Têx tsưr ziv phax tar nas chuô, tox xưz poz nhoz Kho Vàng

Sâuv trôngz siêz zos 17 chuôz zis pêx xênhv jok Kho Vàng qơư cxiv uô tsêr fênhz suôz nhoz chiê phax txar jav coz nas chuô sôr 3 nhiv kruôr đhâu-kuôk đêz qơư kuz xar muôx iz cêik.

Uô ntêx co, chiê phax txar jav coz nas chuô sôr 3 thiêz tox xưz poz, hâu nov ntơưv qơư tưz chox car cxuô lênhx tsar jok thiêz tsôngv pêx xênhv sơưr đơưk tsuv chênhr phax. Hnuz xiêz 09/9, đhâu qênhz shuôs tưz pov muôx têx caz ar tơưs xưz lox sâuv trôngz, kuôk qơư chor chuôz zis pêx xênhv nhoz muôx 100 thiêr pêv kâuv tsêr, tsar jok Ma Seo Tsưz tưz heik tsôngv px sơưr đơưk hâur jok zênhx max yêik txar muk trâu sâuv trôngz siêz, uô tsêr fênhz suôz lav nhoz sâuv co. Niêv lâul Nxeik Xênhv Hav, nhoz jok Kho Vàng thiêz tsar jok Ma Seo Tsưz heik pâuz:“Tsar jok thiêz 2, 3 tus txir nênhx tưz muk qênhz shuôs pêv trôngz, pov muôx ar tơưs xưz caz lox thiêx lok heik trâu sơưr đơưk tiêk tsi tâu nhoz ntơưv no, tsuv yêik txar zênhx max, viv li pêz thiêx njêik yêv têx đra, chox sơưr đơưk khiêr tuôx nhoz no đreiv đêx nas, tox xưz poz. Pêz uô tsêr fênhz suôz tâu thiêx gra iz cxiê têx đra, pav vor, cxur nox, lâux câuz, tưx têik lok nhoz, pư tax iz hmo. Tas cik hnuz tov kaz, sơưr đơưk li siz zâuv muk gra nzir iz cxiê chuôz zênhx phưx vưv xênhz huôx lok”.

Ntux nas lox, têx cêr muk trâu jok Kho Vàng trâus xưz poz ntâu ntu, tsi muôx mạng internet, tsi muôx sóng xor tôngx viv li hâu nov ntơưv qơư hu tsi tâu trâu hâur jok Kho Vàng hlo. Txix hnuz xiêz 09/9, xã Cốc Lầu tưz hu sơưr đơưk muk zok nriêr, paz pêx xênhv. Txos tar su hnuz 11/9, lơưr thiêx pov pêv trôngz muôx tsêr fênhz suôz. Cê tôngv zênhx tsôngv pêx xênhv, chor lưv lươngv ntơưv qơư cux zênhx max paz zav nox uz no trâu tsôngv box. Tix lâus Vạn Ngọc Thắng, tổ tsưx phưv truôx tuk xã Cốc Lầu heik:“Muk zok nriêr pov tsôngv pêx xênhv sơưr đơưk, pêz tror lok heik trâu Ủy ban xã pâuz, gra têx zav nox, hax huv tror muk puz trâu tsôngv box sâuv trôngz. Iz jiês muk li ntơư mak tsuv muk tơư tas 3 luz six hơưv”.

Nhiv no, Công an tỉnh Lào Cai tưz hu zâuv sơưr đơưk sik đros cxiv uô têx tsêr fênhz suôz, vor tax ntơưv yar tiêx ndơưk poz Ủy ban xã Cốc lầu chiê muôx qơư nhoz tax truôx tuk trâu 115 lênhx nênhs hâur jok. Đhâu thâuv sik đros muk qênhz shuôs tâu thax tsav qơư nhoz yiêz truôx tuk lơưv, hâur ntu zuôr txos, huyện Bắc Hà thiêz Công an tỉnh Lào Cai zuôr zênhx max đros tsôngv box cxiv tsa, uô đuô têx vax tsêr nhoz cov khor truôx, sir jos uô cov tiêr luôs hâux lưv co hâur 6 luz hlik. Zơưv Nguyễn Quốc Nghi, Bí thư Đảng ủy xã Cốc Lầu, huyện Bắc Hà, tỉnh Lào Cai heik pâuz:“Hâu nov ntơưv qơư cux phênhz côngz canr bôv muk qênhz yuôx shuôs. Qênhz yuôx, xav tinhv tâu qir tiv, muôx têx trâus xưz poz txos tưs, riêz nênhs li chas sêiz thax tsav qơư co pok truôx tuk, pok jông nhoz lơưv. Đhâu uô tas têx li heik ntơư, thiêx muôx tsưr ziv phênhz qơư nhoz lok sik heik huyện paz zok nriêr qơư nhoz trâu tsôngv box”.

Đhâu têx coz nas lox, txơưv nas tưz tu, taz sik cux zôngx ziv trâus cuôr yôngz, tox xưz poz, tsi tiêk ntơưv Kho Vàng xưz. Hâu nov ntơưv qơư têx moz siêz đros trâu tsôngv pêx xênhv sơưr đơưk cêr chênhr phax, txar jav nas chuô, jêx jok zos zov chênhr sik thôngx siêz, uô trơưk têx tsưr ziv pâuz thiêz pov đhâu chiê txo grêk tsơưs têx tsi jông tiv trâus đêx nas uô ruôr hiêv./.

                                                                                                                   VOVTB-Riê Lâux cxeik, nhênhv