Yên Bái 100% chor tsêr cơưv ntơưr bax tiêr chiê kriz cơưv shông cơưv yiêz trâu hnuz 5/9

         Muk trâu cxuô jêx jok, njiz shux xênhz li yênhx lênhx niêv txir chiê hêik chor shux xênhz tuôx tsêr cơưv chiê cơưv ntơưr zos cưk kriê ntơưr Lường Thị Chài thiêz chor cưk kriê ntơưr nhoz ntơưv têx jêx jok tsêr cơưv Nhuôs zâu Giàng La pán, xar Bản Mù, huyện Trạm tấu, tỉnh Yên Bái li kror hâux lưv yênhx hnuz hâur têx hnuz đhâu. Kuôk tsêr cơưv chênhr xar muôx 10 cêik cêr, shông cơưv yiêz no, tsêr cơưv Giàng La Pán muôx zuôr 140 lênhx nhuôs, phêiz uô 5 lớp, hâur co muôx iz lớp chiê lớp 3,4 thiêz 5 shông cơưv uô cê. Cưk kriê Lường Thị Chài puz pâuz, nhoz ntơưv no 100% zos tsôngv box Hmôngz, pox nhuôs luz nênhx tsênhv yuôr ntâu txov nhêv, thax tsav mak phiv liv, pêx nhoz tsik siz jê; tsêr cơưv cux li tas nro jêx jok tsik tâu muôx tênhv, songz điện thoại mak tsik muôx jos… viv li côngz xưv hêik chor nhuôs tuôx cơưv ntơưr njiz ntâu phiv liv; chor cưk kriê ntơưr tsuv khov trâu Bí thư chi bộ thiêz Tsar jok đros paz: “Bax trâu hâux lưv chor shux xênhz tuôx tsêr cơưv ntơưr tâu zôngx ziv, pêz chor cưk kriê ntơưr tsuv muk  ti gâuk tsêr chiê yax kriê, hêik shux xênhz niêv txir li: chor nhuôs tưz  tuôx tsêr cơưv lơưv mak  chiê tuôx cơưv ntơưr huv six hơưv tưz cui tênhv, hok chor nhuôs tsik tâu tuôx tsêr cơưv ntơưr mak muk uô ntâuz ntơưr , xav jênhv qơư nhoz chiê muôz trâu tsêr cơưv uô têx ntâuz ntơưr chiê tâu sơưv têx tsênhv chêi paz. Phiv liv tiv zix zos jok Giàng La Pán lok six đar, muk trâu six hơưv uô hâux lưv mak njiz tsik tâu shux xênhz niêv txir viv li tsuv muk thâuv lok six nzor xưz, đuô thiêz zos iz cxiê ziv chuôz zis tsik pâuz luk tsoz tsiz viv li cưk kriê ntơưr tsuv muk cơưv luk Hmôngz đhâu co tror hêik trâu shux xênhz niêv txir pâuz”.

        Ntơưv huyện Văn Yên, shông cơưv no muôx 33 cxênhz ntâu lênhx shux xênhz cơưv ntơưr 65 luz tsêr cơưv đros muôx 1.000 ntâu lớp cơưv.

        Chie bax cxuô kror trâu shông cơưv yiêz, đrâuv tsưr tsix kriê uô hâux lưv trâu chor canr bôv sêiz car, cưk kriê ntơưr hâur tsêr cơưv; tsưr tsix uô vêv xênhz tsêr lớp… Phongx Zoz zux huyện cux kriz uô thôngz sâu, qênhz yuôx chor shux xênhz muôx luz nênhx txov nhêv, nhoz tox siêz, đêz đrôngs tâu tez qơưk paz lok nox nhoz niêv txir zus mor chiê paz trâu chor nhuôs cov chor nhuôs tso siêz cơưv ntơưr. Zơưv Lưu Quang Lợi, Trưởng phòng Zoz zux huyện Văn Yên puz pâuz: “Pêz kriz uô qênhz yuôx chor shux xênhz muôx luz nênhx txov nhêv, chuôz zis pluôs, zuôr xar pluôs, shux xênhz njuôs nok thiêz chor nênhs tsuv tâu paz txơưr chiê hêik muôz têx phênhv paz trâu chor shux xênhz cov cov lơưr tsoz siêz tuôx cơưv ntơưr”.

