VOV4.M'nông: Ôi 10/9, ta Hà Nội, Tiểu ban rgŏ jă n'hanh rgum lam rêh jêng kon nuĭh - Ƀan rđău đă gưl neh dak njrăng, n'gang nuh srê Covid-19 ƀư Tâm nchră an ƀư trong nchrăp rgŏ jă tay, rgum rgop "Lam ƀon lan tâm rnglăp, mbrôn suan njrăng, n'gang nuh srê Covid-19". Bí thư Trung ương Đảng, Kruanh Uỷ ban Trung ương MTTQ Việt Nam Đỗ Văn Chiến, Kruanh Tiểu ban ƀư tơm rơh tâm nchră an gĭt, gay rgum tơm ndơ an pah kan njrăng n'gang nuh srê. Tiểu ban rgŏ jă n'hanh rgŏ rgum lam rêh jêng kon nuĭh mbra rgum ƀư rgŏ jă cán bộ, công chức, viên chức, nuĭh kan lam dak kơl ăp nuĭh dŭt đêt du nar prăk khay an pah kan njrăng n'gang nuh srê. Ndrel đah nê, rgŏ jă ăp doanh nghiệp, mpôl kan, êng nuĭh kơl tuch tăm, si gle, tui ka gay ntop kơl ƀon lan nkual geh mpă wêl êng, an gŭ srang ngai lam rêh jêng kon nuĭh, ntŭk an gŭ rgum êng, săm nuĭh ji Covid-19. Nkre, tiểu ban rgŏ jă tay trong leo ƀư mbâr sa tâm rŏng, kơl nuĭh jêr jŏt tă bah nuh srê lơh./.

Nuĭh rblang: Điểu Thân