Phênhv thưr 5 hnuz xiêz 3/12/2015

Tix lâus Nông Văn Trúc huôv tsar kinh tế khov chos txir cam

Thâuv piz uô kinh tế, tix lâus Nông Văn Trúc njiz ntâu phiv liv thâuv chos cam, tsik tâu đhâu lớp thox cxov tưs, viv li yênhx tưv tsênhv kik, chêx cur tsik siêz. Taz sik, đros siêz xar cê uô cê cơưv shâuv chênhz zênhv, shông 2004, tix lâus Trúc tưz txêik pênhr zuôr ar chos siv 400 tsoz cam sành thiêz 50 tsoz thênhx caz, đhâu 5 shông tix lâus luz vax txir ntông jông sâu thiêz paz sâu tâu liv muôx 100 triệu đêiv. Pov tâu tsoz cam li chêx cur kinh tế, tix lâus Trúc tror yưv pênhr kriz đar thax tsav chos cam sành. Txos nhiv no, tix lâus Trúc tưz muôx 4 hec ta cam sành đros 1 cxênhz 400 ntâu tsoz cam tsênhv jông sâu đê. Chiv txir cam shông 2014, tix lâus Trúc sâu tâu 80 tấn ntâu txir, yưx tas cxuô zav, tix lâus sâu tâu 720 triệu đêiv. Tix lâus Nông Văn Trúc puz pâuz:

Băng: “Cur xêir tsoz cám viv tsoz cam huv đros đêx ar nhoz no. Cur tsoz phưz, tsêx tsung yưv pênhr. Đhâu iz ntu tsoz phưz txos nhiv no mak cux sâu tâu lơưv. Zuôr txos no cur xar zuôr nzir ar chiê kriz đar thax tsav chos”.

Đrâuv huôv tsar kinh tế chuôz zis, tix lâus Trúc tsênhv sir jos hêk chor đoanx viên, hluôk nênhs huôv tsar kinh tế, paz trâu chor hluôk nênhs txêik pênhr thiêz yênhx tưv, chênhz zênhv chos cam. Tix lâus Trần Văn Trung nhoz xã Phù Lưu, huyện Hàm Yên puz pâuz:

Băng: “Thâuv ntêx no cur chuôz zis cux txov nhêv, tsik muôx nhiêx, pov cur chuôz zis li co mak tix lâus Trúc cux muôz trâu cur txêik chiê chos txir cám sành. Txos nhiv no cur chuôz zis cux truôx tuk đuô, iz shông sâu tâu muôx 30 tấn txir cam. Yưx tas cxuô zav mak cur cux sâu tâu 200 triệu đêiv”.

Lơưr tix lâus Vũ Trung Thành, bí thư đoàn xã Phù Lưu, huyện Hàm Yên, tix lâus Nông Văn Trúc li tsưr ziv uô kinh tế zos tsưr ziv uô jông nhoz hluôk nênhs hâur xã, paz muôx chêx cur kinh tế siêz tưz tsik zos trâu chuôz zis mak tsênhv paz muôx hâux lưv uô trâu chor hluôk nênhs:

Băng: “Đros chor huôx tôngv huôv tsar kinh tế, tix lâus Trúc cux lok six sir jos hâur cxaz chuôz đoanx li chor huôx tôngv cux xưk li jêx jok li chor phongz yaox”.

Đros têx chêx cur tax tâu, khơưk kruôk Lương Đình Của shông 2015 zos kror tôngv jox chiê tix lâus Nông Văn Trúc sir jos đuô hâur nriêr cêr uô nox hâuk, uô bluô nux trâu zuk thiêz gôngr côngv trâu côngv thôngx./.

                                   (TTT-Lik Thox cxêik nhênhv)