TSAZ YÊNHX MÊNHX CXƯX THIÊZ HUÔV TSAR

Sđ hmor…! Chor lâuk hnuz nhôngs siêz tsênhv taz tov tsar ndê sêi nhoz pêz têz qơưs-muôx yưv ntâu hâur xã hội, lar hêik zos chor lâuk hnuz nhôngs siêz tsuv tâu vax huôv siz luôs. Chiê lênhx nênhs lâuk, hnuz nhôngs siêz muôx luz nênhx jông huv đros, hur si xã hội tsuv tâu xã hội moz siêz txos.

Tsôngv box...! Ntâu shông lok no, thôngz đhâu luôs hâux lưv yênhx lix thiêz uô đreiv têx “câu lạc bộ siz paz” li têx nuv uô, ntâu lênhx lâul nênhs hnuz nhôngs siêz nhoz tỉnh tox siêz Yên Bái luz nênhx tưz nhoz khênhr đuô, muôx cêr sor siêz, đas jos truôx tuk. Iz chas ntơư, têx câu lạc bộ cux paz trâu côngv thôngx sơưr đơưk muôx cêr sik thôngx siêz, siz hluz siz paz.

Hâur cxuô jiês sik njiz sik thav chiê siz paz, jos Bảo Lâm, xã Bảo Hưng, huyện Trấn Yên tưz hêik txos chor lâuk li đas jos, lar hêik zos hâur têx hnuz ntux txơưr txar, cxuô lênhx lâuk, hnuz nhôngs siêz zôngx zivtrâus njiz cxuô zav moz gênhk.

Đhâu nus chor lâuk đas jos, sik côngv paz cov muk đhâu têx phiv liv, cxuô lênhx sđ cux siz paz kriê uô thể dục, đhiê uô si, ntâuk bóng têk cov iz chêr nxênh. Zơưv Phan Như Quyến hêik pâuz: (Thâuv nhoz hâur qơư no, cur cux pov tâu muôx liv jông, cxuô lênhx sđ puôr lênhx shir phaz lul, viv tâu nthuôr uô cêr lov jêv, hêik cơr cxiêx, sik phêiz kênhx lok têx phiv liv hâur luz nênhx niêx hnuz thiêz pov muôx cêr shir phaz đuô)

“Qơư sik paz” nhoz jos Bảo Lâm, txơưv nhiv kruôr cxiv tsa tâu, taz sik cux zos iz kror qơư cxơưz cxiz sđ muôx cêr sik thôngx siêz huv đros chor lâuk hnuz nhôngs siêz hâur côngv thôngx. Txơưv nhiv kruôr cxiv tsa shông 2023, txos nhiv no tưz muôx 50 lâuk tuôx trâu qơư co. Pos Bùi Thị Hoa, nhoz qơư no hêik pâuz: (Qơư co muôx hur si chor lâuk, hluôk đros uô thể thao, pêz pov cux shir phaz hênhr thiêz muôx luz nênhx jông)

          Đros trâu kriz uô têx cêr lov jêv, thể thao, iz đraz chor lâuk txix 60 shông tror sâu, sik chor côngv tsưr ziv yax kriê sđ huôv tsar cêr uô nênhx jông-yax kriê cxuô chuôz zis sđ huôv tsar uô nox thiêz huôv tsar uô nênhx zos đrêiv Đảng têz qơưs têx chêi kriê. Zơưv Phan Như Dũng, sêiz car qơư jos Bảo Lâm, xã Bảo Hưng, huyện Trấn Yên, tỉnh Yên Bái shir phaz lul hêik pâuz: (Tsênhz tiês, cxuô lênhx sđ tưz siz chos phêiz kênhx lok cxuô luôs hâux lưv-huôv tsar cêr uô nênhx jông. Viv qơư no, muôx hur si chor lâuk, hluôk, hâur ntơủ chor lâuk uô ntêx yuôk lok cxuô luôs hâux lưv)

