Phênhv thưr 5, hnuz 4/2/2016:

Lênhx pox niêv công nhân-Đảng viên sir jos uô tâu jông cxuô luôs hâux lưv

Niêv lâuk Nguyễn Thanh Dung, đrav ntêx uô I zav hâux lưv nhoz hâur công ty Kỹ thuật yiêz. Seiz niêv lâuk zos lênhx tiz nênhs gruôs, muôx pênhr xưv thiêzmoz siêz uô nuv, têx hloz hâur công ty tưz chiê niêv lâuk uô luôs hâux lưv qênhz shuôs têx xiv huv-iz hâur têx hâux lưv zov chênhr thiêz lax uô yax hâur công ty. Txix têx sir jos uô nuv, niêv lâuk hmôngr jông tâu tso nhoz hâur Đảng txix shông 2010. Shông 2012, niêv lâuk Nguyễn Thanh Dung nhiv kruôr xênhz zus tâu tuk nhuôv hloz muôx 2 luz hlik mak niêv lâuk tuk txir cux zos uô công nhân trâus moz hnhar thiêz tsi muôx đas jos uô lox tôngv. Niêv lâuk lênhx niêv pos lok cux trâus moz hnhar, viv li cxuô luôs hâux lưv siz thiêz hnhar hâur luz vax tsêr puôr lênhx zos niêv lâuk iz lênhs lês uô. Li ntơư, taz sik niêv  lâuk thâuv tưs cux sir jos uô tâu jông luôs hâux lưv zok muôz. Niêv lâuk Dung heik:

“ Xuz thơưx zuk xar, zuk zos iz lênhx công nhân, tsuv uô li chas chiê muôx phênhv sâu tâu ntâu đuô thiêx txâuk txoz cxơưx trâu zuk thiêz chuôz zis. Tas cik cur tsuv sơưr lok six nzor, chiê uô têx hâux lưv hâur tsêr, xa mê nhuôv muk cơưv tas, li tror lok Công ty cov ndar tâu six hơưv uô hâux lưv, luôs têx thiêx tsi lax tok zuk”.

Heik lok niêv lâuk Dung têx cêr moz siêz uô nuv thiêz gruôs ntơư, pos Lê Thị Quyên, Bí thư chi bộ Công ty kỹ thuật yiêz heik:

“ Dung zos iz lênhx đảng viên lok six hluôk mak moz siêz uô tâu hâux lưv jông, thiêz muôx txux chi tsưr ziv, moz siêz paz, vênhv tôngv sơưr đơưk sik đros sir jos uô nuv. Dung zos iz lênhx tiz nênhs jông, moz siêz uô hâux lưv. Heik cxuô, Dung têx hâux lưv uô jông ntơư zos Công ty lênhx tưs cux pov thiêz cơưv shâuv, uô trơưk”.

Txix thâuv xuz thơưx, hâux lưv qênhz shuôs têx xiv huv tsuv zos ntâu lênhx công nhân sik đros uô thiêx uô tas têx hâux lưv ntơư, taz sik nhiv no tsuôk 2, 3 lênhx công nhân, uô trơưk Dung tsưr ziv cux uô tâu tiêr ntâu luôs hâux lưv pir li đrav ntêx. Dung tsưr ziv, hâux lưv uô jông tưz tâu chi bộ Công ty thiêz công đoàn ntơưv qơư kruôs txos zos lênhx lox tôngv uô tâu hâux lưv jông. Zơưv Trần Thanh Thảo, Phưv Chủ tịch Liên đoàn lox tôngv quận 8 heik pâuz:

“ Tâu công đoàn công ty heik kriê thiêz đhâu six hơưv sox seiz Dung têx cêr sir jos, moz siêz uô nuv, cur cux tâu buôk ti, nhoz jê đros Dung hâur iz ntu tsi ntêr taz sik cur pov Dung lok six sir jos uô têx nuv zok muôz, kror tưs cux uô tâu jông trơưk tsưr ziv”.

Têx cêr sir jos, muôz siêz trâu ntuô trâu luz luôs hâux lưv thiêz uô tiêr tâu jông têx hâux lưv zok muôz; muôx cêr thôngx siêz jông đros têx lênhx uô hâux lưv uô cê hâur niêx hnuz, niêv lâuk Nguyễn Thanh Dung thâuv tưs tưz tâu têx hloz hâur công ty, fôngx zưs njênhs njôngr, nhiêv txos. Nhiv kruôr no, Liên đoàn lox tôngv TP HCM tưz kruôs  txos niêv lâuk zos “ iz lênhx đảng viên uô tâu hâux lưv jông” cấp TP./.

                                            (TTTPHCM-Riê Lâux cxeik, nhênhv)