VOV4.M'nông: Lah ntơm pơk rơh hop tâl 4 bah Ủy ban Thường vụ Quốc hội tâm ôi 11/10, Kruanh Quốc hội Vương Đình Huệ lah rjăp ăp nkô̆ dơi an nău rgop ta rơh hop. Dŭt njrăng, ta rơh hop dja, Ủy ban Thường vụ Quốc hội an nău rgop mpeh trong nchrăp dăp rgum tay jâng wăng sa lvang năm 2021- 2025; dăp rgum dŏng neh gưl neh dak rơh năm 2021- 2030, uănh ngai tât năm 2050 n'hanh trong nchrăp dŏng neh 5 năm (2021- 2025).

Rơh hop an nău rgop mpeh nău nchrăp rơh hop tâl 3 đŏng, tâm nê geh nău dăn đă du đêt rgâl mhe dŏng ta rơh hop tâl 2 n'hanh nău leo ƀư tay nău kan ôp n'hanh ơh nău ôp ta rơh hop. Tâm si ƀŭt mbơh rgum nău rgop, dăn đă bah cử tri n'hanh ƀon lan njuăl tât rơh hop tâl 2, cử tri ŭch rŏng ân ŭanh sŏng ngăn tâm nău geh, rhuăt luh nău tă ơm gĭt kan đah du đêt nkô̆ rđău đă dăch đah ngăn ngăn, mô geh dơn ngoăy, ăp nău hôm wĭ wĕ, mbrơi nkai, ndrât ndal. Ŭch rŏng Chính phủ, ăp n'gor nta trong dơh an soih trong tăch ndơ, nchuăn rdeng ndơ gay ntrŭp dŏng gay đăp mpăn năn ngăch nău kan ƀư njêng, tăch rgâl./.

Nuĭh rblang: Điểu Thân