Sik thôngx siêz cov jok Làng Nủ muôx luz nênhx truôx tuk

“Cxuô lênhx sơưr đơưk puôr lênhx trâus tox xưz poz uô ruôr hiêv hnhar viv li cux thôngx ziv xưz, cur chuôz zis jông siêz chiê tas nro sơưr đơưk tâu sơưv liv.

Hur si ar têz thiêz têx tsoz chos puôr lênhx tsi zuôr pâux nzir, cur chuôz zis jông siêz xưz”.No zos zơưv Hoàng Xuân Thịnh thiêz Hoàng Ngọc Cường, 2 hâur 6 chuôz zis muôx ar liêx têz nhoz hâur thax tsav njuôk hov uô qơư nhoz trâu jok Làng Nủ têx lul heik jông siêz hlo chiê siz chos cxiv tsa iz jok Làng Nủ hur jông, truôx tuk.

Lơưr tsưr ziv tưz tâu thôngx ziv, jok Làng Nủ qơư nhoz yiêz zos sâuv tiêx trôngz siêz, kuôk đêz qơư nhoz kuz zuôr xar 2 cêik, xav hur si muôx nhos 10 ha. Thax tsav qơư no tâu ntâuk gri truôx tuk, zôngx ziv uô cêr muk lol, muôx hâur đêx thiêz liêx têz nhoz jê. Njuôk xav zuôr muôx 40 luz tsêr tâu cxiv uô uô ntêx, paz trâu chor chuôz zis trâus đêx nas uô ruôr hiêv jok Làng Nủ muôx vax tsêr nhoz. Yuôr đuô li cux txâuk chiê yêik txar têx chuôz zis txơưr đuô hâur thax tsav zôngx ziv trâus đêx nas, tox xưz poz uô ruôr hiêv lok nhoz shơư. Nhiv no, cxuô luôs hâux lưv li: Njuôk hov, khơưz kuô tsêr, tuôr xav têx pênhr jos chiê hu zâuv sơưr đơưk hâur xã hội sik đros paz tsênhv tâu fuô uô chiê bax cxiv tsa. Zơưv Nguyễn Văn Nhất, Phưv Chủ tịch Ủy ban huyện Bảo Yên heik pâuz:Pêz sir jos cxiv tsa tsưr ziv thôngz sâu cov tâu sei tiv zix chiê choz trâu lênhx nênhs yưv pênhr uô cxiv tsa côngz trênhx, trơưk li Thủ tướng Chính phủ chox kriê txos hnuz 31/12/2024 tsuv uô cov tiêr”.

Jok Làng Nủ qơư nhoz yiêz zuôr tâu uô yênhx thax tsav jêx jok jông jav. Chor tsêr nhoz zuôr tâu cxiv uô khor truôx, trơưk li tsôngv box Tày cêr nênhx phôngz cxưx, têx luôs hâux lưv lok sâuv xar tsưr ziv cxiv uô li chas cov jông thiêz khor truôx lơưr nênhs Tày phôngz cxưx zos Hội têx lênhx nênhs cxiv uô tsêr Việt Nam uô. Iz chuôz zis pêx xênhv iz chas tâu pheiz 300 xưv phaz ar nhoz, zuôr muôx nzir txix 500-1.000 xưv phaz ar têz chiê chos têx jâuz tâuv, uô qơư tu zus tsiêx cxu thiêz. Ciês thâuv nhiv kruôr seiz lax, fuô uô tưz tâu cấp ủy, hâu nov ntơưv qơư thiêz ntâu lênhx nênhs siêz jông thôngx ziv đros. Têx lênhx pêx xênhv jok Làng Nủ cux tâu cxơưz cxiz đros cxaz chuôz cxiv tsa, uô têx vax tsêr nhoz. Zơưv Trịnh Xuân Trường, Chủ tịch Ủy ban tỉnh Lào Cai heik pâuz:“Pêz tsuv sir jos cxiv tsa iz jok Làng Nủ yiêz jông đuô, truôx tuk đuô pir li Làng Nủ kuz, pêz uô viv iz côngv thôngx Làng Nủ, viv cêr chax chês vênhx huôv, viv têx lênhx nênhs trâul tuôs, tsôngv niêv txir lax pêx xênhv tsuv sik thôngx siêz, siz hluz siz paz hâur ntu phiv liv no”.

Xuz thơưx, thâuv tsênhv nhoz tok muôx qơư yiêz, hâu nov Lào Cai thiêz chor nênhs siêz jông tsênhv taz tov fuô uô luôs hâux lưv khơưz huk iz ndis thax tsav njuôk hov zuôr cxiv uô qơư nhoz yiêz co cov tiêx chiê uô qơư nhoz tax trâu tsôngv box, iz luz tsêr fênhz suôz nhoz tax đar 2, 3 châuv xưv phaz, iz ndis vax tsêr muôx cxix cxuô zav chiê phưx vưv nox nhoz, xênhz huôx muk lol./.

