Yên Bái sir jos kho đuô têx trâus ruôr hiêv tiv ntux nas, tok shux xênhz tror tuôx cơưv ntơưr

          Lơưr thôngz sâu tsi tâu cxix cxuô, tiv coz nas chuô số 3 uô ruôr hiêv, tas nro tỉnh Yên Bái muôx 2 lênhx cưk kriê, 8 lênhx shux xênhz trâus tuôs, 2 lênhx shux xênhz trâus saz, 65 luz tsêr cơưv trâus đêx ngaz thiêz tox poz uô puôk tsuôx tas chuôz zênhx chuôz tav njuôs xav tas 45 tỷ đeiv ntâu, zuôr xar 2 cxênhz lênhx cán bộ, cưkk riê thiêz 12 cxênhz lênhx shux xênhz nhoz Yên Bái trâus zênhr shar tiv ntux nas…

          Tsêr cơưv mê nhuôk zâu Hoa Lan nhoz thax tsav phường Nguyễn Thái Học TP Yên Bái trâus ngaz tas nro yôngx 1. Muôx 3/6 lớp cơưv, khối văn phongx, tsêr uô jâuz mor, phongx ban giám hiệu, phongx y tế thiêz lok six ntâu chuôz zênhx kriê ntơưr, trôngx tos, pav vor…trâus puôk tsuôx tas hur si. Tsêr cơưv muôx 50% ntâu chor ziv chuôz zis shux xênhz trâus zênhr shar tiv coz nas chuô số 3. Cưk kriê Bùi Thị Phương Nga, Hiệu trưởng tsêr cơưv puz pâuz:     “Pêz trâus ruôr hiêv hnhar, tas nro chuôz zênhx bán trú li kror chuz uô jâuz mor, lâux câuz…trâus liêv tas nro. Uô ntêx pêz zuôr sir jos phuôx huiz đas jos thiêz thor jênhv têx paz max lok chuôz zênhx bán trú chiê tos mê nhuôk shux xênhz tror tuôx cơưv ntơưr”.

          Cưk kriê Lê Thanh Long, Hiệu trưởng tsêr cơưv cxênhx 1 Kim Đồng, TP Yên Bái puz pâuz, têx hnuz đhâu, tsêr cơưv tưz sik côngv đros têx lưx lươngv ntơưv qơư chiê kho đuô têx trâus ruôr hiêv, “đêx gris txos tưs uô vêv xênhz txos co” truôx siêz tror tos shux xênhz tuôx cơưv ntơưr:“Đêx ngaz mak tsêr cơưv cux jênhv tâu têx cấp, têx nganhx li tsov cưv, pêz tưz krêz uô côngz xưv khưx phưx têx trâus ruôr hiêv, huiz tôngv lưx lươngv cxaz chuôz thiêz cux jênhv têx paz max chiê tsêr cơưv tror huôx tôngv fênhx yax”.

          Đhâu thôngz sâu, TP Yên Bái zos tiv phaz trâus zênhr shar hnhar tiv zix lok zaoz zux, đros muôx zuôr xar 30 luz tsêr cơưv trâus zênhr shar li tox poz, đêx ngaz; 600 ntâu luz tsêr trâu cán bộ cưk kriê nhoz trâus zênhr shar tiv ntux nas. Hâur ntu shux xênhz tsi tâu tuôx cơưv ntơưr, Phongx zaoz zux TP Yên Bái cux heik têx tsêr cơưv heik shux xênhz li niêv txir seiz jông zuk têx mê nhuôk, tsi chiê mê nhuôk muk uô si trâu têx qơư riêz nênhs. Zơưv Nguyễn Văn Hiệp, Phưv tsar Phongx zaoz zux TP Yên Bái puz pâuz:  “Phongx zaoz zux tưz huiz tôngv lưx lươngv têx taz viv tuôx paz tsêr cơưv trâus zênhr shar hnhar, njuôs xav 3 hnuz thiêz shux xênhz têx tsêr cơưv zuôr tror tuôx cơưv ntơưr”

          Xor mông txix UB tỉnh Yên Bái, txos nhiv no hâur tas nro 65 luz tsêr cơưv trâus ruôr hiêv hnhar tưz muôx 60 luz tsêr cơưv tâu kho đuô, tos tâu shux xênhz tror tuôx cơưv ntơưr. Iz cxiê tsêr cơưv tsênhv taz tov sir jos kho đuô cov tiêr. Ntu zuôr txos, nganhx zaoz zux Yên Bái chox kriê têx qơư zaoz zux pâuz tâu qênhx shênhx tsênhv tsênhz chiê chuv tôngv muôx tsưr tsix tsưr tsix kriê ntơưr trâu shux xênhz, tsuôk tsưr tsix huôx tôngv zaoz zux ntơưv tsêr cơưv thâuv taz por, cxiv tsa tsưr ziv kriê nzir trâu shux xênhz, chiê taz por trơưk tsưr ziv kriê thiêz cơưv ntơưr hâur shông cơưv no./.

