VOV4.M'nông: Ôi 1/10, ta rơh hop pơk sŏng dăng, uănh năl di tay si ƀŭt mbơh bah Chính phủ mpeh nău mât n'hanh dŏng Prăk nkrem bảo hiểm y tế năm 2020; mpeh nău tĭng ƀư Nghị quyết 68 bah Quốc hội khóa 13 mpeh ntrôl dăng tĭng ƀư trong kơl, pháp luật mpeh bảo hiểm y tế , hăn tât bảo hiểm lam ƀon lan, Ủy ban Xã hội bah Quốc hội dăn đă Bảo hiểm xã hội Việt Nam ƀư kloh nău hôm rlău 10 rbăn 150 rmen prăk nhih pah kan bảo hiểm xã hội dôl rnon, mô hŏ ƀư n'gluh sŏk dŏng tâm năm 2020. Ủy ban Xã hội dăn đă Chính phủ ơm hao  mbơh dăn Quốc hội trong nchrăp luật BHYT (rgâl nkra) gay dơi tât ăp rnoh kan mpeh n'hao dăng n'hâm suan ƀon lan, nkre, uănh khlay rgâl nkra ăp nkô̆ mpeh Bảo hiểm y tế geh tât rnôk rgâl nkra Luật but săm ji. Ta rơh hop, Ủy ban Xã hội dăn đă Bộ Y tế ôp uănh tay lam rêng kan si ƀŭt quy phạm pháp luật mpeh bảo hiểm y tế, but săm ji gay rgâl nkra tĭng n'glĕ nău dơi gay ƀư bah jêr jŏt, kŏ kol aƀaơ; dăn đă rgâl an tâm di gay đăp mpăn nău dơi an nuĭh râng bảo hiểm y tế, ntŭk but săm ji n'hanh tâm rlak prăk nkrem bảo hiểm y tế.

Nuĭh rblang: Điểu Thân