TSAZ YÊNHX MÊNHX CXƯX THIÊZ HUÔV TSAR

Tsôngv box thiêz fôngx zưs sơưr đơưk hmor yuô! Ntu đhâu, Đros muôx Đảng, Têz qơưk tsov cưv txos, tiv zix zos têz qơưk tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz tưz paz trâu thax tsav tox siêz, nhoz đêz muôx ntâu hlôngr yiêz. Hâur co, nganhx zoz zux cux tâu yưv pênhr, cxiv tsa tsêr lớp ziv hnuz ziv truôx jông… tưz paz trâu têx tuz nhuôs tsôngv box mênhx cxưx tsơưs nênhs tâu tuôx cơưv ntơưr zôngx ziv đuô. Chor nênhs sâu xor xưv Đaix nta suôz Việt Nam nhoz Cần Thơ muôx jax sâu hêik txos huôv tsar cxiv luôs tsêr cơưv nội trú trâu chor tuz nhuôs tsôngv box Khơ-me nhoz tỉnh Sóc Trăng đrav kaz no zuôr hêik tsênhz mênhx đuô lok vênhv thix no. Zâuv sơưr đơưk tok mnôngs.

Tsôngv box thiêz fôngx sơưr đơưk hmor yuô! Tas nro tỉnh Sóc Trăng muôx 10 tsêr cơưv phôv thôngz mênhx cxưx nội trú đros muôx 102 lớp, 3.300 ntâu lênhx shux xênhz zos têx tuz nhuôs tsôngv box mênhx cxưx tsơưs nênhs tuôx cơưv ntơưr. Đros cxiv luôs chor tsêr cơưv phôv thôngz mênhx cxưx nội trú ziv hnuz ziv huôv tsar tưz paz zôngx ziv trâu chor shux xênhz mênhx cxưx tsơưs nênhs, shux xênhz nhoz đêz, tox siêz, thax tsav txov nhêv tiv zix tâu tuôx cơưv ntơưr jông đuô, paz muôx nênhs chiê kruôz kriê uô canr bôv trâu thax tsav qơư, gôngr côngv tsik tsơưs trâus hâux lưv huôv tsar zoz zux, gra siêz tsơưr lươngv pênhr jos nhoz têz qơưk tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030; ntu 1 txix shông 2021-2025.

Sóc Trăng sir jos txoz cxơưx jông paz trâu chor shux xênhz mênhx cxưx nôiv trur

Muk sêiz yuô Tsêr cơưv Cxênhx oz Mênhx cxưx nội trú Châu Thành, tỉnh Sóc Trăng, kror njiê pov tâu xuz thơưx zos vax tsêr tâu cxiv uô jông, qar tiêx tsêr cơưv ntơưv tâu uô hur thiêz jông jav. Phêiz kênh đhâu 4 shông cơưv ntơưr thiêz xênhz huôx ntơưv tsêr cơưv, Trần Thị Chanh Tha, shux xênhz lớp 9A2, mênhx cxưx Khmer puz pâuz, tênhv qơư cơưv ntơưr ntơưv no lok six jông, shux xênhz tâu tsêr cơưv ntơưr paz tas nro têx ntâuz ntơưr, qơư nox nhoz… khov co mak cur chuôz zis lok six shir phaz, viv tsik tsuv cxơưx txos nhiêx txiêx cơưv ntơưr yênhx shông: Hâur shôngk shông cơưv mak pêz tâu tsêr cơưv muôz paz cxix cxuô têx ntơưr cơưv, ntơưr sâu… Cuk kriê ntơưr mak sir jos paz trâu pêz, cxơưz  cxiz pez cơưv ntơưr, cux li vêv xênhz qơư nox, nhoz cov hur si.