                                                                                                           Đinh Tuấn-Txâur Vax cxeik nhênhv

Tsar jok Làng Nủ sir jos txoz cxơưx paz trâu pêx xênhv

Đhâu paz trâu chor ziv chuôz zis khiêr đrêiv đhâu jiês đêx ngaz cuôr, ar poz phiv liv, hêik chor lưx lươngv pâuz tuôx đros paz, hêik pêx xênhv chox chor nênhs trâus saz muk chơưv kho… đảng viên, tsar jok Hoàng Văn Diệp tsik so sir jos txix thâuv sơưr nzor txos tsâuk ntux đros chor lưx lươngv muôx vax huôv zok nriêr chor nênhs hmôngr tsik jông trâus ar cxuz tas hâur thax tsav muôx đêx ngaz cuôr ar poz đar xar muôx 24 héc ta. Iz lênhx nênhs tâu nriêr pov ho tâu zơưv Diệp thiêz sơưr đơưk sir jos xav jênhv sêz zos lênhx tưs, paz uô đaz uô kruô cov jông tiv zix trâu chos nênhs trâus tuôs, chiê paz trâu lơưr chor nênhs cxênhz jê txo grêk tsơưs phênhv tưs cêr pôngz siêz:“Thâuv cur sêiz bê ntơưr thiêz muk sêiz sêz chor nênhs ntơưr zos lênhx tưs mak cur cux lok six pôngz siêz lox đros cxuô lênhx nênhs hâur zuk jêx jok. Viv li cur cux sir jos hla cov đhâu têx cêr pôngz siêz, đros chor lưx lươngv sir jos zok nriêr chor nênhs trâus tuôs cov tâu sêi tiv zix”.

Đros cxơưx cxuô kror hâux lưv hâur zuk chuôz zis, đêx ngaz cuôr cux zuôr tror muôx lok sâuv tuk đêx Nủ thâuv tưs cux tsik pâuz, đảng viên, tsar jok Hoàng Văn Diệp tsik cxơưx txos phiv liv sir jos yêv têx poz jêz, hâur pâuk ntông, thoz huk ar đros siêz xar zuôr nzor zok nriêr tâu chor nênhs tsênhv trâus plox mông. Zơưv Nông Tiến Mạnh, Chủ tịch Ủy ban xar Phúc Khánh puz pâuz:“Zơưv Diệp zos iz hâur chor nênhs pâuz tâu qênhx shênhx thiêz pâuz tsenhz txos yênhx ziv chuôz zis viv li tưz đros chor lưx lươngv zok nriêr thiêz xav jênhv chor nênhs trâus tuôs. Thâuv pâuz tsênhz zos lenhx tưs lơưv mak sêi đrơưv choz zok trâu chor nênhs cxênhz jê. No zos iz hâur têx hâux lưv zov chênhr, zos kror xuz thơưx chiê hêik trâu chor ziv chuôz zis pâuz hâur têx hnuz nhiv kruôr đhâu”.

Hâur têx hnuz njiz cêr pôngz siêz no têx jâuv Tsar jok Hoàng Văn Diệp zos lênhx nênhs pôngz siêz lox tiv zix viv xav thâuv txuz đêx ngaz cuôr, ar poz no muôx yưv txix hnuz 10/9 txos tas cik hnuz 19/9, zơưv luz jok tưz muôx txos 53 lênhx nênhs tuôs, 15 lênhx nênhs trâus saz,  tsênhv yuôr 13 lênhx nênhs trâus plox mông. Taz sik đros zos đảng viên, tsar jok, zơưv Diệp tưz sir jos hla đhâu cêr pôngz siêz, đros cấp ủy, chinhr quyền, chor lưx lươngv zok nriêr cov tâu sêi tiv zix chor nênhs trâus tuôs, jux juk khưx phưx têx trâus ruôr hiêv, paz trâu pêx xênhv nzor truôx tuk luz nênhx ntơưv qơư trâus đêx ngaz cuôr, ar poz ruôr hiêv txos nhoz thax tsav Lào Cai no./.

                                                                                          Thanh Thủy-CTVVOVTB-Lik Thox cxêik nhênhv