VOV4.M’nông: Ta ntŭk kan N’gâng kan dak si geh nau ndơn 250.800 dĭng vắc xin bah Czech kơl an ân Việt Nam gay ma njrăng, rdâng srê Covid-19. Ntoh măt Chính phủ Việt Nam, Kruanh n’gâng kan dak si Trương Quốc Cường njoăl nau lah ueh ngăn tât rđau kan, Chính phủ ndrel ƀon lan Czech hŏ pă ân 250.800 dĭng vắc xin (210 rbăn dĭng Astrazeneca ndrel 40.800 dĭng Moderna) ân Việt Nam gay ma njrăng rdâng srê Covid-19; lah rjăp aơ lah nau kơl an khlay, năn, ngăn đah Việt Nam, uănh aơ lah nau ueh ngăn ân nau tâm boh jŏ jong, rjăp geh bun dăp bah rlau 70 năm rlau aơ đah 2 dak. Tât rnôk aơ, rnoh vắc xin Covid-19 tât Việt Nam tă bah âk ntŭk kơl an êng êng rlau 27 rkeh dĭng./.

Nŭih rblang: H’Thi