        Shông cơưv 2023-2024, tas nro tỉnh Yên Bái muôx 441 tsêr cơưv nhuôs zâu thiêz zoz zux phôv thông đros muôx 7.100 ntâu hov lớp, 230 cxênhz ntâu lênhx shux xênhz. Uô ntêx zuôr txos trâu shông cơưv yiêz, xar muôx 150 qar cơưv yiêz thiêz 100 ntâu phongz bộ môn nhoz cxuô thax tsav qơư tưz tâu uô tiêr thiêz muôx lok sir zôngv.

       Chiê đơưk tu qênhx shênhx muôx tsik txâuk cưk kriê ntơưr, nganhx Zoz zux tỉnh tror tso chor cưk kriê ntơưr luk Anh txix thành phố Yên Bái thiêz têx huyện Yên Bình, Trấn Yên, thị xã Nghĩa Lộ muk paz trâu huyện tox siêz Trạm Tấu, Mù Cang Chải; chiê kriê ntơưv ntâu tsêr cơưv, cấp cơưv nhoz têx bộ môn muôx tsik tâu txâuk cưk kriê ntơưr; tror sik côngv đros têx sở, nganhx ntơưv thax tsav qơư tsưr tsix xêir zuôr lơưr tỉnh li tsưr ziv chiê jux juk khưx phưx tâu qênhx shênhx muôx tsik txâuk cưk kriê ntơưr nhoz têx tsêr cơưv ntơưr.

        Ciês đros thiêz huyện Mù Cang Chải-thax tsav qơư nhiv kruôr njiz trâus ntau ruôr hiêv hâur jiêx đêx ngaz cuôr nhiv kruôr đhâu, Sở Zoz zux tưz yênhx lix iz tôv côngz xưv, chiê iz lênhx phưv giám đốc uô Tổ tsar muk ciês trâu huyện chiê chox kriê kriz uô côngz xưv khưx phưx, cux xưk li sir jos bax cxuô kror chiê chỏ tsêr cơưv hla tâu trâu shông cơưv yiêz 2023-2024 huv lơưr six hơưv kriz cơưv tưz tâu tso tơưv. Zơưv Đào Anh Tuấn, Phưv Giám đốc Sở Zoz zux tỉnh Yên Bái puz pâuz: “Txos nhiv no côngz xưv bax trâu shông cơưv yiêz cux xưk li cxuô kror bax trâu kriz cơưv tưz tâu bax huv li tsưr ziv. Ciês đros tsêr cơưv Phôv thôngz mênhx cxưx Niêv txir zus mor Cxênhx iz thiêz Cxênhx oz Hồ Bốn, Tsêr cơưv Xéo Dì hồ (oz luz tsêr cơưv trâus ruôr hiêv ntâu hâur jiêx ntux nas đêx ngaz cuôr nhiv kruôr đhâu ntơưv huyện Mù Cang Chải) cux zuôr tuôx cơưv tâu ntơưr huv lơưr six hơưv đros tas nro chor tsêr cơưv sâuv thax tsav tỉnh”.

        Muôx yênhx lênhx cưk kriê ntơưr thiêz tas nro nganhx zoz zux li sir jos, muôx cxuô cấp, cxuô nganhx thiêz chinhr quyền ntơưv thax tsav qơư li sik côngv đros paz, txos six hơưv no, cxuô kror bax trâu kriê thiêz cơưv ntơưr tưz tâu tỉnh Yên Bái uô tiêr, bax jông chiê kriz cơưv shông cơưv yiêz 2023-2024./.

Thừa Xuân-Lik Thox cxêik nhênhv

Cxuô hêir nênhs tsơưs Lai Châu têx txux chi, vênhx huôv jông nhoz trơưr tsôngk kruô siêz

        Iz chas zuôr thiêz muôs cxuô zav hax huv kôngz lôngk đros trâu têx tsôngk tiêz, tsôngk yo, pax ntâuz, đuôr tưk, kênhx Hmôngz…. zos tsôngv px ntơưv qơư uô tơưv tưz tâu thâux gra tuôx muôs trâu hnuz kriz ciêz jos Sin Suối Hồ. Chiê hêik kriê cxuô hêir nênhs ntơưv qơư têx txux chi, vênhx huôv jông cxôngx nzor trâu tsôngv kruô sđ pâuz txos; hâur ntu đhâu, tsôngv px hâur thax tsav tưz muôz zuk li têx txux chi, vênhx huôv jông muôs hâur mạng xã hội, muôx chôngz lênhx kruô zuôr thiêz pâuz txos. Tus niêv hluôk Ke x Hav, nhoz jos Sin Suối Hồ, xã Sin Suối Hồ, huyện Phong Thổ (Lai Châu) shir phaz lul hêik pâuz: “Cur tso trâu sâuv tiktok thiêz sâuv facebook,  mạng xã hội, li ntơư cur cux muôs tâu ntâu hax huv. Phênhv ntâu zos muôs tsôngk tiêz tsôngk yo pox niêv đros trâu têx trik yo txir nênhx thiêz têx hnaz ntâuz ntok. Txix cur zôngv mãng xã hội muôs hax huv, cux muôx chôngz lênhx kruô zuôr txos”