Tsêr cơưv Cxênhx oz Mênhx cxưx nôiv trur huyện Châu Thành tâu muôz lok kriê ntơưr txix shông cơưv 2012-2013, đros nhiêx txiêx cxiv uô muôx 59 tiv đêiv. Tsêr cơưv tâu yưv pênhr lok six cxix cxuô lok vax tsêr, chuôz zênhx cxuô zav txâuk trâu cưk kriê ntơưr thiêz shux xênhz li hâux lưv kriê ntơưr, nox nhoz, xênhz huôx…

Hâur shông cơưv no, tsêr cơưv muôx 265 shux xênhz zó têx tuz nhuôs tsôngv box mênhx cxưx Khmer tuôx cơưv ntơưr, đros muôx 8 lớp txix lớp 6 txos lớp 9. Chor shux xênhz puôr lênhx cơưv ntơưr thiêz xênhz huôx tsêx trung ntơưv tsêr cơưv. Txơưv tiêk tsuv nhoz đêz vax tsêr hâur six hơưv cơưv ntơưr, taz sik đros siz hluz, siz paz, đros muôx chor cưk kriê ntơưr sir jos paz, chor shux xênhz tsik so sir jos cơưv ntơưr thiêz cơưv shâuv.

Cơưv ntơưr ntơưv no, chor shux xênhz tsênhv tsik so tâu cxaz chuôz têx huôx tôngv vênhx huôv, thể thao, vênhx nghệ zos tsêr cơưv tsưr tsix. Jê no tiv zix, zos tsôngv box Khmer li Tsiêz cxôngx nzor Chôl chnăm Thmây, tas nro chor shux xênhz hâur tsêr cơưv  tâu cxaz chuôz têx huôx tôngv vênhx huôv ntơưv tsêr mnov Nam Tông Khmer nhoz jê co. Txos tsâuk ntux, muôx nthuôr uô cêr lov jêv muôx ntâu kror vênhx huôv mênhx cxưx jông tâu ciês chor shux xênhz kriz uô. Chênhr têx huôx tôngv li no, tưz paz trâu chor nhuôs pâuz tsênhz đuô txos zuk mênhx cxưx têx vênhx huôv cxôngx nzor… Sơn Hảo Nghi, shux xênhz lớp 6 ntơưv tsêr cơưv Cxênhx oz mênhx cxưx nôiv trur Châu Thành, hêik pâuz: Cur cux pâuz hu gâux viv li tas nro tsêr cơưv ntơưr têx huôx tôngv mak cur cux đăngk cir cxaz chuôz. Cur tưz thik tưr hâur tsaz yênhx zos tsêr cơưv tsưr tsix zos thik “Suôz gâux jông”, cur thik tưr tâu thiêz nhiv no muôx chor tsaz yênhx vênhx nghêv mak cur puôr lênhx cxaz chuôz hur si.

Cưk kriê ntơưr Đồ Văn Nôl, Nênhs sêiz car Tsêr cơưv Cxênhx oz Mênhx cxưx nôiv trur huyện Châu Thành puz pâuz, yênhx shông, tsêr cơưv tsik so muôx têx huôx tôngv zoz zux vênhx huôv mênhx cxưx chiê kriê trâu shux xênhz pâuz tâu txos cxuô mênhx cxưx tsơưs nênhs têx vênhx huôv cxôngx nzor, hêik pâuz lok têx ntênhk hôiv cxôngx nzor, têx zav uô si, suôz gâux… Têx huôx tôngv no zos yênhx tênhv qơư uô nênhx sưv jê, sik côngv siêz thiêz muôx ntâu vênhx huôv mênhx cxưx jông, paz trâu chor nhuôs pov tâu têx kror sưv jê, xưk li uô nênhx nhoz hâur zuk chuôz zis: Chiê paz iz phênhv tưs trâu hâux lưv tuôr tsês chiê thiêz phuôx huiz cxuô mênhx cxưx têx tsiv gri vênhx huôv cxôngx nzor, hâur co muôx mênhx cxưx Khmer mak hâur ntu đhâu tsêr cơưv ntơưr tsik so tsưr tsix chor huôx tôngv lok vênhx nghệ, thể dục, thể thao cê zos chiê chor shux xênhz muôx tâu qơư uô si jông cux li paz trâu chor shux xênhz gra siêz tâu tsơưr lươngv cơưv ntơưr.

