Lào Cai cxiv uô qơư nhoz yiêz trâu tsôngv box thax tsav trâus ntux nas ruôr hiêv

          Thâuv thôngx ziv qơư nhoz yiêz trâu tsongv box jos Làng Nủ, huyện Bảo Yên tưz qir tês uô côngz xưv pâux nzir, luôv ar sâuv mênhv chêx đar muôx nhos 15 hecta…Txix hnuz 17/9, taz viv uô hâux lưv tưz gra têx zav meir tuôx chiê qir luôv ar cux xưk li uô têx cơ sở cxuô zav ntơưv qơư nhoz yiêz.Thâuv qir krêz uô dự án no, huyện Bảo Yên tưz jênhv tâu tas nro têx ziv chuôz zis tsôngv box li thôngx ziv. Cxuô luôk hâux lưv tâu ciêr chênhr krêz uô, taz por sei tiv zix chiê muôx thax tsav qơư trâu taz viv thi công uô têx luôk hâux lưv lơưr co. Zơưv Trần Trọng Thông, Chủ tịch UB huyện Bảo yên tỉnh Lào Cai puz pâuz:       “Ciês thâuv tâu tsôngv box thôngx ziv pêz tưz thôngz sâu, njuôs xav chiê krêz uô. Reik đros co zos bax tas nro cxuô zav, tênhv tênhz, đêx hur chiê cxiv uô dự án no”

          Yuôr đros tsôngv box nhoz jos Nậm Tông, xã Nậm Lúc, huyện Bắc Hà, thax tsav qơư nhoz yiêz njuôs xav kuôk qơư nhoz kuz muôx nhos 2 cei cêr, đar muôx nhos 4 hecta, txâuk chiê 70 ziv chuôz zis nhoz uô nênhx. Ntơưv no, têx taz viv tsênhv njuôs xav, thôngz sâu chiê pâux nzir thax tsav ar, taz por cxơưz tiês uô. Hâur ntu seiz shuôk, tiv phaz cux jênhv tâu têx bộ, nganhx TW thiêz têx chuyên gia lok vênhv thix ar têz li paz max, cxiv tsa, taz por qơư nhoz tsi taz tâu taz por mak tsênhv jông trâu pox nhuôk li hâux lưv tsiv uô, muôv muôs. Zơưv trịnh Xuân Trường, Chủ tịch Ub tỉnh Lào Cai heik:“Pêz cux tưz huiz tongv têx chuyên gia nhoz Bộ cxiv tsa, têx tsêr cơưv Đại học Mỏ địa chất, Tsêr cơưv đại học cxiv tsa chiê tsưr tsix xeir qơư nhoz yiêz, njuôs xav têx côngz tsinhx. 2 zos thax tsav qơư nhoz yiêz no tâu cxiv tsa sâuv chinhz yênhx sik côngv siêz, txix tsôngv box tas nro têz qơưk li siêz siz paz chiê nzor truôx tul luz nênhx trâu tsôngv box thax tsav trâus ntux nas ruôr hiêv”

          Tsi taz jos Làng Nủ thiêz jos Nậm Tông, ntâu thax tsav tox poz, đêx cuôr yôngz, pox nhuôk trâus pôngz lơưv tsêr nhoz, tỉnh Lào Cai cux tưz chox kriê têx tiv phaz sir jos seiz car, cxiv tsa tsưr ziv txar qơư nhoz trâu pox nhuôk. Tsưr ziv zos ngaz tul luz nênhx reik đros taz por qơư nhoz yiêz thiêz hôx phưx tsiv uô kôngz nuv trâu tsôngv box.

          Hâur têx phêv liv, đros siêz chính trị siêz, chinhz yênhx sik côngv siêz, côngv đas jos txix tas nro cxix luôk chính trị tỉnh Lào Cai, đros TW, têx bộ, nganhx thiêz têx tiv phaz hâur tas nro têz qơưk li paz txưv, têx qơư nhoz yiêz jông đuô, taz por đuô yênhx trus tâu cxiv uô trâu têx thax tsav tsôngv box trâus ntâu ruôr hiêv, cêr pôngz siêz tiv ntux nas./.

                                                                                                                       VOVTB-Txâur Vax cxeik nhênhv

Sêi đrơưv paz trâu pêx xênhv trâus đêx ngaz cuôr Yên Bái tror huôv tsar uô nox

Pos Nguyễn Thị yên, nhoz jok Quyết Tiến, xar Y Can, huyện Trấn Yên têx hnuz đhâu muk sêi shuôk têx liêx, njiê chor tsoz chos trâus lor vâu, tuôs tas mak trâus pôngz siêz lok six ntâu. Đhâu muôx đêx ngaz cuôr, pos ziv chuôz zis trâus suôr hiêv lok six ntâu, chor tsiêx cxu trâus tuôs zuôr luôs tas, tsuôk yuôr oz pêz tuk kêiz lơưv xưz; vax tsêr trâus đêx ngaz toz, chuôz zênhx cxuô zav trâus đêx ngaz tas. Tiv zix, hur si chor tsoz chos puôr lênhx trâus ruôr hiêv tas, hâur co muôx 4 sào blêx liêx tsênhv txos trâu six hơưv zuôr piz siêr, 13 sào ntông jâuz caz; 3 sào chos têx kok tsơưz:“Chuôz zis li cxuô zav mak xưk li trâus sâu tsik tâu tas hur si, nhiv no tsik yuôr đaz tsi hlo. Txix nhiv no txos tsiêz tsik yuôr đaz tsi lơưv mak tsuv muk zok jos uô lơưv xưz”.