“Qơư sik côngv paz co” zos Hội nênhs lâuk tỉnh Yên Bái kriz uô txix shông

2023, muôx 8 luôs hâux lưv uô tsênhv: Co zos tsưx phưv đas jos, sik côngv paz lok cxuô zav, cxơưz cxiz trâu chor lâuk cov muôx luz nênhx jông. Txix têx luôs hâux lưv uô muôx liv co, txos trâu nhiv no ntơưv tỉnh Yên Bái tưz muôx 60 qơư sik côngv paz, muôx zuôr xar 4.000 lênhx đros nhoz têx qơư co. Cxuô qơư sik côngv paz tưz xav tênhv tâu truôx têx luôs hâux lưv uô muôx liv huv đros hâur luz nênhx. “Qơư sik côngv paz co” tưz cxơưz cxiz tâu trâu chor hluôk truôx siêz huôv tsar uô nox, cxiv tsa chuôz zis pox niêv, txir nênhx vax huôv siz luôs, muôx luz nênhx tsâu sor thiêz paz trâu chor nênhs tsik muôx qơư iz muk đhâu têx cêr txov nhêv.

 Sđ hmor yuô! Chor nênhs lâuk hnuz nhôngs siêz, zos têx lênhx nênhs muôx tsưr ziv, txux chi huôv tsar cêr uô nênhx jông thiêz zos qơư truôx khor trâu sđ cơưv shâuv uô trơưk. Zơưv Hà Ngọc Xô, tsar jos Ngòi Châu, xã Giới Phiên, đrôngl Yên Bái pir đros têx luk thav txos. Txơưv lâuk hnuz nhôngs siêz, taz sik muôx txưr ziv, nto bê sir tas đas jos tsưr ziv uô tâu truôx jông cxuô luôs hâux lưv tso tơưv, zơưv Hà Ngọc Xô zos iz lênhx sir tas ntâu đas jos tsưr ziv đros cxiv kho thax tsav qơư nhoz huôv tsar truôx jông, tâu tsôngv px njênhs njôngr, uô trơưk.

Thâuv tưs tưz moz siêz, lês uô jông cxuô luôs hâux lưv, zơưv Hà Ngọc Xô tưz vênhv tôngv px gôngr ar têz, paz hnuz côngz đas jos chiê đros têz qơưk cxiv uô tâu luz tsêr vênhx huôv hâur jok, tas nhos 5 tỷ đeiv ntâu đros thiêz muôx cxix cxuô zav chuôz zênhxli: Trôngx tos, loa, đeix, yar tiêx ntâuk poz, ntâuk tik keiz....phưx vưv tsôngv px têx hâux lưv, cêr lov jêv, xênhz huôx jêx jok. Pos Đào Thị Mai, nhoz hâur jok shir phaz heik: “Muôx tsêr vênhx huôv, pêz tsôngv px tâu liv lok six ntâu zav. Hnuz tưs cux xưk li ntơư, tas cik txos trâu tsâuk ntux pêz siz zâuv tuôx no uô thể dục, ntâuk tik keiz, ntâuk poz lok sik jâuv nhoz thav pêv uô si.....Pêz muôx qơư uô si, yav ndis mak jông thiêz shir phaz hênhr”.

Shông no hnuz nhôngs tưz siêz, 70 ntâu shông, taz sik zơưv Hà Ngọc Xô cux tsênhv khor kho, ndo njôngr, moz siêz lês uô têx hâux lưv px hâur jok zok muôz-zos lênhx tsar jok chox kriê tsôngv niêv txir lax px sđ huôv tsar cêr uô nox. Cxuô luôs hâux lưv hâur jok puôr lênhx tâu zơưv moz siêz đơưk uô jông, huv chei, huv sđ. Zơưv Hà Ngọc Xô heik: Lênhx tsar jok, iz chas sir jos lês uô jông cxuô luôs hâux lưv zok muôz, tsênhv zuôr trâus txos ntâu zav, ntâu tsưr ziv, viv tiêk zos uô tsi tâu, tsi huv iz kro xưz lok six zôngx ziv uô luôs lưv tus pôngz siêz, txix ntơư luôs zuôr tsi njênhs, tsi mnôngs, tsi thôngx siêz: “Tâu tsôngv px njênhs njôngr zok muôz hâux lưv, cur zuôr sir jos lês uô jông cxuô luôs hâux lưv chiê tsiv nhos sđ têx cêr chiê siêz, njênhs njôngr ntơư. Xar uô tâu tiêr têx hâux lưv, iz chas uô ntêx nyuôs hâur cxuô cêr nuv, tsuv por hưv tâu têx jông thiêz muôx liv trâu px sđ. Chênhr por hưv truôx jông trâu px, taz sik uô huv sđ, trơưk chei têz qơưk viv li tsôngv px lênhx tưs cux njênhs njôngr, mnôngs trơưk”.