          Đuô têx đuôz muôs hax huv sâuv mạng xã hội, hâur ntu đhâu lok no, chor kruô tuôx ndis uô si, sêiz shuôk têz qơưs txos Sin Suối Hồ ziv hnuz ziv chôngz. Đros ntơư, tsôngv px hâur jos co cux sir tas đas jos tsưr ziv xơưk tsôngk tiêz, tsôngk yo, xơưk hnaz uô jav, câuv mov….muôs trâu tsôngv kruô oz chas têz qơưs. Chênhr zos li hêik ntơư, hâur iz jiês kriz ciêz muôs hax huv, jos du lix côngv thôngx Sin Suối Hồ muôx chôngz lênhx kruô tuôx ndis uô si. Iz lênhx kruô nhoz têz qơưs Pháp cux tuôx ndis uô si, sêiz shuôk têz qơưs txos jos Sin Suối Hồ cux hêik pâuz tiêk: “Tuôx sêiz shuôk txos luz ciêz no cux muôs ntâu hax huv, huv đros tsôngk kruô siêz nhiêv. Lar hêik zos muôx ntâu zav tsôngk tiêz tsôngk yo jông jav thiêz cux xar zuôr oz pêz zav chox muk sêiz đaz muôs, puz trâu têx fôngx zưs cxênhz jê”

        Pir li ciêz Sin Suối Hồ muôs pêz hêir nênhs Hmôngz cxuô zav tsôngk tiêz tsôngk yo, pax ntâuz đuôr tưk…huv đros pêz hêir nênhs Hmôngz luz nênhx nox nhoz muk lok hâur niêx hnuz.

          Taz sik ntơưv qơư kriz ciêz San Thàng nhoz đrôngl Lai Châu cux muôx hêir nênhs Giáy ntâu zav nduôr thax cxôngx nzor huv đros tsôngv kruô siêz nhiêv. Lar hêik zos cxuô qar tsêr muôs cuz thaz nto bê, muôx chôngz lênhx kruô nhiêv nox. Tus muôv Nùng Thị Nga,  nhoz jos San Thàng, xã San Thàng, đrôngl Lai Châu shir phaz lul hêik pâuz: “Chor cuz thaz no, zos cur chuôz zis cơưv shâu uô txix thâuv tsênhv zâu; niêv thiêz txir kriê uô zav cuz thaz co tưz muôx 10 ntâu shông đhâu, muôx chôngz lênhx kruô nhiêv nox”

          Chor cuz thaz muôs ntơưv ciêz  San Thàng, tâu tsôngv pox niêv, vir ndâuk ntơưv no muôz zav cxur kaz chox lok uô, muôx chôngz lênhx kruô nhiêv nox. Zơưv Nguyễn Thanh Hải, iz lênhx kruô nhoz saz Hà Nội tuôx ndis shuôk têz qơưs shir phaz lul hêik pâuz: “Ntâu jiês cur tuôx ndis uô si trâu Lai Châu, taz sik zos jiês xuz thơưx cux tuôx ndis uô si txos ciêz Sa Thàng.  Tâu nox siv ntiv  cuz thaz no cux kaz cơưs; lar hêik zos muôx cxuô zav jâuz nhôngk nox đros”

  20 hêir nênhs siz chos huôv tsar uô nênhx nhoz hâur thax tsav tỉnh Lai Châu đros ntâu zav txux chi, vênhx huôv jông thiêz muôx ntâu zav nox kaz jông txơưr tsik siz thôngx huv đros tsôngv kruô siêz nhiêv.

          Lar hêik zos chor hluôk nhiv no tưz pâuz khơưk tsês thiêz huôv tsar  truôx zuk hêir nênhs têx txux chi, vênhx huôv jông cxôngx nzor chiê hêik kriê trâu tsôngv kruô pâuz txos. Txix ntơư, cxơưz cxiz huôv tsar kinh tế, vênhx huôv, xã hội chiê tỉnh Lai Châu zos iz qơư muôx cxuô zav jông jav, muôx chôngz lênhx kruô tuôx sêiz shuôk txos./.

                                  Tsu cxêik nhênhv-Khắc Kiên, CQTT Tây Bắc