Tsôngv kruô ntiêx têz kruôs nxiês txos Sa Pa têx siêz jông hâur chor hnuz đêx nas cuôr ngaz

Đêx nas hloz tiv coz nas chuô sôr 3 uô ruôr hiêv, uô phênhv ntâu cxuô txox cêr muk lol nhoz Sa Pa trâus đêx ngaz, lar heik zos ntâu txox cêr txix tsênhv qơư muk trâu chor xã thiêz jok ju lix côngv thôngx trâus đêx nas kuôk cêv, muk tsi tâu đhâu trâu 2 chas thax tsav.Niêv lâul Violeta Linde tuôx ndis shuôs têz qơưk uô si txos Sa Pa ndax trâu thâuv đêx nas lox li ntơư, niêv lâul tưz tâu iz doanh nghiệp txeik tok kruô tuôx nhoz, so ndis seiz têz qơưk uô si ntơưv qơư krêz trôngx tok lol nhoz hâur tsêr hâur têx hnuz ntux nas lox:“Cur nhoz Tây Ban Nha tuôx. Pêz têz qơưk mak tsi muôx đêx nas hloz li no, co zos jiês xuz thơưx cur tâu pov. Pêz pov nênhs Việt Nam siêz jông cơưk, tsi tas li pêz cux txeik tâu sơưr đơưk têx cêr paz, têx lênhx kruô tuôx ndis seiz têz qơưk uô si, têx taz viv paz max, lar heik tsênhv tâu paz qơư nox nhoz tsi tas nhiêx txiêx, têx li co pêz tsi tâu pov muôx luz têz qơưk tưs uô tâu li ntơư hlo”.

Tâu đros phênhz qơư nhoz truôx tuk chiê txar jav đêx nas lox, iz lênhx kruô nhoz têz qơưk New Zealand tuôx iz chas zuk hmôngr jông, tsênhv zuôr tsuv đros lês uô têx hâux lưv paz thax tsav qơư no thiêz tsôngv box Sa Pa:“Cur uô tsâus ntâu txos têx lênhx nênhs hâur thax tsav Sa pa thiêz lênhx tsưr luz tsêr tok kruô pêz tsênhv nhoz ntơư. Lơưr uô trâu pêz txơưv zos nênhs saz têz qơưk đrâuv, taz sik cux tâu uô nênhx nhoz truôx tuk xưk li hâur zuk chuôz zis. Thiêz pêz tâu đros lơưr uô têx nuv paz chor nênhs trâus ruôr hiêv, njiz trâus phiv liv li: Uô jâuz mor trâu tsôngv kruô, pêx xênhv nhoz no nox hâuk, paz sơưr đơưk muôx têx pluôk nox hâur têx hnuz ntux nas lox”.

Hâur chor hnuz đêx nas hloz, lar heik zos txix hnuz xiêz 08-11/9, lok six ntâu qơư huôv tsar uô ju lix nhoz Sa Pa thiêz têx lênhx nênhs, chuôz zis siêz jông tưz đros hâu nov ntơưv qơư siz chos paz chor kruô tuôx ndis shuôs têz qơưk uô si hâur thax tsav. Trơưk li niêv lâul Trần Thị Huyền, Giám đốc Công ty ju lix Ahantrip Vn Travel, iz chas tsês qơư trâu têx lênhx kruô ntiêx têz trâus khuôz đêis nhoz so viv đêx nas lox, niêv lâul lơưr Công ty  tsênhv uô jâuz mor gra paz trâu thax tsav trâus đêx nas uô ruôr hiêv hur si, uô tâu pêk tsơưs jâuz mor mak xa bâuv li ntơư muk paz tsôngv box, viv seiz pov zuk tsênhv hmôngr jông đuô luôs lưv tus. Hok lơưr tix lâus Vũ Đại Dương, Phưv Chủ tịch Hiệp hội Ju lix tỉnh Lào Cai, muôx 02 lênhx kruô nhoz têz qơưk Anh thiêz Argentina tuôx Sa Pa ndis shuôs ntux uô si, đhâu thâuv hnor mông nhoz jok Hòa Sử Pán 1, xã Mường Hoa tox poz, pêk tu, uô 6 lênhx nênhs trâus tuôs, 9 lênhx trâus saz, lơưr tưz quyết định nhoz so hâur thax tsav:“Ntâu lênhx mak lơưr zok nriêr cêr tror muk tsêr, taz sik 02 tus kruô heik sâuv tsi xar li ntơư, gơưk tưz uô siêz nhoz nzir 2, 3 hnuz. Đhâu ntơư, chiv chir muk hu zâuv chor fôngx zưs, têx lênhx kruô lơưr siz pâuz, siz sưv chiê paz max trâu chor chuôz zis muôx lênhx nênhs trâus tuôs, vax tsêr trâus đêx nas cuôr yôngz, uô puôk tsuôx tas ntơư, tax txos thâuv tu nas kruôr krơưr lơưr thiêx tror muk zuk têz qơưk”.