Chor tsêr cơưv phôv thôngz Mênhx cxưx nôiv trur li tsưr ziv zoz zux muôx pưk txuzz zov chênhr hâur huôv tsar pênhr jos tsơưr lươngv siêz nhoz thax tsav mênhx cxưx tsơưs nênhs, tox siêz, thax tsav muôx kinh têr-xar hôiv txov nhêv tiv zix. Ntơưv Sóc Trăng, nhiv no muôx 10 tsêr cơưv Phôv thôngz mênhx cxưx nôiv trur, đros muôx 100 ntâu lớp thiêz 3.300 ntâu shux xênhz thax tsav tsôngv box mênhx cxưx tuôx cơưv ntơưr. Tiv zix, chor tsêr cơưv ntơưr puôr lênhx tâu tỉnh tsov cưv txos, kho đuô, cxiv tsa, jux juk tax tâu cưk kriê ntơưr, chor shux xênhz tsôngv box mênhx cxưx tsơưs nênhs li hâux lưv kriê thiêz cơưv ntơưr.

Cưk kriê ntơưr Đồ Văn Nôl, Nênhs sêiz car tsêr cơưv Cxênhx oz Mênhx cxưx nôiv trur Châu Thành puz pâuz nzir, đros muôx cxuô cấp chinhr quyền thax tsav qơư hâur tỉnh li tsov cưv txos, tsêr cơưv Cxênhx oz Mênhx cxưx nôiv trur Châu Thành tax tâu ploz tsênhr têz qơưk trâu shông 2016 thiêz tror tax tâu ploz tsênhr têz qơưk trâu shông 2021. Yênhx shông, tsêr cơưv tsik so tâu yưv pênhr kho đuô, zuôr têx chuôz zênhx kris thiêz cơưv ntơưr, têx zavuô si phưx vưv trâu chor shux xênhx têx huôx tôngv đrâuv six hơưv cơưv ntơưr. Jê no tiv zix zos yưv pênhr cxiv tsa pak đêx đa, đuô li, tsênhv tâu paz tsôngv box Khmer bôv trax trâu chor nhuôs cơưv thiêz cxaz chuô biểu diễn… Ciês hâur shông cơưv no, tsêr cơưv tâu kho đuô qơư trâu shux xênhz nhoz, phòng meir vi tính thiêz iz cxiê kror txơưr đuô đros nhiêx txiêx uô zuôr xar 8 tiv đêiv. Txix thax tsav qơư li tsov cưv txos, cưk kriê ntơưr têx sir jos, shux xênhz li tsơưr lươngv cơưv ntơưr tưz tâu gra siêz đuô. Hâur shông cơưv nhiv kruôr đhâu, 70% ntâu shux xênhz tsêr cơưv tax tâu cơưv ntơưr txơưx, 100% shux xênhz tâu ndê lớp: “Đros tênhv qơư li co mak chor cưk kriê ntơưr, nhân viên hâur tsêr cơưv cux pov cux tsuv muôx txơưx jênhv. Viv li mak tập thể tsêr cơưv ntơưr tsik so sêiz shuôk jông shux xênhz li hâux lưv cơưv ntơưr, tiv zix zos hâur xênhz huôx, mak tiv zix zos đros shux xênhz lớp 6, zos shux xênhz nhiv kruôr tuôx cơưv nôiv trur, jiês xuz thơưx ciês nhoz đêz vax tsêr viv li tsuv muôx chor cưk kriê ntơưr, chor nhân viên hâur tsêr cơưv sir jos đros paz, paz trâu chor shux xênhz muôx tâu tsưr ziv, txux chi uô nênhx nhoz hâur tập thêv nôiv trur.

