Bí thư Đảng ủy xã thiêz têx tsaz yênhx uô tsi zuôr nhiêx viv tsôngv px

Krêz uô đar têx cêr muk lol jêx jok zos iz hâur 39 tsưr ziv, tsaz yênhx tâu Đảng ủy xã Ngọc Chiến, huyện Mường La, tỉnh Sơn La nzor fuô uô. Txox cêr tưs tâu krêz uô zos Bí thư Đảng ủy xã Bùi Tiến Sỹ đros canr bôv xã seiz car luz jok ntơư puôr lênhx muôx njêx muôs chiê đros px seiz lax, đros px uô: “Hnuz no tas nro sđ hâur jok muk uô cêr, hur si têx lâul, chor hluôk hâur jok sik đros paz hnuz côngz, đas jos uô. Uô ntêx thâuv zuôr uô cêr, canr bôv nus px: Krêz uô cêr đar jông muk lol sđ pok jông siêz, thôngx ziv? Tsôngv niêv txir cưr tix nênhx tsa sđ puôr lênhx têz shir phaz lus tiêk, jông siêz uô”.

95 cêik cêr muk lol jêx jok, muôx 45 cêik tưz luôv xuôz jêz, xi măng jông, 4,5 cêik cêr jêx jok tâu krêz uô, kho đuô đar jông muk lol. Taz sik tsi zos côngz trênhx tưs xã Ngọc Chiến cux fuô uô tâu zôngx ziv. Muôx têx luz jok njiz phiv liv hâur vênhv tôngv, muôx kênh jok ho tsuv ruôr por tsês ntâu côngz trênhx, uô tuôr xuôv têx nhiêx txiêx, ntâu chuôz zis tsi moz siêz, tsi xar uô…. Chênhv viv li,  xã Ngọc Chiến Tổ côngz xưv hnuz tiv 7 đros px uô têx luôs hâux lưv uz no tưz đros đreiv cxuô jok, nhoz đros px chiê vênhv tôngv, nriêr pâuz lok tsôngv px sđ têx tsưr ziv, siêz xar.

Têx côngz trênhx tưz tâu cxiv uô khor truôx li: trôngx vas, yar tiêx, qơư tơưv trôngx, qơư trâu đêx ntơưv jok Phày tâu ruôr, tsông por tsês chiê cxiv uô đar cêr muk lol, chiê ntâu luz jok txơưr đuô cơưv shâuv, uô trơưk. Bí thư Đảng ủy xã Bùi Tiến Sỹ heik kriê têx tsưr ziv uô li no:“Iz zos côngz trênhx uô, tâu uô truôx jông, txix thường trực txos trâu px, uô lơưr jông hâux lưv yax kriê, vênhv tôngv. Chênhr zos canr bôv tsi so muk têx jêx jok seiz px, pâuz tâu tsôngv niêv txir lax px sđ têx tsưr ziv, siêz xar, chor canr bôv tưz nhênhz chơưv, xar tâu têx tsưr ziv uô, fuô kriê thiêz uô huv đros trâu px luz nênhx nox nhoz”.

Đros têx tsaz yênhx krêz uô đar cêr muk lol jêx jok, ntâu tsaz yênhx li: Chaz xor tênhv tênhz muk txos têx jêx jok, cxiv uô yar tiêx hâur jok trâu tsôngv niêv txir lax px muôx qơư uô si, paz cxiv uô tsêr nhoz trâu chor chuôz zis pluôs, phax tar siz zuôr nzor, heik kriê Ngọc Chiến têx đuôz shav, muôx jông đros trâu huôv tsar ju lix côngv thôngx xã Ngọc Chiến tâu fuô uô txix tsôngv px, têz qơưk sik đros gôngr hnuz côngz, đas jos uô tsi tas nhiêx txiêx. Zơưv Lò Văn Phát, Chủ tịch hôiv têx nênhs lâul hnuz nhôngs siêz xã Ngọc Chiến heik pâuz: Chor tsaz yênhx heik sâuv zos têx mak canr bôv, đảng viên xã Ngọc Chiến xar njôngr kuôk no ntâu shông lok. Đhâu thâuv Chánh văn phongx Huyện ủy Mường La Bùi Tiến Sỹ tâu tso muk uô Bí thư Đảng ủy xã txix hli 11/2019, hur tiz si cxuô luôs hâux lưv thiêx uô tâu jông txix xã Nghị quyết huôv tsar kinh tế, XH:“Đôngx chir Bí thư muôx txux chi jông, moz siêz txos tsôngv niêv txir lax px. Tso canr bôv muk uô hâux lưv trâu têx xã zos tỉnh, Đảng thiêz têz qơưk tsưr ziv uô jông, huv đros. Đôngx chir Bí thư lok six moz siêz lês uô jông têx hâux lưv zok muôz, thâuv tso muk uô hâux lưv hâur xã, tưz muôx ntâu tsưr ziv jông paz trâu px huôv tsar, zuôr txos no zuôr huôv tsar uô ntâu zav nuv đuô thiêz, px sđ lơưr chiê siêz thiêz njênhs njôngr trâu têx hâux lưv co”.

