Mộc Châu cxiv uô tsêr niêv côngv siêz trâu tsôngv px

Cxiv uô tsêr niêv côngv siêz paz trâu têx lênhx nênhs muôx luz nênhx txov nhêv nhoz Mộc Châu

Jok Nà Bó 2, xã Mường Sang hnuz no muôx chôngz nênhs, lov jêv, lênhx tưs cux shir phaz viv jok ho tror tâu txeil sđ têx cêr paz chiê paz uô tsêr yiêz trâu lênhx nhuôv Sa Quang Hưng. “Cur thâuv ntêx tsi tâu muôx tsêr nhoz. Khov têz qơưk thiêz têx txir hloz, txir nzơưv paz max viv li thiêx muôx tsêr đros luôs nhoz. Thâuv ntêx nhoz hâur luz tsêr kuz, iz jiês ntux lok nas lox mak tsêr trâul đêx ngaz tas, cur lok six nyei. Nhiv no lok nhoz ntơưv luz tsêr yiêz no, tưz tso siêz lok six ntâu lơưv”.

Hưng shông no nhiv kruôr muôx 18 shông, taz sik tưz nzor njiz trâul txox cêr uô njuôs. Niêv thiêz txir xênhz zus Hưng trâu luz nênhx txov nhêv, viv lênhx txir trâul muôx moz gênhs, tsi muôx đas jos uô nox, viv li cxênhx txuôs tsi tâu iz zav đaz tsi hlo. Ntâu shông đrav ntêx, niêv khiêr lơưv, chiê Hưng đros lênhx txir  nhoz uô luz nênhx txov nhêv njuôr. Taz sik nhiv no, Hưng tưz muôx têx truôx siêz đros luôs lưv tus cxiv uô luz nênhx, thâuv tưz muôx luz tsêr yiêz no. Muôx qơư nhoz truôx li muôx hâux lưv đros luôs lưv tus uô, luz tsêr niêv côngv siêz đar 40 ntâu xưv phaz zos Mặt trận Tổ quốc huyện, xã đros têx lênhx nênhs siêz jông siz chos paz đal jos cxiv uô, tsi tiêk paz Hưng lênhx txir tso siêz thâuv tâu tas siv nênhx, mak tsênhv zos iz kro cxơưz paz trâu Hưng hla đhâu têx phiv liv, cêr txov hâur luz nênhx.

Iz chas co mak nhoz jok Chiềng Khòng, xã Quy Hướng, yênhx châuv lênhx nênhs sik đros đo têx xuôz jêz, puôz uô niêv lâuk Bàn Thị Hoàn luz tsêr yiêz, seiz njiê lênhx tưs njêx muôs cux luôs nxi, shir phaz. Tix lâus Bàn Văn Đại heik shir phaz  hlo, thâuv tâu zos iz hâur têx lênhx cxiv uô tsêr paz tsôngv px hâur jok. Chor nênhs no zos hâur jok lơưr xeir, siz chos paz hnuz côngz đas jos cxiv uô tsêr tsi zuôr têx nhiêx côngz, thâuv hâur jok muôx zis nênhs pluôs cxiv uô tsêr yiêz. Thiêz muôx têx, chor nênhs paz têx lênhx nênhs pluôs, muôx luz nênhx txov nhêv cxiv uô têx vax tsêr nhoz li heik sâuv hâur tix lâus jok zos iz kro yiêz muôx nhoz Sơn La no:“Luz jok tưs nhiv no cux muôx iz paz cxiv uô têx vax tsêr li heik co, taz sik lơưr khênhr zuôr nhiêx côngk ntâu. Pêz mak tsi zuôr têx nhiêx co, uô paz tsôngv cưr tix nênhx tsa xưz. Heik cxuô, chuôz zis tsi trâul cxơưx li chas hlo, pêz paz uô xưz, txos thâuv uô tâu tiêr, chuôz zis tsuôk pâuz muk nhoz. Lok sâuv nox hâuk mak pêz cui tinhv, so hâux lưv nhiêk mul nhiêk vax nhiêk tsêr, nhiêk nox nhiêk, tsi uô phiv liv trâu chuôz zis”.