Tsov cưv txos côngz xưv huôv tsar zoz zux hêik cxuô, zoz zux thax tsav mênhx cxưx tsơưs nênhs hêik taz đros muôx ntâu tsênhv chêi paz trâu chor shux xênhz mênhx cxưx tsơưs nênhs tsik so tâu tsov cưv txos kriz uô, paz trâu têx tuz nhuôs tsôngv box mênhx cxưx tsơưs nênhs tâu cơưv ntơưr cxix cxuô thiêz tâu muk cơưv têx tsêr cơưv đại học, cao đẳng, trung cấp hâux lưv uô tưz paz muôx nzir pênhr jos trâu côngz xưv huôv tsar kinh têr-xar hôiv nhoz tỉnh Sóc Trăng hêik taz, hur si têz qơưk hêik cxuô hâur ntu đhâu thiêz ntu zuôr txos no./.

Tsôngv box thiêz fôngx zưs sơưr đơưk hmor yuô! Chor nhuôs tâu muk cơưv ntơưr hâur tênhv qơư ngaz tuk, zos chor uô niêv uô txir li kror xar njôngr txos. Zos thax tsav qơư muôx 35% ntâu dân sôr zos tsôngv box mênhx cxưx tsơưs nênhs uô nênhx nhoz, hâur têx shông đhâu, Sóc Trăng tưz tsik so sir jos kriz uô ndar six hơưv, truôx jông Đảng, Têz qơưk têx tsênhv chêi paz trâu tsôngv box mênhx cxưx. Khov co, tsôngv box mênhx cxưx tsơưs nênhs hêik cxuô thiêz pox nhuôs mênhx cxưx Khmer heiek taz sâuv thax tsav luz nênhx ziv hnuz ziv hlôngr yiêz jông đuô. Khov trâu têx tsênhv chêi tsênhv tsênhz co tưz jux juk uô hlôngr yiêz cxuô qơư nhoz thax tsav tsênhv yuôr ntâu txov nhêv no.

Tsênhv chêi mênhx cxưx jux juk paz hlôngr yiêz thax tsav mênhx cxưx tsơưs nênhs ntơưv Sóc Trăng

Tsênhv tu zus 2 tuk nhuvv đas sind sha mê nhuôv nhiv kruôr tâu têz qơưk paz kuôk no muôx 1 hli ntâu hâur dưv anr paz uô nox, huôv tsar tsưr ziv txo grêk yêiz pluôs nhoz Têz qơưk tsaz yênhx txo grêk yêiz pluôs truôx đrênhk, ntu 2021-2025, zơưv Trần Ngọc Phương nhoz xar Thuận Hòa, huyện Châu Thành lok six shir phaz, viv tâu têz qơưk paz li no, zuôr paz trâu zơưv chuôz zis luz nênhx truôx tuk đuô. Nhiv no, zơưv Phương tưz chos nzir jâuz tâux trâu nhux nox, đros co ntiêr 3 kror ar têz chiê chos nzir txir táo xiêr đros siêz xar tiêk zuôr paz trâu chuôz zis muôx nzir phênhv sâu, nzor hla đhâu yêiz pluôs. Zơưv Trần Ngọc Phương hêik pâuz: Tâu têz qơưk paz mak pêz zuôr sir jos, uô chak cov paz muôx tâu phênhv sâu truôx. Cur cux tưz chos tâux lưv, tsêr guôx cux tưz cxiv uô tâu, hok kỹ thuật, tsưr ziv tu zus mak cux tsênhv cơưv nzir.

Têz qơưk tsaz yênhx txo grêk yêiz pluôs truôx đrênhk, Têz qơưk tsaz yênhx cxiv tsa jêx jok yiêz, têz qơưk Tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz, đros ntâu tsaz yênhx, dưv anr, tsênhv chêi mênhx cxưx txơưr tâu cxuô cấp, cxuô nganhx hâur tỉnh Sóc Trăng chox kriê kriz uô tâu ntâu kror truôx jông. Đhâu co, tưz paz trâu chor ziv chuôz zis pluôs, chuôz zis zuôr xar pluôs tsôngv box mênhx cxưx tsơưs nênhs hêik taz jux juk hlôngr yiêz đuô luz nênhx, huôv tsar kinh têr, sir jos hla đhâu yêiz pluôs.

