VOV4.M’nông: Tâm nchră khoa học đah nkô̆ “100 năm hun hao Đảng Cộng sản Trung Quốc-tâm nchră nau blau mpeh ndâk njêng Đảng ndrel rđau hun hao neh dak đah Đảng Cộng sản Việt Nam ndrel Đảng Cộng sản Trung Quốc” mhe geh ƀư sŏng ndrel trực tuyến đah 10 ntŭk tâm Việt Nam ndrel Trung Quốc. Ntoh măt rđau kan Đảng Cộng sản Trung Quốc, wa Trần Hy-Uỷ viên Bộ chính trị, Rnâng kan Bí thư, Kruanh ntŭk kan Trung ương, Hiệu trưởng Ngih săm ƀŭt Đảng Trung ương Đảng Cộng sản Trung Quốc lah rjăp nau dơi têh ngăn ndrel nau blau jêh 100 năm ndâk ndrel hun hao Đảng Cộng sản Trung Quốc.

Ntoh măt Đảng Cộng sản Việt Nam, wa Lê Xuân Thắng, Uỷ viên Bộ Chính trị, Giám đốc Học viện Chính trị Quốc gia Hồ Chí Minh, Kruanh Hội đồng lý luận Trung ương lah rjăp: Việt Nam ƀư rjăp nkô̆ nau đăp mpăn ndrel chủ nghĩa xã hội. Đảng Cộng sản Việt Nam mro mô rlu blau mhe, ƀư rjăp lơn ăp nau ntrŭnh ƀư kan, nau tă ơm gĭt, nau nchrăp ndâk njêng ndrel ƀư jêh nau kan chủ nghĩa xã hội bah Việt Nam đah 3 n’gâng tơm lah: văng sa ntŭk kan rƀŏng xã hội chủ nghĩa, ngih dak pháp quyền xã hội chủ nghĩa ndrel nau kan dân chủ xã hội chủ nghĩa./.

Nŭih rblang: H’Thi