VOV4.M’nông: Ntop tay vắc xin Astrazeneca đah rlau 1,4 rkeh dĭng hŏ tât ta nkuăl ƀon têh Hồ Chí Minh. Aơ lah rơh jao vắc xin tal 10 ndrel 11 tâm rnoh dăn rvăt bah năp 30 rkeh dĭng đah Astrazeneca ndrel công ty cổ phần vắc xin Việt Nam (VNVC). Nau kan aơ hŏ leo tât ân Việt Nam bơi tât 8,2 rkeh dĭng tâm rnoh 17 rkeh dĭng vắc xin Covid-19 bah Astrazeneca pă bah VNVC, nau kan Covax ndrel kơl an đah chính phủ ăp dak. Vắc xin Astrazeneca rnôk aơ geh nklăp 64% rnoh pă vắc xin Covid-19 tâm lam dak. Êp nau jao mô geh sŏk prăk 30 rkeh dĭng vắc xin aơ ân n’gâng kan dak si, VNVC kŏ ton kơl an, trong ăp rnoh prăk geh ntoh tâm rnôk rvăt, ndơn, jao vắc xin, nchrăp hao tât âk rhiăng rmen prăk./.

Nŭih rblang: H’Thi