Lok huyện Trần Đề nhiv no, pêz pov têx hlôngr yiêz nhoz thax tsav tsôngv box mênhx cxưx tsơưs nênhs lok six ntâu. Co zos têx qox, cêr zoz thôngz jêx jok ziv hnuz ziv tâu uô jông. Ciês hâur ntu shông 2019-2024, huyện tưz cxiv uô yiêz 519 côngz trinhx, uô tiêr thiêz muôz lok sir zôngv 451 côngz trinhx. Ntâu côngz trinhx xar hôiv uô tiêr muôz lok sir zôngv tâu truôx jông, paz trâu kinh têr-xar hôiv huôv tsar, paz uô jêx jok hlôngr yiêz lok ntâu kror. Zơư Thạch Soi, nhoz jok Hội Trung, thị trấn Lịch Hội Thượng, shir phaz hêik: Têz qơưk lok six tsov cưv txos pêx xênhv luz nênhx tiv zix zos tsôngv box mênhx cxưx tsơưs nênhs. Tsênhv tsênhz, thâuv ntêx txox cêr no tsuôk đar muôx 1 thiêr, nhiv no tưz tâu kriz đar muôx 3 thiêr, pêx xênhv cux lok six thôngx ziv đros paz, muôz ar trâu têz qơưk uô cêr, txix co paz trâu pêx xênhv muk lok tâu zôngx ziv đuô, têx tuz nhuôs muk cơưv ntơưr lok cux tsik cxơưx ntâu lơưv.

Txix chor pênhr nhiêx muôz muôx 103 tiv đêiv ntâu txix têz qơưk Tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz têz qơưk Tsaz yênhx txo grêk yêiz pluôs truôx đrênhk, ntu 2021-2025; huyện Trần Đề tưz paz uô tsêr nhoz trâu 244 ziv chuôz zis, paz ar nhoz trâu 37 ziv chuôz zis, hlôngr đuô hâux lưv uô trâu 360 ntâu ziv chuôz zis, paz đêx xênhv huôx trâu 190 ntâu ziv chuôz zis; yưv pênhr cxiv tsa 28 côngz trinhx qox, cêr hâur jêx jok, xar txov nhêv tiv zix. Đuô li, cxiv tsa thiêz kho đuô ciêz thax tsav tsôngv box mênhx cxưx tsơưs nênhs, paz huôv tsar uô nox trâu côngv thôngx, kriê hâux lưv uô… Zơưv Trịnh Văn Bé, Phưv Chủ tịch Ủy ban huyện Trần Đề puz pâuz, ntu zuôr txos, huyện zuôr tsêx trung kriz uô ntâu tsưr ziv chiê uô cov tâu truôx jông đuô: Tsêx trung yưv pênhr paz trâu chor xar, jêx jok txov nhêv tiv zix li: paz lok ar nhoz, tsêr nhoz, ar uô nox, đêx xênhz huôx; paz huôv tsar uô nox txix ntâu kror trâu côngv thôngx; yưv pênhr uô cêr cxuô zav, phưx vưv trâu tsôngv box mênhx cxưx tsơưs nênhs li uô nox thiêz luz nênhx. Sir jos uô jông cxiv luôs chinhr triv ntơưv thax tsav qơư, sir jos krie nzir, gra siêz txux chi, tsưr ziv uô hâux lưv trâu chor canr bôv, tiv zix zos canr bôv mênhx cxưx tsơưs nênhs. Tsov cưv txos huôv star pênhr jos, gra siêz pêx xênhv li txux chi đros trâu kriê uô hâux lưv, paz muôx hâux lưv uô trâu tsôngv box mênhx cxưx tsơưs nênhs.