Txơưv tiêk muôx yar ntux cuz sor đhâu trâus đêx ngaz cuôr, chor blôngx ntông jâuz caz lo ar tas, zơưv Nguyễn Văn Lịch oz niêv txir nhoz jok Quyết Thắng, xar Y Can cux tsênhv sir jos đê têx blôngx jâuz caz tưz njưl tas chiê chox lok puz trâu chor lưk caz tsênhv yuôr nox. Chor têz jâuz caz trâus đêx ngaz thiêz cuô ar cxuz tas xar muôx 60 3 đok, blôngx jâuz caz lo ar tas, cê đê cê so têx ar, tsik pâuz shor chor lưk caz puôk zuôr nox tâu. Đros 8 sào têz jâuz caz, chiv zus lưk caz no zos muôx ntux paz mak zơưv Lịch zuôr tu zus tâu chor lưk caz paz sâu tâu muôx 2 puô ntâu cir lưk caz, đhâu xav tas têx côngz đas jos uô zuôr sâu tâu muôx 35 triệu đêiv ntâu. Sik nhiv no mak trâus pôngz tas hur si, viv đhâu oz pêz hnuz trâus đêx ngaz, tror muôx yar ntux, hur si thax tsav jâuz caz zuôr trâus tuôs tas, tsuv tok txos chiv ntux yiêz mak tror chos đuô thiêz tsuv tas iz shông nzir mak thiêx zuôr tror zus tâu têx lưk caz:“Nhiv no tsik pâuz uô li chak lơưv tsuôk pâuz tok têx tuz nhuôs muk uô nox lơưv xưz, nriêr jos uô lơưv xưz tsik pâuz uô li chak lơưv”.

Đhâu iz ciêz sir jos tir tar đêx ngaz cuôr, zơưv Nguyễn Huy Trình, Bí thư Đảng ủy xar Y Can puz pâuz, đêx ngaz tas nro têx liêx têz hâur 4 hnuz. Tas nro xar muôx nhos 150 héc ta blêx, zuôr xar 80 héc ta jâuz tâuv thiêz 145 héc ta ntâu jâuz caz trâus ruôr hiêv tas hur si. Đês gis, tso chos trâus kruôr, lor vâu tas, sâu tsik tâu lơưv. Muôx 90% chor nênhs hâur xar zos uô kôngz, jôngr nuv, đros qênhx shênhx no, pox nhuôs hâur xar luz nênhx zuôr njiz ntâu kror cêr txov:“Đhâu nriêr pâuz mak nhiv no trâus đêx ngaz tas hur si lơưv, pêz tsênhv sir jos thôngz sâu chiê hêik trâu thênhv siêz pâuz xưv lik têx vênhv thik txuôk lơưr co”.

Pos Vũ Thị Hiền Hạnh, Phưv Chủ tịch Ủy ban tỉnh Yên Bái puz pâuz, đêx ngaz cuôr uô ruôr hiêv ntơưv Yên Bái lok six ntâu, hâur co kôngz nuv tsuv muôx ntâu pênhr jos thiêz ntâu six hơưv thiêx li zuôr tror khưx phưx tâu:“Tỉnh Yên Bái zos thax tsav qơư trâus coz chuô sôr 3 uô ruôr hiêv ntâu, chiê kho đuô tâu têx trâus ruôr hiêv mak tsuv muôx ntâu pênhr jos thiêz six hơưv thiêx zuôr uô tâu. Nhiv no tỉnh tsênhv sêi đrơưv, sir jos kho đuô, nzor truôx tuk tâu qênhx shênhx kinh têr,x ar hôiv thiêz tror uô nox”.

Pêx xênhv nhoz qơư trâus đêx ngaz cuôr Yên Bái tsênhv trâus ruôr hiêv lok têx vax tsêr thiêz têx tsoz chos cxuô zav. Đros muôx chinhr quyền thiêz chôngz lênhx nênhs siêz jông sir jos paz, pox nhuôs nhoz no tsênhv kho đuô têx vax tsêr, cxiv kho đuô luz nênhx, đros co zos tror sir jos chor đuô têx kôngz lôngk, shông ntông trâu sâuv têx liêx têz./.

                                                                                                Văn Tuấn-Lik Thox cxêik nhênhv