Lok jêx jok tsôngv box Cho nhoz hâur đrôngs Hạ Long

Txos trâu kaz hli 4, pos Trương Thị Quý đros zuôr xar 40 lênhx nênhs xar Bằng Cả (TP Hạ Long, Quảng Ninh) ho sir jos cơưv shâuv bax trâuntênhk hôiv Carnaval Hạ Long. Tưz ntâu jiês cxaz chuôz taz sik yênhx jiês Carnaval, pos Quý cux lok six shir phaz thâuv tâu hnar tsôngv box Cho Thanh Y li chêr tsôngk yo cxôngx nzor, đros sơưr đơưk ntuôr uô têx cêr lov jêv: “Cxaz chuôz Carnaval mak zuk shâuv uô zuk mênhx cxưx têx vênhx huôv xưz. Tror uô ntênhk cấp sắc, thor sâuv tâu kôngz lôngk ntâu, pox niêv mak dhiê pax vuôs đros xưz. Pêz lok six tso siêz thiêz shir phaz, viv zuk mênhx cxưx têx vênhx huôv tâu tsov cưv txos, muôx têx kror uô cov jông trâu ntênhk hôiv chiê tas nro ntiêx têz tâu sêiz thiêz pâuz txos”.

Zênhx uô nênhx nhoz txix ntêr lok sâuv thax tsav ar Bằng Cả (huyện tox siêz Hoành Bồ kuz), mênhx cxưx Cho Thanh Y tsav muôx 97% dân sôr hâur xar đros muôx 500 ntâu ziv chuô zis, đros mênhx cxưx Cho Thanh Hán, Tày, Sán  Chay… Txix shông 2020, huyện Hoành Bồ tâu chiê lok trâu hâur TP Hạ Long, têx kror jông hâur luz nênhx vênhx huôv, phongx cxưx, uô lơưr mênhx cxưx Cho Thanh Y li têx phongx cxưx hax zav uô trâu têx huôx tôngv lok vênhx huôv cxuô muôx nzir ntâu kror jông đuô.

Shông 2009, dưv anr Qơư tuôr tsês chiê vênhx huôv mênhx cxưx Cho Thanh Y tâu yưv pênhr cxiv uô sâuv thax tsav đar muôx 5 héc ta. Côngz trinhx muôx 1 luz tsêr xênhz huôx vênhx huôv cxôngx nzor tâu uô lơưr tsêr lơưx thiêz oz luz tsêr tâu cxiv uô chiê paz trâu sơưr đơưk pâuz tâu txos mênhx cxưx Cho Thanh Y chor vax tsêr, iz ndis zos yar tiêx lox đar chiê tsưr tsix têx ntênhk hôiv, xênhz huôx côngv thôngx. Chor lâul sir jos tror uô têx phongx cxưx, ntênhk hôiv jông. Ntâu lớp kriê ntơưr Cho lâul, xơưk tsôngk yo cxôngx nzor, hu gâux siz lưrr, đhiê pax vuôs…. trâu shux xênhz, hluôk nênhs tâu kriz uô, zos chor nghệ nhân hâur jêx jok kruôz kriê. Pos Trương Thị Đông, iz hâur chor nênhs sir jos kriê xơưk tsôngk yo shir phaz puz pâuz: “Đêiv sêr mak lax xơưk tiv zix hok txox fuôv mak tas ntâu côngz. Tas nro lâul hluôk, chor nhuôs tuôx chôngz chiê zuk kriê trâu lơưr, lơưr cus lok six sir jos cơưv. Chôngz lênhx nênhs pâuz xơưk, uô đuô, zuk tsuv sir jos chiê zuk têx tsôngk yo tsik trâus pôngz plox”.

Nhiv no, mênhx cxưx Cho Thanh Y nhoz xar Bằng Cả tưz tsik zos tuôr chiê tês vênhx huôv mak tsênhv xar cov muôz zuk têx vênhx huôv txos trâu tsôngv kruô sơưr đơưk nhoz đêz jê pâuz txos. Tsuôk oz pêz châuv cêik cêr txix tsênhv qơư TP Hạ Long, chôngz lênhx kruô tưz tuôx ntơưv no, nriêr pâuz thiêz sêiz shuôk têx tsêr cxôngx nzor, đa đêx cuô yuôx đrox njuôz, nriêr pâuz lok nênhs ntơưv thax tsav qơư têx vênhx huôv, zav nox. Tix Lâus Trần Văn Quân, nhoz xar Bằng Cả puz pâuz: “Vênhx nghệ, đhiaa pax vuôs cấp sắc, shux xênhz, hluôk nênhs sik đros cxaz chuôz, cxuô ban nganhx puôr lênhx thôngx ziv đros uô, pox nhuôs sơưr đơưk cux thôngx ziv đros thiêz”.

Đros trâu têx lov jêv shir phaz lok du lịch đêx hiêr, iz kror ndis shuôk, uô si muôx đros têxtox trôngz, vênhx huôv tsôngv box mênhx cxưx tsơưs nênhs tsênhv tok njôngr tsôngk kruô tuôx trâu Hạ Long hâur chêix so sor no. Co cux zos kror chiê tsôngv box Cho Thanh Y tuôr stês chiê, phuôx huiz zuk têx tsiv gri vênhx huôv jông cxôngx nzor trâu hâur thax tsav đrôngs đêx hiêr thiêz tâu tsôngv kruô sơưr đơưk pâuz txos./.

TTĐB-Lik Thox cxêik nhênhv