VOV4.M'nông: Ôi 23/8, Đại sứ Đặc mệnh Toàn quyền Ba Lan ta Việt Nam Wojciech Gerwel hŏ ntơh măt Chính phủ Ba Lan ndơ̆ jao an Bộ Y tế 501.600 dĭng vaccine njrăng n'gang COVID-19 AstraZeneca. Tơm vaccine AstraZeneca tă bah Chính phủ Ba Lan pă an Việt Nam gay n'hao dăng njrăng, n'gang nuh srê COVID-19 hŏ jŭr tât tach ndeh păr hăn dak bah dih Nội Bài kêng măng 21/8. Thứ trưởng Bộ Y tế Trương Quốc Cường n'hanh Thứ trưởng Bộ Ngoại giao Tô Anh Dũng hŏ dơn tơm vaccine tă bah Chính phủ Ba Lan ntop kơl dja. Tĭng nê, Thứ trưởng Trương Quốc Cường mpơl nău lah uĕh ăp nău tâm rŏng bah wa Đại sứ lah êng n'hanh Chính phủ Ba Lan lah nsum an Chính phủ, ƀon lan Việt Nam, tâm ban kơt nuĭh Việt Nam ta Ba Lan. Nău ntop kơl dja Việt Nam geh tay tơm ndơ ma rdâng lơh nuh srê n'hanh hĭng ntơr tay nău tâm rŏng rnôk 2 dak hŏ lăp tât 71 năm tâm boh tâm brê./.

Nuĭh rblang: Điểu Thân