VOV4.M’nông: Rnâng kan ƀư nau kan Trung ương mhe ƀư rơh rƀŭn trực tuyến tâm 70 ntŭk gay ma tâm nchră ƀư nau ndâk njêng Đảng rơh 3 bah năm ndrel ntrŭnh ƀư ăp nau kan tâm ăp khay dŭt năm. Ƀư tơm tơh rƀŭn, Uỷ viên Bộ Chính trị, Bí thư Trung ương Đảng, Kruanh Rnâng kan ƀư kan Trung ương Trương Thị Mai đă tâm rơh tât ân geh ntrŭt dăng nau bonh đă ăp cán bộ geh nau mĭn rgâl mhe, blau mĭn, blau kan yor nau geh jêng nsum. Wa Trương Thị Mai kŏ lah rjăp nau n’hao nau kan mêt uănh, uănh mpeh nau kan ƀư ndâk njêng Đảng bah ăp gưl uỷ, ntŭk kan đảng ăp gưl, năn saơ, ntĭm nti, rnê, nkhôm, pơk hvi ăp nŭih ntoh lư blau, nŭih kan blau, nau kan ueh, mhe, blau tâm nau ƀư ndâk njêng Đảng. Kruanh rnâng kan Trung ương đă kơl tâm nchră ân năn nau kan mpeh nŭih kan, đăp mpăn tâm di nau kan, nau dơi, nau ntrŭnh. Ndâk njêng nau nchrăp ndrel ƀư jêh nau mêt uănh, dăp nau kan đah ntŭk kan Đảng, đảng viên ndrel rmôt kan, êng nŭih cán bộ rđau kan, mât ăp gưl kan 2021./.

Nŭih rblang: H’Thi