Phênhv “Cxuô hêir nênhs têx cêr nênhx vênhx huôv jông” thưr 7, hnuz 27/2/2016:

Nậm Loỏng-Lai Châu kriz ntênhk hội tso tưv siz đrâuk

          Ntênhk hội tso tưv siz đrâuk hâur shông yiêz, tưz kriz trâu ntơưv xã Nậm Loỏng, đrôngl Lai Châu hâur shông no. Hâur jiês tso tưv siz đrâuk no muôx 22 tus tưv, zos tsôngv px nhoz thax đrôngl thành phố thiêz iz cxiê huyện hâur tsav tỉnh Lai Châu chaz tuôx tso siz đrâuk. Tưv zos zav tsiêx cxu, tsôngv px tu zus chiê tâu lêix têz, lêix liêx; taz sik đros trâu cêr lov jêv hâur shông yiêz, hâu nov thiêz px nhgoz thax tsav tỉnh Lai Châu tưz tsưr tsix kriz ntênhk tso tưv siz đrâuk thiêz muôx chôngz lênhx kruô tuôx sêiz shuôk.

          Tix lâus Triệu Phúc Kim, zos iz lênhx kruô nhoz tỉnh Yên Bái tuôx đros côngv cêr lov jêv, tso tưv siz đrâuk hêik pâuz tiêk: nưs tưz hnor thav tso tưv siz đrâuk tâu ntêr lok; taz sik zos chor tưv tâu xêir chiê tso siz đrâuk li: Phú Thọ, Hải Phòng. Zos tso tưv siz đrâuk ntơưv tỉnh Lai Châu mak ho txơưr, tsuôk zos tso tưv siz đrâuk, uô lov jêv hauar shông yiêz “tus đrâu zênhx thiêz sưz, sđ cux jông siêz hur si”. Kror lar đuô zos chiê tsôngv kruô sđ nhoz trâu cxuô qơư chiê tuôx siz njiz, siz thav thiêz cơưv shâuv tsưr ziv huôv tsar cêr uô nox, huôv tsar truôx cxuô hêir nênhs têx cêr nênhx vênhx huôv jông.

          “Cur tưz tuôx sêiz tso tưv siz đrâuk oz jiês ntơưv xã  Nậm Loỏng, cur sêiz pov ka lov jêv hênhr thiêz shông no tsôngv px sđ tuôx sêiz chôngz. Tsôngv px nhoz thax tsav jêx jos tox siêz, tsơưs jiês thiêx tâu muk sêiz shuôk cxuô ntênhk hội nthuôr uô cêr lov jêv; chênhr zos li hêik ntơư, hâur jiês tso tưv siz đrâuk no, muôx chôngz lênhx px nhoz trâu cxuô tsênhv qơư tuôx sêiz shuôk. Cur cux xar njôngr, Ban tsưr tsix, tsuv kriz đar uô ntâu cêr lov jêv cov muôx chôngz kruô tuôx sêiz shuôk”.

          Ntơư zos jiês tiv 8, ntênhk hội tso tưv siz đrâuk, tâu hâu nov ntơư qơư tsưr tsix; taz sik shông no tâu tsưr tsix kriz uô lov jêv đuô thiêz muôx chôngz lênhx kruô tuôx sêiz shuôk. Ntênhk hội tsưr tsix tso tưv siz đrâuk, tâu tsưr tsix đros ntênhk hội grâuv tox, du lix côngv thôngx….Zơưv Tuôv x Zax, chủ tịch uỷ ban xã, tsar Ban tsưr tsix ntênhk hội tso tưv siz đrâuk xã Nậm Loỏng, đrôngl Lai Châu hêik pâuz:

           “Shông no, ntênhk hội tso tưv siz đrâu hâur xã tâu tsưr tsix lov jêv đuô cxuô shông thiêz muôx chôngz lênhx ntâu tus nhoz hauar tsax tsav chaz tưv tuôx tso siz đrâuk đros trâu ntênhk hội grâuk tox thiêz du lix. Shông no zos shông tiv 8, tsênhv qơư tsưr tsix tso tưv siz đrâuk chiê tsôngv kruô sđ tuôx sêiz shuôk”.

          Tuôx sêiz shuôk ntênhk hội tso tưv siz đrâuk ntơưv xã Nậm Loỏng hâur shông yiêz, tsôngv kruô sđ tsênhv pâuz tâu nzir cxuô hêir nênhs VN têx cêr nênhx vênhx huôv jông; lar hêir hêik zos Hmôngz nhoz cxuô thax tsav ntơư têx cêr nênhx vênhx huôv jông tsênhv muôx nhoz đros trơưr hâur luz nênhx tsik chiê plox./.

                                                                    (Tsu, cxêik nhênhv-Khắc Kiên)