Têx loa nta suôz ntơưv qơư paz yax kriê sơưr đơưk phax txar đêx nas chuô uô ruôr hiêv

Đhâu hlo thâuv muôx xor mông heik pâuz lok coz nas chuô sôr 3, loa nta suôz nhoz 113 jok hâur thị xã Sa Pa, tỉnh Lào Cai tưz tso têx xor mông, xor xưv heik lok ntux têx txơưr txar, thax tsav qơư nas chuô zuôr lok đhâu....Qơư nta suôz nhoz 100% xã, phường tưz tso têx xor mông hêik lok ntux yar ntux nas thiêz tsưr ziv phax tar đêx nas hloz hâur yênhx hnuz hmo trâu tsôngv pêx xênhv sơưr đơưk hâur jok, hâur thax tsav đros pâuz, đros hnor. Ntơưv  qơư tso nta suôz phường Sa Pả, 8 qơư tso loa nta suôz nhoz 04 jok puôr lênhx tso tsi so iz six hơưv iz jiês têx mông heik lol ntux yar ntux nas, têx txơưr txar chiê pêx xênhv pâuz tsênhz. Niêv lâul Trần thùy Liên, canr bôv Vênhx huôv, seiz car qơư tso nta suôz phường Sa Pả, thị xã Sa Pa heik pâuz:“Pêz tso loa nta suôz đror lox txix 7 six zar tas cik txos 8 six tsâuk ntux, iz six hơưv pêz tso iz jiês hâur cxuô jêx jok lol phax tar đêx nas lox, yêik txar têx lênhx pêx xênhv nhoz thax tsav zôngx ziv trâus xưz poz muk nhoz qơư truôx tuk”.

Đros thiêz thax tsav lox đar, phiv liv muk lol, tsôngv pêx xênhv sơưr đơưk tsi nhoz uô cê; hâur têx thax tsav vuôk har tsi yuô muôx sóng xor tôngx, mạng internet, chor loa nta suôz côngv thôngx tưz yênhx têx sưv jê thiêz zov chênhr trâu tsôngv pêx xênhv hâur luz nênhx niêx hnuz. Tsôngv box hâur thax tsav qơư heik pâuz, chênhr txix têx mông tso tsi so sâuv loa nta suôz côngv thôngx hâur yênhx hnuz ntơư, tưz uô trâu sơưr đơưk chênhr phax tâu lok đêx nas chuô hloz. Niêv lâul Mảo Xênhv Vax , heir nênhs Hmôngz nhoz jok Cát Cát, xã Hoàng Liên, thị xã Sa Pa heik:“Uô ntêx thâuv zuôr muôx nas chuô lox mak pêz chor pêx xênhv tâu hnor heik txos đhâu xã thiêz jok loa nta suôz yax kriê lok coz nas chuô ntơư, thiêz uô ntêx thâuv zuôr muôx đêx nas lox, têx chuôz zis nhoz thax tsav riêz nênhs, jê ntus đêx, cưx đês cưx ha, zôngx ziv trâus xưz poz mak tsuv yêik txar muk nhoz qơư truôx tuk...”.

Thị xã Sa Pa muôx 200 ntâu qơư tso nta suôz, đhok uô tso trâu 111 jok hâur thax tsav 16 xã, phường. Hâur co 12 qơư nta suôz tưz uô lơưr công nghệ thôngz xor xa mông viễn thông (nta suôz IP) tsênhv uô tâu hâux lưv jông lok sâuv yax xa sei têx mông, tsênhz mênhx txos cxuô luz jok tox siêz đêz đrôngs. Zơưv Hoàng Đức Hợp, Phưv Giám đốc Tsênhv qơư Vênhx huôv, Thêv thao thiêz yax mông thị xã Sa Pa, tỉnh Lào Cai heik pâuz:“Hâur ntu muôx đêx nas lox, tox xưz poz nhiv kruôr đhâu, pêz cux tưz sir jos chox kriê canr bôv kỹ thuật tsi so nhoz trơưr ntơưv qơư chiê bax cxiv kho têx tsi jông cov taz por xa tâu mông hâur yênhx hnuz txos trâu tsôngv box sơưr đơưk hâur thax tsav thị xã”./.

