Kôngz nuv txuôk đros qơư uô ju lix nhoz Sơn La

          Nhạc nền dân tộc………………….

          Hâur têx hnuz kaz ciêz, têx vax chos jâuz caz Tây Ma bu ru fam nhoz hợp tác xã kôngz nuv công nghệ thiêz du lix Na Lun, huyện Mộc Châu tưz muôx chôngz lênhx kruô tuôx ndis uô si, sêiz shuôk. Trơưk li tix lâus Ngô Minh Hiếu, phưv Giám đốc Hợp tác xã kôngz nuv công nghệ thiêz du lix Na Lun, Mộc Châu, hâur luz chêix txir jâuz caz Tây siêr jiês xuz thơưx hâur shông 2019, Hợp tác xã tưz chos 6 cxênhz thiêr txuôk đros huôv tsar du lix thiêz ntơư zos luôs hâux lưv uô huv đros tsôngv kruô hâur têz qơưs thiêz kruô sâuv ntiêx têz. Pâuz tâu têx muôx liv co, Hợp tác xã tưz chos nzir 2 ha tsoz chos jâuz caz Tây txuôk đros huôv tsar uô du lix: “Têx vax chos txir jâuz caz  no txơưr đuô pir li têx vax jâuz caz oz chas thax tsav. Viv zuk tsik chos li đrav ntêx, tsuv chos trơưk oganíc cov muôx tâu têx txir jông huv đros tsôngv kruô siêz nhiêv”

          Huôv tsar uô du lix jôngr ntông ntơưv jos Noong Đúc, phươngx Chiềng Sinh, đrôngl Sơn La thiêz qơư co tưz hêik kriê lok côngv thôngx hêir nênhs poz ziz nhoz Sơn La têx txux chi, vênhx huôv jông cxôngx nzor huv đros hêir nnênhs co li luz nênhx hâur niêx hnuz. Pos Trần thị Gấm, Giám đốc sêiz car qơư du lix jôngr ntông jos Noong Đúc shir phaz lul hêik pâuz: “Pêz tsênhv taz tov huôv tsar jux lix jôngr ntông txuôk đros cxuô zav hax huv cov huv đros tsôngv kruô siêz nhiêv. Kror tiv iz, pêz huôv tsar uô txuôk đros têx tuz nxêik hâur thax tsav nthuôr uô cêr lov jêv trâu tsôngv kruô sêiz. Kror tiv oz, pêz tsênhv taz tov chos tsoz chos ntông pax lâus txuôk đros cxuô zav tsoz chos hâur thax tsav cov huv đros qơư ndis uô si, cxêik đuôz. Thâuv pêz huôv tsar du lix kôngz nuv, cux tso siêz, viv muôx chôngz lênhx kruô tuôx sêiz shuôk ziv hnuz ziv tsar ndê siêz”

          Hâur têx shông đhâu, tỉnh Sơn La tưz huôv tsar uô tâu ntâu zav hax huv du lix txuôk đros kôngz nuv, txux chi, vênhx huôv hâur thax tsav qơư. Hâur ntơư zos cxuô ntênhk hội du lix thiêz hêik kriê cxuô zav hax huv ntơưv qơư trâu tsôngv kruô sđ pâuz txos. Pir li hnuz hội đê txir ntông, đê blôngx njik yuôx zêx ntơưv huyện Mộc Châu; hnuz hội txir ntông lưv tsiz huyện Sông Mã; txir mo môngk huyện Yên Châu…Đhâu ntơư, tsôngv kruô cux tâu muk sêiz shuôk têx qơư chos txir khơưz kaz jiz; trôngz yuôx zêx đros trâu nox siv cxuô zav txir ntông thiêz đros nthuôr uô cêr lov jêv, đhiê pax vuôs. Nguyễn Ngọc Hưng, iz lênhx kruô nhoz tỉnh Thái Bình tuôx ndis uô si, sêiz shuôk têz qơưs shir phaz lul hêik pâuz: “Pêz tuôx ntơưv no ndis uô si, sêiz pov cxuô thax tsav jông jav nziv tsôngv kruô sđ siêz nhiêv thiêz thax tsav qơư co jông txơưr thax tsav tiêx đras. Hur si cxuô qơư du lix zos đrêiv tsôngv pêx xênhv hâur thax tsav luz nênhx nox nhoz muk hâur niêx hnuz”

          Thôngz đhâu iz xã iz zav hax huv, tỉnh Sơn La tưz paz tâu oz zav hax huv du lix jông, ntơư zos du lix côngv thôngx Ngọc Chiến, xã Ngọc Chiến, huyện Mường La thiêz du lix Pha Đin, xã Phổng Lái, huyện Thuận Châu. Zơưv hà Như Huệ, Giám đốc sở kôngz nuv huôv tsar tox siêz, tỉnh Sơn La hêik pâuz nzir: “Nhiv no tsôngv kruô xar ndis shuôk têz qơưs trâu têx thax tsav qơư du lix kôngz nuv. Chêx chôngk trâu huôv tsar uô kôngz lôngk huv đros thax tsav qơư nhoz thiêz yax kriê tsôngv px sđ huôv tsar uô trơưk. Txix ntơư, muôx iz cxiê doanh nghiệp muôz pênhr nhiêx paz, kriê yax px  huôv tsar uô txuôk đros du lix côngv thôngx”

          Nhạc nền dân tộc……….

          Kôngz nuv huôv tsar uô txuôk đros du lix nhoz Sơn La, cux uô huv đros hâur ntu têz qơưs hlôngr yiêz nhiv no, px muôx phênhv sâu tâu nhiêx txiêx, muôx luz nênhx truôx tuk tsâu sor./.

Tsu cxêik nhênhv-Trấn Long-Tây Bắc