                                                                                                                    An Kiên-Riê Lâux cxeik, nhênhv

Txuôk tênhv tênhz yênhx iz cêr cor cav

Ntu đhâu, Sở Công thương tỉnh Sơn La tưz heik UB tỉnh Sơn La tso tơưv ntâu ntâuz ntơưr thiêz tsưr tsix têx tsaz yênhx lok cxênhx txuôk tênhv tênhz, chiê cxơưz tiês têx huôx tôngv sir zôngv năng lượng cxênhx txuôk sâuv thax tsav. Lơưr co tưz tso tơưv Chủ tịch UB tỉnh li chỉ thị số 12/CT-UBND hnuz 23/6/2023 lok chuôz tsar cxênhx txuôk tênhv tênhz sâuv thax tsav tỉnh Sơn La ntu 2023-2025 thiêz têx shông lơưr co; tso tơưv Cuiz tênhv thôngz đhâu bê têx tsôngv kruô sir zôngv tênhv tênhz coaz tsôngv zos lênhx nênhs tâu tsov cưv cungz tênhv thâuv saz muôs tênhv tso tsês lok sik txu grês phênhv cungz tênhv hâur cxix luôk tênhv tênhz shông 2023 thiêz shông 2024…

          Đrâuv co, Sở công thương tỉnh Sơn La cux tưz heik UB tỉnh tso tơưv ntâuz ntơưr cxơưz tiês cxênhx txuôk tênhv tênhz, taz por cungz tênhv taz por, truôx tul sâuv thax tsav tỉnh Sơn La hâur ntu yar ntux cuz sor shông 2024; heik tsoz tơưv ntâuz ntơưr taz por cungz tênhv tênhz tsiv uô, muôv muôs thiêz sir zôngv trâu tsôngv box têx luz hlik kaz shôngk shông 2024; seiz shuôk, cxaz nzir bê têx qơư sir zôngv năng lượng ntâu chiê pov cov Bộ công thương thôngz sâu lơưr cui tênhv.Tiv zix, Sở công thương tỉnh tưz sik côngv đros Công ty tênhv jos Sơn La thiêz têx Sở, ban, nganhx tsưr tsix muôx chêx cuk têx huôx tôngv yax mông lok sir zôngv năng lượng heik cxuô thiêz sir zôngv tênhv tênhz taz por, cxênhx txuôk thiêz muôx chêx cuk heik cxuô txos lênhx nênhs sir zôngv tênhv txix têx tsưr ziv yax mông li: têx jax sâu, phóng sự yax mông sâuv têx chiz coaz pov tsir nhoz tiv phaz, loa nta suôz, mạng xã hội; têx Pano, áp phích, ntâuz ntơưr; ntơưr cxênhx txuôk tênhv…Tix lâuk Trần Trung Hoan, cán bộ Công ty tênhv jos Sơn La puz pâuz: “Thôngz đhâu têx tsưr ziv yax mông li đuôz shav, đhâu sir zôngv yênhx tưv cux xưk li têx tsưr ziv muôz siêz yênhx tưv tưz paz têx mê nhuôk thiêz cưk kriê yênhx tix lênhx yax mông viên thiêz muôx yênhx tưv sir zôngv tênhv tênhz cxênhx txuôk, taz por thiêz muôx chêx cuk txos cxuô lênhx nênhs”

          Zơưv Nguyễn Đình Phong, Phưv giám đốc Sở công thương tỉnh Sơn La puz pâuz, thôngz đhâu côngz xưv yax mông, xav hâur chiến dịch six hơưv Trái đất shông 2023 thiêz shông 2024, têx huôx tôngv cxênhx txuôk tênhv tênhz tâu têx huyện, thành phố thiêz têx taz viv sâuv thax tsav uô lơưr. Chêx cuk, thâuv suôv câuv six hơưv trải đất shông 2023 tênhv tênhz cxênhx txuôk tâu zos 6 cxênhz 900 kw six hơưv, shông 2024 zos 19 cxênhz 170 kw six hơưv.

          Shux xênhz Nguyễn Võ Nhật Trung, shux xênhz lớp 6A, Tsêr cơưv THCS Lê Quý Đôn, TP Sơn La pheiz kênh:“Cur tâu pâuz zos tênhv tênhz tsi zos muôx ntâu thiêz lok six coaz tsôngv hâur lênhx nênhs luz nênhx. Nhoz cur chuôz zis khênhr tuô tênhv uô ntêx thâuv tsi nhoz hâur tsêr thiêz đruôz hnuz pov cêr mak phênhv ntâu tsi zôngv txos tênhv tênhz chiê cxênhx txuôk tênhv”

          Txix co khav tênhv tiêk, têx njiêz luv mak têx nganhx muôx txơưx jênhv nhoz Sơn La krêz uô hâur ntu đhâu tưz gôngr phênhv muôz siêz têx tsưr tsix, lênhx nênhs li jênhv pâuz lok sir zôngv tênhv cxênhx txuôk thiêz muôx chêx cuk, uô hlôngr yiêz txix jênhv pâuz yênhx têx huôx tôngv tsênhv tsênhz, đhâu co tax tâu iz cxiê chỉ tiêu lok cxênhx txuôk tênhv, taz por cungz tênhv trâu huôv tsar KTXH thiêz tsôngv box li luz nênhx xênhz huôx./.

                                                                                                     Thanh Thủy-Txâur Vax cxeik nhênhv