                                                                                                                         VOVTB-Riê Lâux cxeik, nhênhv 

Sir jos qêz suô têx vuôz tsuôz kiêk nênhs tênhx qơư đhâu đêx ngaz nhoz Yên Bái

          Đhâu jiês đêx ngaz, ntâu txox cêr muk lok hâur niêv đrôngs Yên Bái muôx ntâu ar, têx vuôz tsuôz kiêk nênhs trâus đêx cuôr yôngz lok. Đrâuv co, yênhx châuv cxênhz luz tsêr trâus đêx ngaz thiêz trâus poz uô ntâu chuôz zênhx xênhz huôx puôk tsuôx tas, tsik jông zôngv. Niêv lâuk Trịnh Thị Nghị, tuêv tsar Tuêv vêv xênhz tênhx qơư số 2, Công ty CP tênhx qơư thiêz năng lượng Nam Thành, TP Yên Bái puz pâuz, hâur têx cuô ar tsênhv muôx têx đeiv iêr, têx luz teik trâus tơưs…uô hâux lưv uô vêv xênhz tênhx qơưx ziv phêv liv đuô:“Muôx ntâu phêv liv, pir li thâuv gra tuv trâu sâuv yêz thâux mak tuv trâus pôngz lok đrâuz kâuv, lok sik thâuv uô hâux lưv zuk zôngv vuôv txir tês taz sik cux trâus têx đeiv iêr hleik tês. Thâuv đêx xâuk tas txos nhiv no tas nro công nhân puôr lênhx muk uô hâux lưv”.

          Lơưr thôngz sâu, têx hnuz đhâu, chungz fênhx iz hnuz, Công ty CP tênhx qơư thiêz năng lượng Nam Thành, TP Yên Bái yưr lir zuôr xar 1 cxênhz tênhr têx vuôz tsuôz kiês nênhs, ntâu đuô ntâu jiês pir đros têx hnuz fênhx yax. 15 shông cxaz chuôz uô vêv xênhz tênhx qơư, niêv lâuk Trần Thị Hạnh, công nhân Công ty tsi tâu pov muôx jiês tưs muôx ntâu vuôz tsuôk kiês nênhs li jiês đhâu coz nas chuô số 3 uô ruôr hiêv no. Fênhx yax, niêv lâuk Hạnh tsuôk uô 2 ca iz hnuz, iz ca 3 six hơưv, taz sik ntâu hnuz no niêv lâuk thiêz têx lênhx nênhs hâur công ty tsuv uô hâux lưv txix pok thâuv 4 six sơưr nzor txos thâuv tsâus ntux, muôx têx thâuv txos 11 six tas hmo thiêx li tâu so:“Hâur têx hnuz muôx ntux nas mak muk uô hâux lưv khưr đuô 3-4 jiês pir đros hnuz fênhx yax, tas cik muk thâuv 4 six txos 9 six tsâus ntux thiêx so, muôx têx thâuv uô txos 11 six tas hmo thiêx li tâu lok tsêr”

          Chiê vêv xênhz tênhx qơư đhâu jiês đêx ngaz, tỉnh Yên Bái tưz huiz tôngv têx chiz coaz, taz viv thiêz tsôngv box sik đros uô, heik lưx lươngv vũ trang thiêz dân quân têx tiv phaz paz qêz ndeis têx cuô ar sâuv têx cêr muk lok, chiz coaz li qơư uô xưv, têx tsêr cơưv ntơưr, qơư y tế, paz tsôngv thax tsav trâus đêx ngaz uô vêv xênhz tsêr nhoz chiê nzor ngaz tul luz nênhx.Trung tá Lê Duy Cường, Phưv tham mưu trưởng Lữ đoàn 297, Quân khu 2 puz pâuz: chiê paz tỉnh Yên Bái, taz viv tưz huiz tôngv 100 lênhx quân nhân, chiến sĩ, 4 luz yêz ô tô đros têx chuôz zênhx zuôr trâus, pheiz uô ntâu tuêv, paz qêz suô têx cêr lox, tsêr cơưv ntơưr thiêz tsôngv box li vax tsêr:“Hâur ntu uô jênhv vưv pêz xav tênhv truôx siêz uô li chas chiê uô cov sei tiv zix, chiê têx cêr muk lok, têx tsêr cơưv tâu hur đu, hâur ntu uô zuôr uô jông hâux lưv tâu choz”

          Zơưv Vũ Xuân Trường, tuêv dân phố Hồng Phú, phường Hồng Hà, niêv đrôngs Yên Bái pheiz kênh, lok six liv đhâu ntâu hnuz khiêr đêx ngaz, kho đuô, qêz suô vax tsêr taz sik têx ziv chuôz zis tsôngv box nhoz thax tsav trâus ntux nas ruôr hiêv Yên Bái cux tsênhv sir jos đros têx lưx lươngv muôx txơưx jênhv qêz suô cêr muk lok, vax tsêr:“Tsôngv box cux sir jos, 2-3 hnuz thiêz cux zuôr uô tiêr”

          Hâur têx hnuz đhâu têx chiz coaz muôx txơưx jênhv nhoz Yên Bái, tiv zix zos nganhx y tế cux sir jos heik kriê tsôngv box qêz suô têx vuôz tsuôz kiêk nênhs nhoz têx hâur đêx xênhz huôx, tsuôk yuôx tuô caz moz, chiê txu grêk tsơưs têx zav  moz siz cik đhâu jiês đêx nas ngaz cuôr./.

                                                                                                                      Văn Tuấn-Txâur Vax cxeik nhênhv