Đhâu thâuv tror muk tsêr, 02 lênhx kruô co tsênhv xa ntơưr uô tsâus ntâu txos Hiệp hội thiêz iz lênhx pox niêv bê hu uô Thơm no, tưz paz lơưr uô tâu ntâu luôs hâux lưv jông paz trâu chor nênhs trâus nas chuô uô ruôr hiêv. Trơưk li pos Hòng Thị Vượng, Tsar phongx Vênhx huôv-thôngz xor mông thị xã Sa Pa, ntu đêx nas lox nhiv kruôr đhâu, muôx 2 cxênhz lênhx kruô ntiêx têz tsênhv tuôx ndis shuôs têz qơưk uô si hâur thax tsav qơư, đêx nas hloz tưz uô tuôr thênhv txos ntâu lênhx kruô cêr muk ndis seiz têz qơưk viv tox poz, pêk tu cxuz cêr, đêx ngaz. Khov bax qênhz shuôs nzor, cux li muôx doanh nghiệp, tsôngv pêx xênhv sik đros paz, viv li Sa Pa tưz fuô uô tâu ntâu tsưr ziv taz por truôx tuk trâu tsôngv kruô:“Lơưr chor kruô ntiêx têz cux lok six cxơưx tsav tsi truôx tuk trâu zuk, viv li iz chas heik hâu nov ntơưv qơư paz max, lơưr cux hu đhâu trâu Đại sứ quán, chênhr viv li têx Đại sứ quán li: Singapore, Hàn Quốc, Bỉ...cux moz siêz, hu xor tôngx tuôx nus txos thiêz heik cov đros paz qênhz shuôs. Lok sâuv luôs hâux lưv no thị xã Sa Pa cux tưz choz trâu têx lênhx nênhs lês car uô đreiv têx nuv sâuv paz max, viv li hur si sơưr đơưk puôr lênhx truôx tuk, tsi muôx lênhx nênhs tưs trâus uô li chas hlo”.

Pos Vượng cux heik pâuz, nhiv no, thị xã Sa Pa cux tsênhv tax nduô tsês tsi uô têx hâux lưv uz no lov jêv saz đrâuv jôngr, thiêz tax nduô tsês tsi tok kruô tuôx ndis shuôs têz qơưk uô si ntơưv iz cxiê thax tsav ju lix, taz sik têx ta yênhx txơưr đuô cux tsênhv fuô uô li kuz. Viv tsênhv zos cheix tsôngv kruô ntiêx têz nhiêv tuôx ndis shuôs têz qơưk uô si, chênhr zos li heik co cux tsênhv muôx ntâu tus chôngz lênhx kruô 2 chas têz qơưk tuôx nhoz hâur Sa Pa. Đhâu sir jos cxiv kho têx tsi jông, trâus puôk tsuôx, chor cêr muk lol nhoz Sa Pa phênhv ntâu yêz tưz muk lol tâu đhâu zôngx ziv; hâu nov ntơưv qơư cux tsi so heik pâuz, kriê têx lênhx kruô ndis shuôs têz qơưk uô si muk lol trơưk cui tinhv chiê truôx tuk trâu sơưr đơưk./.

                                                                                                                An Kiên-Riê Lâux cxeik, nhênhv 

Hêir nênhs Cho nhoz Cao Bằng tsưr ziv muôz chiêz mur sâu cok trâu têx pax ntâuz txêix pax jông jav

