VOV4.M'nông: Ôi 26/8, ta Hà Nội, ƀư rơh hop bôk năp Ƀan rđău đă rdâk njêng Đề án "N'glôch jêh 15 năm tĭng ƀư Nghị quyết Trung ương 5 (khóa 10) mpeh rgâl mhe tay trong rđău kan bah Đảng đah nău kan lam rêng kan chính trị” hao mbơh rblang Tâm nchră Trung ương 6 (khoá 13). Kruanh Ƀan Tổ chức Trung ương Trương Thị Mai ƀư tơm hop. Wa Trương Thị Mai, Kruanh Ƀan rđău đă Đề án dăn đă ăp nuĭh kan tâm Ƀan rđău đă kan nsum đah nhih pah kan rnâng kan mĭn uănh di tay na nê̆, sơch ăp way nkô̆. Tĭng nê, ăp nkô̆ ân rgum ăp nkô̆ nău têh, jru hvi, der geh nău tâm trŭp, nkre đă du đêt gưl ủy, mpôl kan đảng tĭng ƀư nău mbơh way nkô̆. Đề án ân dơi ƀư lôch jêh tâm khay 9-2022. Nkre njrăng đă, hôm di 1 năm gay an tĭng ƀư, yơn lah n'glĕ nău dơi bah nkô̆ nău hôm dŭt hvi, yor kơt nê̆, ăp nuĭh kan Ƀan rđău đă ân gŭ mĭn tay gay râng rgop nău rdâk njêng si ƀŭt mbơh n'hanh ăp nkô̆ nău nkre đah nău dơn kan, nău kan bah gưl ủy, mpôl kan đảng ma ăp nuĭh dôl pah kan./.

Nuĭh rblang: Điểu Thân