VOV4.M'nông: Jêh âk năm kop ji, săk ranh, mô ngăch, nar 13/1/2018, tahen dăng janh [on lan, Thiếu tướng Y Blôk Êban, nu\ih ơm kăl e bah yôk bri Tây Nguyên le\ tăch n’hâm ta năm 97 năm deh, ta jay nơm thôn 5, phường Tân Hoà, nkual [on têh Buôn Ma Thuột, n’gor Dak Lak. Nkah g^t n’hâm soan bah nu\ih tướng bôk năp tâm [on lan ăp rnoi mpôl đêt Tây Nguyên đah ăp rơh tâm lơh so\k đăp mpăn an rnoi mpôl, he ndrel m^n joi g^t mpeh nău rêh n’hanh nău kan cách mạng bah ndrô Y Blôk Êban, du nău ntoh n’hao bah Tây Nguyên.

          Thiếu tướng Y Blôk Êban ndeh năm 1921, ta buôn Chư Dluê, xã Hoà Xuân, thị xã Buôn Ma Thuột (a[aơ lah nkual [on têh Buôn Ma Thuột, n’gor Dak Lak) tâm du rnăk geh 7 oh nô ruh klău. Lah du\t bu klô n’gle\ du\t, Y Blôk Êban geh âk nău rngot klâng rnôk 2 năm deh ho\ roh bơ\. Jay ach o, Y Blôk Êban ân hăn luh kan thuê an bu joi sa. Năm 15 năm deh, lôch nti tiểu học, Y Blôk Êban geh Pháp nhu\p hăn tahen [ư mât njrăng gu\k ndrung ta ndrung kru\ng Buôn Ma Thuột.

            Ta ndrung kru\ng Buôn Ma Thuột, Y Blôk Êban dơi mâp đah du đêt nu^h gu\ ndrung chính trị n’hanh dơi nkoch trêng, dâk kah trong kan cách mạng. Nar 22/8/1945, Y Blôk Êban ho\ leo mât bôk du trung đội tahen gu\ kâp mât njrăng [ư mông chào cờ bah Trần Trọng Kim tă bah phát xít Nhật njêng [ư jêng rơh ntroh hăn kơl cách mạng n’hanh pit geh nău dơi s^t ti [on lan. Nău kan han dăng bah Y Blôk Êban ta nâm nău rđău đă bah Ban kruanh rđău kan manh bôk kan n’gor Dak Lak ho\ [ư an n’gâng kan Trần Trọng Kim mô năn plơng lơh. Nău dơi lor bôk năp dja ho\ n’hao Y Blôk Êban dâk ngăn tâm rmôt cách mạng. Păng dơi râng tâm Uỷ ban manh kan bah n’gor Dak Lak.

            Năm 1954, păng rgum s^t mpeh Bắc n’hanh dơi mâp wa Hồ, Đại tướng Võ Nguyên Giáp; kơi năp nti tay mpeh nău m^n cách mạng, lơn lah nuih n’hâm tâm rnglăp lam rnoi nu^h. Năm 1958, păng dơi n’hao grat Thượng tá. Năm 1960, păng plơ\ tay Tây Nguyên, [ư groi Tư lệnh lôch nê dơi [ư Tư lệnh Quân khu VI. Lah nu^h mât bôk tahen hăn tâm lơh ăp ntu\k, păng ho\ [ư an phu\ng rlăng rnôk nkah tât săk Y Blôk Êban nkre klach sâr, nkre chuh chu\n.

            Năm 1974, păng dơi n’hao grat Đại tá, [ư Kruanh Uỷ ban quân quản n’gor Dak Lak. Tât khay 1/1975, Bộ Chính trị n’hanh Quân uỷ Trung ương n’glêh an sơch Buôn Ma Thuột [ư ntu\k tơm khlay bah trong hăn lơh Tây Nguyên.

            Di 2 mông 3 mn^t ôi 10/3/1975, ndrel đah ăp nhih pah kan tahen, Y Blôk Êban mât bôk tahen n’hanh [on lan ăp rnoi nu^h n’gor Dak Lak rdôl lơh tâm thị xã Buôn Ma Thuột. Tât 10 mông nar 11/3/1975, tahen he ho\ [ư tơm le\ rngôch lam thị xã. Nău dơi dja ho\ ntơm njêng khlay pơk trong rklaih luh Tây Nguyên n’hanh rklaih luh le\ rngôch miền Nam, dơn ngoăy neh dak.

            Năm 1975, wa Y Blôk Êban lah Kruanh Uỷ ban quân quản Dak Lak n’hanh lôch nê [ư Kruanh UBND n’gor Dak Lak. Lah nu^h kon bah [on lan Ê đê, Y Blôk Êban ndrel đah ăp nu^h băl tahen bah he ho\ rgo\ jă [on lan Tây Nguyên way nsing nơm hăn t^ng Đảng, t^ng cách mạng.

            Năm 1982, wa Y Blôk Êban dơi ntăm grat Thiếu tướng, lah nu^h tướng lor bôk năp bah ăp rnoi mpôl đê| ta Tây Nguyên.

            Năm 1986, păng plơ\ pah kan tay tâm tahen, mpeh Tổng cục Chính trị an tât nar rlu ranh. Păng hôm lah đại biểu Quốc hội ăp khoá III n’hanh IV.

            Lôch du rơh kop ji jru, bol ma ho\ dơi mât chăm mha êng, yơn tă bah năm âk soan ranh, păng ho\ tăch n’hâm ta jay êng tâm ôi nar 13/01/2018, jong rêh 97 năm deh.

            Păng mbro mbrăng lah nău n’hao êng săk bah bri têh Tây Nguyên./.

Nu^h nchih rblang: Điểu Thân