NUS POS HOÀNG THỊ HẠNH

Thứ trưởng, Phưv sêiz car uỷ ban mênhx cxưx

          1/ Thor cox puz pâuz, moz Covid-19 nhoz pêz têz qơưk txos nhiv no phênhv tưs tưz tir tar tâu. Tror njiê đuô 3 luz hlik ntâu đhâu, UB mênhx cxưx zos chiz coaz coar lik têz qơưk lok côngz xưv mênhx cxưx, nhoz hâur Ban chox kriê phax tar moz Covid-19, Ub tưz choz kriê côngz xưv phax tar moz nhoz têx tiv phaz li chas, tiv zix zos nhoz thax tsav mênhx cxưx tsơưs nênhs chiê muôx tâu chêx cuk li nhiv no?

          Têz: Đros thax tsav tsôngv box mênhx cxưx tsơưs nênhs, tâu Ban chox kriê choz jênhv vưv, pêz tưz ciêr chênhr muôx ntâuz ntơưr xa trâu UB têx tỉnh thax tsav tsôngv box mênhx cxưx tsơưs nênhs, thix ziv sik côngv krêz uô têx njiêz luv tsênhv lok phax tar moz txos thax tsav tsôngv box mênhx cxưx tsơưs nênhs. Pêz tưz uô hâux lưv đros chiz coaz pov tsir, thôngz xor mông chiê uô li chas côngz xưv krêz uô, vênhv tôngv tâu uô huv đros tiv zix txos tsôngv box mênhx cxưx tsơưs nênhs.

          2/Thứ trưởng, zos li cox ntâus grê li chas lok têx tiv phaz li têx hâux lưv sik côngv uô txos nhiv no? Hâux lưv pâuz thiêz yưr lir têx xor mông cxôngx tiv phaz tâu krêz uô li chas zov?

          Têz: UB têx tỉnh thax tsav tsôngv box mênhx cxưx tsơưs nênhs thâuv jênhv tâu UB mênhx cxưx li ntâuz ntơưr tưz ciêr chênhr krêz uô thiêz yax six pov cov, thôngz sâu têx lênhx nênhs tsôngv box mênhx cxưx muôx lênhx coaz txos vênhv thix phax tar moz chiê pov trâu UB mênhx cxưx, pov trâu Ban chox kriê têz qơưk. Têx tỉnh uô jông Trung ương li chox kriê, tso tsês têx ntênhs phêv mênhx cxưx hâur thax tsav, tsi muk lok phôngv tsiêz đhâu thax tsav ntus đriv, tsưr tsix nox tsiêz hâur tsêr thiêz tôngv vênhx tsôngv box li chinhz yênhx huv đros.

          3/ Iz hâur têx phêv liv hâur côngz xưv phax tar moz nhoz thax tsav tsôngv box mênhx cxưx tsơưs nênhs zos pox nhuôs lax pâuz tsênhz tâu têx xor mông zuôr trâus. Hâur ntu ciêr chênhr phax tar moz nhiv kruôr đhâu, UB muôx tsưr ziv uô li chas zov?

          Têz: Têx tỉnh nhoz thax tsav tsôngv box mênhx cxưx tsơưs nênhs tưz ciêr chênhr zôngv cxuô tsưr ziv yax kriê, hâur co muôx 30 cxênhz ntâu lênhx nênhs tâu tsôngv box njênhs njôngr sik côngv jông đros Ban côngz xưv mặt trận tổ quốc têx cấp nhoz ntơưv qơư mul txos yênhx thax tsav txơưr chiê yax mông, zôngv lul mênhx cxưx nhoz yênhx tiv phaz chiê uô côngz xưv vênhv tôngv tsôngv box.

          4/ Chiê sik côngv đros têx tiv phaz hâur côngz xưv phax tar moz Covid-19, UB mênhx cxưx tsênhv thiêz zuôr krêz uô têx chính sách paz txưv tưs hâur six hơưv no thiêz thâuv tir tar tâu moz Covid-19. Thor cox puz pâuz nzir?

          Têz: Nhiv no pêz tưz thiêz tsênhv tror sik côngv đros têx tiv phaz chiê pâuz tâu qênhx shênhx nhoz tiv phaz, pâuz tâu nênhs lox tôngv nhoz saz đrâuv têz qơưk tror lok tiv phaz, tiv zix zos têx ziv chuôzz is pluôs chiê heik Thủ tướng Chinhr phuv paz txưv trâu tsôngv box ntu nhiv no. Pêz pov mak Thủ tướng Chinhr phuv cux tưz muôx tsưr ziv paz txưv trâu têx lênhx nênhs trâus zênhr shar tiv moz covid-19 huôv xênhz, hâur co muôx tsôngv box mênhx cxưx tsơưs nênhs. Taz sik đros thiêz têx hâux lưv tsuv uô pêz zuôr tror sik côngv đros têx tỉnh chiê muôx têx njiêz luv krêz uô tsênhv tsênhz đuô thiêz.

          5/ Thor uô cox tsâus ntâu, tưz tsês six hơưv đros pêz thav!

(Hoài Thu-Txâur Vax cxeik nhênhv)