VOV4.M’nông – Đah bôk nău “Tơm khlay-Lĕ đah nău kan-Kỷ cương-Ntrong leo-Mĭn ƀư mhe”, Ntơm ƀư năm nti 2021-2022 bah Học viện Chính trị Quốc gia Hồ Chí Minh lĕ ƀư tĭng trong pơk sŏng dăng tâm ôi 9/9, ta Hà Nội. Ntoh ngơi đah cán bộ, nai, kon hŏk bah Học viện, wa Võ Văn Thưởng, Ủy viên Bộ Chính trị, Rnâng kan Ban Bí thư đă an dun n’gang nău mĭn nti gay geh bằng cấp, an tŏng gay dơi kơl, n’hao prăk khay, dơi dăp rgâl lah kruanh. Năm nti 2021-2022 kon hŏk rgum ƀư nău kan ntĭm nti, ntop tay tĭng trong pơk sŏng dăng. Uănh khlay ăp bôk nău kan, giáo trình ntĭm nti cao cấp, trung cấp lý luận chính trị, ăp bôk nău ntĭm nti, ndrôm sam ƀŭt nti ăp jrô bỗi dưỡng chức danh.... Nkre, ntrôl ngăch ndâk njêng n’hanh ƀư tĭng săk rnglăy ăp bôk nău rgop tâm nchră ntĭm nti nai lý luận chính trị, gay nchrăp nuĭh lăp nti uĕh blău lơn.

Nŭih rblang: Y Sưng Phê Ja