Têx shông đhâu, zơưv Xô cê zos lênhx nênhs paz trâu tsôngv niêv txir lax px muôx cêr sik thôngx siêz, uô nênhx siz hluz siz paz, cê zos lênhx tâu cấp ủy đảng, hâu nov ntơưv qơư njênhs njôngr choz hâux lưv. Lar heik zos, 5 shông tror lok no, jok Ngòi Châu, xã Giới Phiên muôx txos 6 dưv anr lox nhoz hâur TP thiêz tỉnh Yên Bái tsưr ziv njuôk hov huôv tsar ciêz đrôngs li: Cxiv puôz njưs thêir ntus đêx Liêz, cxiv uô thax tsav ciêz đrôngs Bách Lẫm A, B; cxiv kho cêr txix txox cêr lox 32, 37 yuôv trâu cêr muk chênhr Nội Bài-Lào Cai. Iz chas co zos fuô uô têx dưv anr paz cxơưz tsôngv box nhoz no cêr huôv tsar, zuôr uô ruôr hiêv txos 93% têx chuôz zis hâur jok, hâur ntơư muôx 50 ntâu chuôz zis tsuv yêik txar qơư nhoz. Xav hur si têx ar nhoz, ar liêx têz trâus sâu zuôr uô chor dưv anr heik sâuv tas nhos 30 ha. Viv ar liêx têz thiêz têx chuôz zis tsuv yêik txar qơư nhoz tas ntâu li ntơư, iz jiês cơưv jêx jok puôr lênhx muôx yênhx puô ziv chênhv, luk nus txos li uz li no.

Chiê tsôngv px pâuz mênhx thiêz jông siêz thôngx ziv đros têx tsưr ziv, hâux lưv uô ntơư, zơưv Xô tưz sir jos đros cấp ủy, hâu nov ntơưv qơư yax kriê, vênhv tôngv, phênhz tsênhz mênhx trâu px đhâu têx jiês cơưv thiêz muk yênhx chuôz zis đros px thav, heik sđ. Chiê px mnôngs, njênhs thiêz uô trơưk, zơưv Xô tưz uô ntêx nyuôs hâur jok muôz zuôr xar 15 cxênhz xưv phaz ar têz uô blêx, ar har jôngr trâu TP thiêz tỉnh uô dưv anr: Tsôngv px têx phiv liv, pêz heik cxix cxuô trâu chor hloz thênhv siêz hur si. Luôs hâux lưv vênhv tôngv muôx têx sik đros fuô uô ntâu jiês li: Tiv izzos đros Tsênhv qơư huôv tsar ar têz, tiv 2 zos đros Đảng ủy, tiv 3 đros têx đoanx thêv thiêz tiv 4 mak đros têx chuôz zis tưz jông siêz, thôngx ziv chiê px đros paz heik, paz kriê trâu têx chuôz zis tsi tâu tâu thôngx ziv ntơư. Chênhr txix fuô uô têx hâux lưv iz kro jux juk li co trâu px pâuz tsênhz, pâuz mênhx, sđ lênhx tưs cux njênhs njôngr, jông siêz thôngx ziv đros”.

Txix lênhx tsar jok têx hâux lưv uô jông, trơưk chei, huv đros sđ li ntơư, tsôngv px jok Ngòi Châu thâuv tưs tưz uô nênhx nhoz sik thôngx siêz.5 shông đhâu, hâur jok tsi pov muôx têx cuz nxor, siz pênhr, siz txênhz liêx têz uz no....hlo. Pos Khiếu Thị Lý, iz hâur têx chuôz zis yêik txar muk nhoz qơư yiêz heik: “Zuk chưx xiêk mê njik, taz sik pir li qơư nhoz kuz mak cux jông đuô. Têx cêr đu lus, zôngx ziv muk lol, ciêz cux nhoz jê thiêz têx nhuôs zôngx ziv muk cơưv ntâuz ntơưr. Nhiv no nhoz cav mak jông lơưv, tsi xar yêik muk kror tưs li”.