Chiê fuô uô têx tsaz yênhx, tsưr ziv yiêz, Bí thư Đảng ủy xã Bùi Tiến Sỹ tưz đros Ban Thường vụ, BCH xã seiz lax, thôngx ziv tso tơưv Nghị quyết thiêz quyết tinhv yênhx lix 15 tổ côngz xưv muk cxuô luz jok uô têx hâux lưv uz no. Tsi tok txos kaz ciêz, tsi thav zos hnuz tiv 7 thiêz hnuz ciêz, hur tiz si cxuô cxuô hnuz hâur ciêz, txơưv đruôz hnuz lok sik hmo ntux, thâuv muôx hâux lưv, canr bôv xã puôr lênhx muôx njêx muôs ntơưv qơư chiê đros paz px: “Thâuv muk trâu têx jêx jok zuôr uô 3 hâux lưv. Tiv iz zos đros px thav, pâuz tâu lơưr têx tsưr ziv, siêz xar. Tiv 2 zos canr bôv thiêz px siz njênhs siêz, to tâuz jông, canr bôv zuôr tâu mnôngs px heik lơưr têx tsưr ziv xar, đhâu ntơư pâuz tâu px luôs zuôr trâul txos têx tuk đaz tsi, xar hlôngr yiêz uô zav zuz nôngz kôngz, tu zus zav tsiêx tưs thiêz px uô tâu lok tsi tâu…..Tiv 3, cxuô tsưr ziv, hâux lưv uô buôk ti fuô uô hâur luz nênhx, chiê px pâuz, px pov thiêz px tâu sơưv”.

Đros trâu yênhx lix têx tổ côngz xưv li heik sâuv muk paz px, iz tsưr tsix, đoanx thêv tâu Đảng ủy choz uô têx tsaz yênhx tsênhv tênhz. Iz chas co chor hluôk nênhs lênhk nhav uô têx hâux lưv chos shôngz ntông, qêz suô, kho têx cêr…..cov jông jav, huôv tsar ju lix; Ủy ban Mặt trận Tổ quốc xã heik px yênhx lix HTX hiêz uô têx tơưz, lêr….; Hôiv pox niêv heik cxuô pox niêv vir ndâuk sik đros chos pax trâu têx ntus cêr; Hôiv nôngx mênhx xã uô têx hâux lưv li: Xar tsưr ziv uô têx nôngz blêx, tu zus njêl….chiê huôv tsar ju lix thiêz uô nox uô hâuk. Heik lol Bí thư Đảng ủy xã têx tsưr ziv uô, choz hâux lưv li heik sâuv, Phưv Chủ tịch Ủy ban xã Ngọc Chiến Lò Văn Thoa heik: “Pêz cơưv shâuv, uô trơưk đôngx chir Sỹ têx tsưr ziv, hâux lưv uô hâur niêx hnuz, lar heik uô jông trơưk têx cui tinhv, chei têz qơưk lol canr bôv, đảng viên. Tiv 2 zos tsưr ziv hu zâuv, heik tsôngv niêv txir lax px, muk seiz shuôs px têx cêr uô nox uô hnar, kriê chor tuz nxeik hluôk uô cxuô luôs hâux lưv, lar heik zos đôngx chir muôx txux chi, xar tơưv tâu têx tsưr ziv jông”./.

(Thanh Thủy-Riê Lâux cxeik, nhênhv)