VOV4.M’nông – Ôi 14/9, ta ngih pah kan N’gâng kan tâm rnglăp nchră nău lĕ ƀư wơt dơn ntĭt mpơl 1,5 rkeh dĭng vaccine Astra Zeneca njrăng n’gang Covid-19 yor Chính phủ Pháp n’hanh Italia ntop kơl an Việt Nam tă bah trong ƀư COVAX. Ntoh ngơi ta nar ƀư, Groi kruanh n’gâng kan Tô Anh Dũng lah uĕh n’hanh uănh lah prêh nău ntop kơl khlay n’hanh ngăch bah Chính phủ n’hanh ƀon lan Pháp n’hanh Italia, rgop ngăn ngên an trong kan njrăng n’gang Covid-19 ta Việt Nam. Aơ lah an saơ nău hun hao ngăch tâm boh kan ndrel têh hvi đah Việt Nam đah Pháp n’hanh Italia tâm ăp năm bah năp kơt nău dăch dêh, tâm rnglăp, tâm pă jêr jŏt, rlet rlău chôt srê. Groi Kruanh n’gâng kan dak si Trần Văn Thuấn mĭn lah mbra ơm tâm pă vaccine aơ an ăp ntŭk n’hanh đăp mpăn nău dŏng ngăn ngên n’hanh săk rnglăy ngăn.

Nŭih rblang: Y Sưng Phê Ja