Zơưv Nguyễn Đức Luận, Chủ tịch Ủy ban xã Giới Phiên, TP Yên Bái, tỉnh Yên Bái heik pâuz, tsôngv px thiêz cấp ủy đảng, hâu nov ntơưv qơư thâuv tưs tưz njênhs njôngr thiêz kruôs nxiês txos zơưv Hà Ngọc Xô têx hâux lưv uô jông li heik sâuv: “Cur ntâuk grê siêz zơưv Hà Ngọc Xô, tsar jok Ngòi Châu têx hâux lưv chox kriê tsôngv niêv txir lax px sđ cêr uô nênhx, huôv tsar uô nox uô hnar. Zơưv Xô tưz đros đảng bộ thiêz hâu nov ntơưv qơư yax kriê tsôngv px, mnôngs px heik têx tsưr ziv, siêz xar chiê zênhx max đơưk tu tâu têx phiv liv, cuz nxor hâur jêx jok”.

Txix txux chi tsưr ziv thiêz moz siêz lês uô jông têx hâux lưv zok muôz, chor shông đhâu zơưv Hà Ngọc Xô tưz tâu tỉnh, TP thiêz cxuô ban, ngênhx muôz ntâu ntơưr kruôs. Zơưv Xô heik pâuz, têx uô trâu zơưv jông siêz thiêz shir phaz, chênhr zos thâuv tưs zơưv tưz tâu “Đảng, tsôngv px njênhs njôngr”.

Tsôngv box...! Nhiv no, tas nro têz qơưk muôx zuôr xar 17 tsov lênhx nênhs lâul hnuz nhôngs siêz, hâur co muôx 7 tsov ntâu lênhx cux tsênhv cxaz chuôz lox tôngv, huôv tsar uô nox, lax luôv; zuôr xar 750 cxênhz lênhx đros lês uô têx hâux lưv Đảng, hâux lưv hâur thax tsav qơư, Mặt trận tổ quốc thiêz têx đoanx thêv ntơưv qơư, 300 cxênhz ntâu lênhx đros uô hâux lưv đơưk tu têx cuz nxor hâur jêx jok. Hội nênhs lâul hnuz nhôngs siêz VN tưz huôv tsar, yênhx lix xar muôx 7 cxênhz câu lạc bộ siz paz hâur luz nênhx xênhz huôx niêx hnuz. Co zos trâur nuv uô jông tâu kruôs txos viv têx lâul nênhs châu Á đas jos, paz jông trâu côngv thôngx ntiêx têz taz por truôx tuk XH, cxơưz cxiz thiêz por hưv nênhs lâul hnuz nhôngs siêz. Lar heik, hâur phax tar têx nênhs fêv, tsi jông, cxiv tsa cxix luôs chính trị, phax tir thêir moz Covid-19 nhiv kruôr đhâu, yênhx vạn lênhx lâul nênhs hnuz nhôngs siêz têx côngz đas jos sir jos đros chor lưv lươngv muôx vax huôv lês uô cxuô luôs hâux lưv, yax kriê, vênhv tôngv px uô lơưr têx tsưr ziv phax tir thêir moz gênhk; siz chos paz trâu chor nênhs muôx luz nênhx txov nhêv hla đhâu phiv liv, têx hâux lưv jông co tưz uô trâu px thiêz tsôngv fôngx zưs sâuv ntiêx têz kruôs txos.