Luz tsêr niêv côngv siêz nhiv kruôr tâu choz cux zos zav huv lok six jông trâu tix lâus Lò Văn Thoan, nhoz jok Nà Bó 2, xã Mường Sang. Trâul sêv khiz luz chêr thâuv tsênhv nhoz hâur đruôz thiêz, trâul tuôs iz cxeik tơư, iz cxeik lol tsi muôx jos, txơưv ntâu shông sir jos uô luôs hâux lưv ntâuk lưx hlâus, uô têx triêv, txuôk, hlâu... muôs trâu tsôngv cưr tix nênhx tsa sđ hâur jok, hâur xã uô liêx têz, taz sik 40 shông, tix lâus cux tsuv nhoz hâur luz tsêr tsar lơưx kâus kêz jik, đaz tuôs njuôr zos niêv thiêz txir muôz puz, xar njôngr cov muôx iz luz tsêr yiêz tâu đros luôs lưv tus nhoz, ntơư zos iz phiv liv, lax uô tâu.Txos hnuz 17/10 shông uô ntêx, zos ndax trâu hnuz “viv nênhs pluôs”, tix lâus 2 niêv txir têx cêr bâu suôr, xar njôngr co tưz muôx tsênhz tiês, thâuv tâu choz zok luz tsêr niêv côngv siêz zos cấp ủy, hâu nov hâur xã, đros trâu têx lênhx nênhs siêz jông cxiv uô puz trâu tix lâus 2 niêv txir. Muôx tsêr yiêz, ho xar txos đros luôs muôx mê tuz mê nhuôv chiê tâu txiz tâu hu, tix lâus xav, zuôr sir jos huôv tsar uô nox txix zuk txux chi tsưr ziv, paz cxiv tsa jêx jok, têz qơưk truôx tuk, vav mênhx, chiê tsiv nhos têx côngz đas jos sđ siz chos paz trâu chor nênhs txov nhêv li tix lâus:“Tâu Đảng, Chính phủ, têz qơưk thiêz cxuô cấp paz uô tsêr trâu chuôz zis, cur 2 niêv txir nhiv no tsi trâul cxơưx thâuv ntux yar ntux nas lox lơưv, cur uô tsâus sđ lok six ntâu. Nhiv no mak zuôr tso siêz lês uô zuk têx hâux lưv ntâuk lưx hlâus chiê muôx ntâu têx triêv, txuôk jông phưx vưv tsôngv cưr tix nênhx tsa sđ uô têx liêx têz”.

Thôngz sâu hâur tas nro huyện Mộc Châu, txos nhiv no, 100% chuôz zis pluôs, chuôz zis txov nhêv muôx hnuz nhôngs txix 40 shông tror zar sâuv zuôr trâul tâu paz max uô tsêr nhoz tưz tâu paz nhiêx txiêx, hnuz côngz, chuôz laov thiêz tưz cxiv uô tâu têx vax tsêr. Têx li heik no cux xưk iz zav li tsi yuôr chuôz zis pluôs, chuôz zis txov nhêv tưs hâur huyện muôx hnuz nhôngs txix 40 shông tror zar sâuv tsuv nhoz hâur têx luz tsêr đaz pêk tuôs, kâus kêz jik, tưz muôx qơư nhoz truôx chiê tso siêz huôv tsar uô nox uô hnar. Đros thiêz têx lênhx uô hâux lưv mặt trận li zơưv Lê Xuân Thanh, Phưv chủ tịch Ủy ban Mặt trận Tổ quốc VN huyện Mộc Châu, shir phaz đuô hur si zos thâuv pov sđ muôx cêr sik thôngx siêz, siz paz siz hluz, sik đros pheiz kênh têx cêr txov, phiv liv li no:“Thâuv muôx hur si cxix luôs chính trị sik côngv têk siz paz mak uô tâu lok six jông, px jông siêz, thôngx ziv đros. Six hơưv no xưk li cxiê shông, Ban thường trực Mặt trận tổ quốc huyện tsuv muk ntâu thax tsav qơư chiê yax mông, fuô kriê, hu zâuv sđ sik đros uô. Taz sik shông no tiv muôx moz Covid-19, pêz tsuôk xa ntơưr hu thiêz zâuv xưz, têx doanh nghiệp lơưr tưx tuôx đas cir muôz nhiêx paz, viv tas nro cxix luôs chính trị sik đros côngv têk uô, viv li tưz uô tâu lok six jông”.

Cux trơưk li zơưv Lê Xuân Thanh, tsi zos luz huyện tưs, tỉnh tưs hâur hur si têz qơưk cux uô tâu li heik no. Uô tsêr niêv côngv siêz trâu têx chuôz zis pluôs hâur têx shông đhâu tưz tâu Mộc Châu fuô uô txix zuk têx txux chi tsưr ziv xar. Txix têx luôs hâux lưv uô tâu tsênhv tsênhz tso pov, tsưr ziv uô no tsiv nhos tâu nthuôr đêz đar chiê luôs lưv tus, lưv thax tsav qơư cơưv shâuv, uô trơưk, chiê têx lênhx nênhs txov nhêv muôx luz nênhx truôx tuk xưk sđ./.

(Thu Thùy, Tuyết Lan-Riê Lâux cxeik, nhênhv)