Nhoz đêz đrôngl trấn Nguyên Bình 20 cêik, jos Hoài Khao tsuôk muôx 35 ziv chuôz zis,169 lênhx nênhs. Luz jos co puôr lênhx zos hêir nênhs Cho siz chos huôv tsar cêr uô nênhx nhoz thiêz tsênhv tuôr tâu hêir nênhs co têx txux chi, vênhx huôv jông cxôngx nzor. Ntơư zos muôz chiêz mur chox lok sâu cok trâu têx pax ntâuz txêix pax jông jav cxôngx nzor. Pos Bàn Thị Liên-sêiz car luôs hâux lưv muôz chiêz mur sâu cok pax ntâuz shir phaz lul hêik pâuz::Chiêz mur zuk tsuv tuôr tsês, viv zuk hêir nênhs Cho sir zôngv đhâu ntâu tiêv lok thiêz sâu cok trâu tsôngv pox niêv vir ndâuk têx pax ntâuz, tsôngk tiêz, tsôngk yo txêix pax jông jav. Têx chiêz mur no tâu khơưk tsês jông, thâuv txos chêix muôz jiz mur, iz lênhx khơưk tsês mê njik thiêx txâuk chox lok hâu thiêz liv uô chiêz mur. Tsênhz tiês, hâur chêix ntux lax, mur tsir, chêix ntux yiêz, mur lok lok uô jiz. Thâuv sâu tâu chor nak mur, tsôngv px sđ siz chos hâu thiêz liv uô yênhx chiêz mur. Thâuv uô tâu co muôz phêiz iz chuôz zis mê njik, têx shông iz ziv tâu 5-6 las, têx shông iz ziv tâu 8 las txos iz cir”.

Trơưk li pos Liên, iz cir chiêz mur chox lok sâu cok tâu 7-8 luz tiêz txiêx ntâu zav pax. Chiê uô cov tâu iz luz tiêz txêix pax jông jav, tsuv sir tas ntâu six hơưv, hnuz nhôngs. Đhâu thâuv sâu cok chiêz mur, tsuv muôz chox lok trâuk gax txix 20-30 hnuz, têx pax txêix co thiêx truôx khor, jông jav. Chênhr zos li hêik ntơư, chiê uô cov tâu tiêr iz đêiv ntâuz txêix pax huv đros, tsuv uô tas iz luz hli ntâu. Txix têx ntâuz muôz chiêz mur sâu cok txêix pax jông jav chox lok xơưk tsôngk tiêz, tsôngk yo hnar thiêz txos trâu nhiv no, hêir nênhs co cux muôz têx ntâuz txêix pax jông jav co chox lok xơưk hnaz, xơưk fuôv cxuô zav chiê muôs trâu tsôngv kruô. Zơưv Lý Hữu Tăng – Tsar jos Hoài Khao shir phaz lul hêik pâuz:“Hâu nov ntơưv qơư tưz xêir tsov luz jos no, zos jos ndis uô si, sêiz shuôk têz qơưs txix shông 2018 thiêz yax kriê cxuô chuôz zis cxiv kho đuô vax tsêr cov jông jav huv đros. Hâur 3 shông đhâu lok no, luz jos co tâu têz qơưs muôz mê njik pênhr nhiêx, tsôngv px cxuô chuôz zis cux jông siêz shir phaz lul thiêz txos nhiv no tưz muôx 7 chuôz zis uô tâu tsêr tok kruô tuôx ndis uô si, sêiz shuôk têz qơưs”

Xav kror đruôz đraz, iz luz tsêr tok kruô txâuk 10 lênhx kruô tuôx so, nox nhoz muk lok đros trâu ntâu qơư muôz gax trâus ntâuz, sâu cok chiêz mur trâu têx ntâuz txêix pax jông jav, huv đros tsôngv kruô hâur têz qơưs thiêz kruô oz chas têz qơưs siêz nhiêv. Pos Tô Thị Trang - Phưv Giám đốc Sở vênhx huôv tỉnh Cao Bằng shir phaz lul hêik pâuz:“Jos Hoài Khao puôr lênhx zos hêir nênhs Cho siz chos huôv tsar cêr uô nênhx nhoz thiêz tsênhv tuôr tâu hêir nênhs co têx txux chi, vênhx huôv jông cxôngx nzor muôx đros đrêiv hâur luz nênhx. Thiêz hâur ntu đhâu, sở vênhx huôv tỉnh tưz chox kriê tsênhv qơư txix huyện, xã, jos cxiv kho đuô cxuô chuôz zis têx vax tsêr cov jông jav, cux li huôv tsar truôx têx txux chi, vênhx huôv jông cxôngx nzor txuôk đros huôv tsar cxuô qơư ndis uô si, sêiz shuôk têz qơưs”

Nhiv no, tsôngv kruô tuôx ndis uô si, sêiz shuôk têz qơưs txos jos Hoài Khao tưz chôngz jux juk, têx qơư ndis uô si tâu cxiv uô huv đros tsôngv kruô siêz nhiêv, tsôngv px muôx phênhv sâu tâu nhiêx txiêx chox lok sir zôngv, cxiv kho chuôz zis muôx luz nênhx tsâu sor./.

                                                                                                                      Tsu cxêik nhênhv- VOV1