơi geh nchrăp ueh n’hêl, jru nâp ndrel geh âk nau mhe. Yơn lah, đă ăp ntŭk kan ân geh ƀư kloh tay ăp nau kan gay ma tĭng dơi ăp nau ueh tâm nau kan njrăng, rdâng phung tih dôih, tih pháp luật ndrel njrăng, rdâng sa khâm, nkre rklaih ăp nau ê dơi, ƀư kloh tay nau kan trong kan, rgâl mhe nau rđau kan, rđau đă, n’hao nau tâm rgop, tâm nê uănh khlay nau kan rgâl nkra, ntop ƀư ân jêh nau kan, ntrong kan, ăp nau đă n’hêl đah Quốc hội, Uỷ ban Rnâng kan Quốc hội./.

Nŭih rblang: H’Thi