Bí thư Tỉnh ủy Sóc Trăng Lâm Văn Mẫn puz pâuz, Sơcs Trắng tưz hla đhâu ntu 2019-2024 txix ntâu kror phiv liv, ntâu kror vênhv thix muôx yưv thiêz lax njuôk xav, tiv zix zos moz Covid-19, qiv hơưv txơưr txar tưz uô phiv liv ntâu txos pêx xênhv luz nênhx. Hâur qênhx shênhx co, đros muôx cấp ủy đảng, chinhr quyền thiêz pêx xênhv hâur tỉnh, tiv zix zos tsôngv box mênhx cxưx tsơưs nênhs tưz phuôx huiz tâu sik côngv siêz, nhiêv têz qơưk, sir jos sik tưr, sir jos kriz uô cov hla đhâu têx phiv liv, chie uô tâu ntâu kror cov truôx jông.

Zơưv Lâm Văn Mẫn cux hêik mênhx, txix têx pênhr nhoz têz qơưk 3 Tsaz yênhx tưz tâu uô uô cê, kriz uô tâu truôx jông chiê yưv pênhr, kho đuô cxuô kror lok kinh têr-xar hôiv thax tsav mênhx cxưx tsơưs nênhs, khov co, txos nhiv no, tas nro chor xar puôr lênhx muôx cêr yêz lox muk txos tsênhv qơư; 99% ntâu ziv chuôz zis tsôngv box mênhx cxưx tsơưs nênhs tâu sir zôngv tênhv tênhz têz qơưk; chor chuôz zis tâu sir zôngv đêx hur huv vêv xênhz muôx 99% ntâu. Tiv zix, côngz xưv txo grêk yêiz pluôs ntơưv thax tsav tsôngv box mênhx cxưx tsơưs nênhs muôx ntâu kror hlôngr yiêz jông; tas nro tỉnh tưz paz hlôngr yiêz hâux lưv uô trâu 4.600 ziv chuôz zis đros muôx 67 tsưr ziv huôv tsar uô nox, paz muôx tâu ntâu kror uô nox trâu tsôngv box thiêz txo grêk yêiz pluôs truôx đrênhk. Xav txos kaz shông 2023, sâuv thax tsav tỉnh yuôr muôx 4.000 ntâu ziv chuôz zis pluôs zos mênhx cxưx tsơưs nênhs, grêk tsơưs 6.500 ntâu ziv pir li shông 2021: Chor chuôz zis pluôs tâu txo grêk 2% iz shông; hâur co, txo grêk chor chuôz zis Khmer pluôs 3% iz shông. Têx tsênhv chêi ngaz tuk xar hôiv tâu kriz uô ndar six hơưv, huv lênhx nênhs. Hâur ntu 2019-2024, tỉnh tưz paz cxiv tsa 14.826 luz tsêr nhoz trâu chor chuôz zis pluôs; hâur co, muôx 6.184 luz tsêr zos paz trâu chor chuôz zis pluôs mênhx cxưx tsơưs nênhs…

Têx uô tâu no zos muôx cấp ủy Đảng, chinhr quyền cxuô cấp tỉnh Sóc Trăng li têx sir jos uô, iz chas co zos pêx xênhv cxuô mênhx cxưx sâuv thax tsav tỉnh li sir jos hla đhâu têx phiv liv, đhâu co, tưz jux juk uô hlôngr yiêz thax tsav tsôngv box mênhx cxưx tsơưs nênhs.

Tsôngv box thiêz fôngx zưs sơưr đơưk hmor yuô! Tsaz yênhx mênhx cxưx thiêz huôv tsar hnuz no tsuôk xâuk li no xưz. Phôngv tsôngv box thiêz fôngx zưs sơưr đơưk nhoz jông thiêz mak njiz đuô sơưr đơưk trâu tsaz yênhx tov kaz./.