Tổng Bí thư, Chủ tịch têz qơưs Tô Lâm tưz xav tênhv: VN têx lênhx nênhs lâuk, hnuz nhôngs siêz hâur cxuô ntu, thâuv tưs tưz tsiv nhos zos qơư truôx khor, zos iz tsov iêr chi cax sir tas đas jos tsưr ziv đros cxiv tsa têz qơưs, tsôngv px muôx luz nênhx vav mênhx. Tổng Bí thư, Chủ tịch têz qơưs tưz hêik: Pêz têz qơưs truôx khor li nhiv no, cux chênhr zos muôx chor lâuk hnuz nhôngs siêz, muôx côngz nto bê hâur cxuô ntu sir tas đas jos đros uô tâu truôx jông cxuô luôs hâux lưv tso tơưv hâur têz qơưs. Lar hêik zos, hâur ntu Đảng li Đại hội XIII thiêz ntu Đại hội VIHội nênhs lâuk VN, cxuô lênhx cán bộ, hội nênhs lâuk tưz fuô uô truôx jông, cơưv shâuv zơưv Hloz Hôx têx cêr nênhx jông thiêz Đảng têz qơưs têx chêi tso tơưv, tưz uô trâu chor lâuk hnuz nhôngs siêz cux li px txuôk đros Đảng. Đảng thiêz chor lâuk hnuz nhôngs siêz, tưz sik côngv đros cxiv tsa Đảng, têz qơưs ziv hnuz ziv truôx khor. Têz qơưs zos chor lâuk hnuz nhôngs siêz tuôr truôx chax chêk lịch sử, vênhx huôv txuôk đros cxiv tsa têz qơưs-chủ nghĩa xã hội: “Xar njôngr cxuô cấp, cxuô ngênhx, cxuô tsưr tsix, cxuô lênhx sđ cik txos txix Trung ương txos tsênhv qơư tsuv mnôngs chor lâuk hnuz nhôngs siêz têx luk hêik kriê. Hur si têx tsênhv chêi paz trâu chor lâuk hnuz nhôngs siêz luôs hâux lưv uô hâur hội, zos uô ndo txiêx njistxos chor lâuk côngz đas jos uô hâux cxuô ntu lịch sử.Hur si cxuô doanhy nghiệp, cxuô lênhx nênhs siêz jông thiêz hur si xã hội siz chos côngv đas jos tsưr ziv uô, zos iz luôs hâux lưv muôx liv huôv tsar truôx têz qơưs”

TBT, Chủ tịch têz qơưs cux hêik Trung ương Hội nênhs lâuk, hnuz nhôngs siêz, tsuv nhênhz chơưv lok lý luận, uô cov huv đros thiêz cxiv uô ntâuz ntơưr paz phênhv trâu Đại hội XIV, ntâuz ntơưr hêik suôx câuv uô hâur 40 shông hlôngr yiêz, qênhz yuôx hur si tsưr tsix hội txix Trung ương txos cxuô tsênhv qơư, truôx khor lok chính trị-huôv tsar truôx cêr côngv siêz cxuô hêir nênhs, lênhx nênhs hnuz nhôngs siêz, zoslực lươngx chính trị hâur têz qơưs. Đros co, tsuv hêik trâu Trung ương sêiz car jiês suôx câuv 30 shông uô trơưk Chỉ thị số 59 hnuz 27/9/1995 ntơưv Ban Bí thư khoá VII “tsưx phưv đas jos trâu chor nênhs lâuk, hnuz nhôngs siêz”: “Hội tsuv uô tsênhz mênhx chiê Trung ương sêiz shuôk, chiê tso tơưv Đảng ntâuz ntơưr lok luôs hâux lưv sêiz car luôs hâux lưv uô tsưx phưv chor nênhs lâuk hâur ntu têz qơưs hlôngr yiêz. Luôs hâux lưv cxiv kho đuô chêi nênhs lâuk VN, tso tơưv hâur têz qơưs ntu 2030 - 2050 cux zos luôs hâux lưv zov chênhr, uô cov huv đros VN chor nênhs lâuk hnuz nhôngs siêz. Đhâu co, paz phênhv muôx liv trâu VN cir ntơưr lok tsưx phưv chor lâuk hnuz nhôngs siêz li vax huôv uô cov huv đros.Uô tiêr Đảng, têz qơưs luôs hâux lưv tso tơưv, chênhr zos Đảng cxuô hâux lưv uô hơưv tok 30 shông cxiv tsa tâu Hội nênhs lâuk VN, đhâu co tror uô truôx nzir VN chor lâuk hnuz nhôngs siêz chax chêk đhâu cxuô ntu”

Tsôngv box....! Tsaz yênhx mênhx cxưx thiêz huôv tsar hnuz no tsuôk muôx li no xưz, mav tror njiz đuô tsôngv cưr tix nênhx tsa sđ hâur têx tsaz yênhx tov kaz./.