VOV4.M’nông: Way gu\ ngai rnăk wâl, wơt năm mhe ta n’har bri lah nău way đah nu^h tahen n’har bri dơm. Tết năm aơ lơn ma o\ r’ah lơn rnôk cán bộ, tahen n’har bri ân krêp nkre đah nkưp nde, ntu\k gu\ kâp chăm gay mât đăp mpăn rnă njrăng n’har bri n’hanh mât kân lhăt njrăng n’gang nuh srê. Jă kônh wa n’hanh băl mpôl tât đah Pôih n’har bri Mpông n’har Bu Prâng, nkuâl Tuy Đức (Bộ chỉ huy Bộ đội biên phòng Dak Nông), wơt năm mhe ta ntu\k gu\ kâp njrăng nuh srê ndrel ăp cán bộ tahen n’hanh [on lan n’har bri.

            Ngai đah đơn vị rlău 7km trong bri, ntu\k gu\ kâp njrăng n’gang nuh srê bah Đồn biên phòng mpông n’har bri Bu Prâng gu\ nklang bri nju\ng xã Quảng Trực, nkuâl Tuy Đức, n’gor Dak Nông. Aơ lah ntu\k gu\ n’hanh sông sa u\m ntu bah cán bộ tahen n’har bri n’hanh ăp mpôl kan ta ntu\k râng gu\ kâp chăm njrăng n’gang nuh srê Covid-19. Lah Dân quân tự vệ bah [on Bu Lung, xã Quảng Trực, ntop kơl hao ntu\k njrăng n’gang nuh srê, nô Điểu Liếp nkoch.

            “Ntơm bah khay 5 tât khay 12 gâp n’hanh oh nô tâm đơn vị gu\ tay ta ntu\k kâp njrăng njrăng n’gang nuh srê, dơi geh nău mât uănh bah n’gâng kan n’hanh đơn vị oh nô mpôl hên geh nsưng b^ch rlu, bar pe khay aơ geh oh nô hôm mô ho\ du tơ\ geh  s^t jay yơn way m^n lah ân nsrôih yor nuh srê mô geh nu^h nănh ton lah bah le\. Ndr^ jêng năm aơ oh nô gu\ tay kâp chăm mô s^t, mpo\ng lah geh rnăk wâl tât khâl”

            Gu\ jru tâm bri, nău gu\ rêh ta ntu\k kâp chăm njrăng n’gang nuh srê Covid-19 bah pôih n’har bri Bu Prâng du\t jêr jo\t. Sóng điện thoại rnôk geh rnôk mô, điện man to\ng mpoh ang 2 mông/nar dơm. Bôk năp mô to\ng dak do\ng, nklăp bar pe nar ăp oh nô tâm pleh ju\r u\m ntu pih ndơ n’hanh nchrăp ăp ndơ do\ng khlay. Yô| tahen, nu^h [on lan ta ntu\k nchră trong rdeng dak tât ntu\k gu\ kâp njrăng, pă an biăp gay ăp oh nô t^ng [ư nău kan. Wa Đoàn Lê Anh, du hê nu^h [on lan ta Dak Bu\k So an g^t:

            “Oh nô tahen n’har bri du\t uănh khlay tât nu^h [on lan ta ntu\k n’hanh geh nău tâm mât uănh khlay nsum. Ntu\k gu\ kâp njrăng hôm âk jêr jo\t rnôk gu\ kan kơt mô ho\ geh ntu khoan, mô to\ng dak ngêt sa, nu^h [on lan rdeng dak hăn tât ntu\k gu\ kâp chăm gay oh nô gu\ kâp njrăng, nking nchăng n’har bri gay njrăng n’gang nuh srê Covid-19. Saơ nu^h mha êng hăn tât ntu\k ri mpôl hên mbơh an tahen n’har bri”.

            Uănh ntu\k gu\ kâp chăm njrăng n’gang nuh srê tâm ban ma Đồn, kơt jay, ăp tahen njêng êng nău rhơn m[ak wơt năm mhe răm m[ak. Lôch rơh hăn rsong uănh, ăp nu^h ndrel nklâm bánh chưng, nkrơ\ ue\h tơm mai êr, wơt tết ơm nkhêp geh ntơh măt nu^h ntơh măt ăp n’gâng kan, nsum mpôl n’hanh nu^h [on lan tât khâl. Trung uý Phạm Ngọc Tuấn nkoch, aơ lah năm tết tâl 3 mbro nô mô s^t ndrel rnăk wâl.

            “Mpôl hên ăp nu^h tahen n’har bri dôl gu\ kan ta nkual n’har bri ri way ntro\ng nău kan lah tết way gu\ kâp chăm. Oh nô mpôl hên kuăl điện s^t an rnăk wâl, ur kon lah năm aơ lah du năm geh nuh srê têh, ăp nu^h tâm rnăk wâl gu\ ta jay lơn lah ur kon g^t wât n’hanh an nău yô| đo\ng an nău rêh bah mpôl hên. Ăp nu^h rgo\ jă mpôl hên lah ta n’har bri nsrôih mât ue\h n’hâm suan, pah kan jăp, nsrôih mât njrăng [ư tơm rnă njrăng n’har bri tâm ban kơt [ư lôch jêh ue\h nău kan mpôl kruanh đồn ho\ jao an”

            Thượng tá Bùi Văn Mừng, Chính trị viên Đồn biên phòng Mpông n’har bri Bu Prâng an g^t, t^ng [ư nău kan mât njrăng [ư tơm rnă njrăng n’har bri neh dak tâm ban kơt njrăng n’gang nuh srê Covid-19, đơn vị ho\ an [ư ăp trong nchrăp rsong hăn, kan nsum lhăt đah ăp đơn vị, ăp mpôl kan ta ntu\k. Nkhêp geh rnôk Tết Nguyên đán, đơn vị mât đăp mpăn kâp njrăng le\ rngôch rnoh tahen, đah nuih n’hâm rhơn năm mhe yơn mô chuêl nău kan:

            “Đồn biên phòng mpông n’har bri Bu Prâng [ư jăp pah kan nt^m nti chính trị nău m^n gay cán bộ tahen gu\ tay mât njrăng tết đăp mpăn ngăn nuih n’hâm pah kan, an n’hao mpôl tahen mât njrăng n’har bri ta ăp rmôt ntu\k gu\ kâp chăm ndăng măng nar, [ư nău kan ân saơ ơm bah ngai n’hanh nking nchăng mô an geh ăp nu^h nchuăt rlăư n’har bri lăp tih nău way hăn rlău n’har bri, [ư jêng ntưp rêng nuh srê Covid-19, nkre đăp mpăn to\ng ăp ndơ do\ng an cán bộ tahen đăp mpăn ngăn nuih n’hâm pah kan”

            Tết tât năm mhe s^t, rnôk ăp nu^h dôl ma njôm wa\r bah meng rnăk wâl wơt du năm mhe răm m[ak, ăp tahen n’har bri ta ntu\k gu\ kâp njrăng nuh srê Bu Prâng hôm dôl nâp tay ti nhu\p n’gâr phao gay mât njrăng n’har bri, an năm mhe lơn ma đăp mpăn rhơn m[ak đo\ng./.

Nu^h rblang: Điểu Thân