Tsưr ziv huôv tsar phongz yaox “Tas nro pêx xênhv cxaz chuôz pov, hêik pâuz têx xor mông lok uô cxâuv ngaz tuk, ngaz tuk zoz thôngz”

Uô lơưr Ủy ban tỉnh li cuêz tênhv 2021 lok tsưr tsix, kriz uô phongz yaox “Tas nro pêx xênhv cxaz chuôz pov, hêik pâuz têx xor mông lok uô cxâuv txos ngaz tuk, ngaz tuk zoz thôngz” sâuv thax tsav tỉnh Sơn La. Sở Zoz thôngz Vận tải tso tơưv tsưr ziv sôr 2305 lok kriz uô phongz yaox “Tas nro pêx xênhv cxaz chuôz pov, hêik pâuz têx xor mông lok uô cxâuv txos ngaz tuk, ngaz tuk zoz thôngz”. Tsưr ziv no tsêx trung trâu têx tsênhv njiêz:

Tiv iz, kriz uô thôngx ziv, cxix cxuô têx tsưr ziv hâur côngz xưv cov ngaz tuk, ngaz tuk zoz thôngz đos uô côngz xưv yax kriê, piêr pâuz, zoz zux chêi têz qơưk; tsưr tsix đêi ntauz, fiêx, đuôz shav, ntâuz ntơưr hêik pâuz, jax sâu, video clip yax kriê lok ngaz tuk, ngaz tuk zoz thôngz thiêz muôx tsênhv njiêz kruôz kriê canr bôv, công chức, nênhs lox tôngv hâur cơ quan, chor taz viv kinh doanh vận tải, pêx xênhv pâuz tâu txos têx kror uô cxâuv lok ngaz tuk, ngaz tuk zoz thôngz.

Tiv oz, huiz tôngv tas nro chinhr triv đros uô, gra siêz txơưx jênhv trâu chor canr bôv, công chức, viên chức, nênhs lox tôngv thiêz pêx xênhv hâur uô jông côngz xưv ngaz  tuk, ngaz tuk zoz thôngz; chuôz cxaz yax kriê, hêik pêx xênhv sơưr đơưk uô jông lơưr têx chêi lok ngaz tuk zoz thôngz thiêz paz hêik pâuz têx xor mông, ntâuz ntơưr lok uô cxâuv txos ngaz tuk, ngaz tuk zoz thôngz zos têx qir tiv uô phiv liv txos zoz thôngz, tsik hur tênhv qơư, cêr muk lok tsik tâu, txiêz nanv zoz thôngz chiê hêik trâu chor cơ quan muôx vax huôv pâuz chox kriê xưv lik, đơưk kho ndar six hơưv, huv cêr chêi têz qơưk têx cui tênhv.

Tiv pêz, pêx xênhv têx xor mông hêik pâuz lok ngaz tuk, ngaz tuk zoz thôngz tsuv zos têx xor mông tsênhv tsênhz. Hâux lưv txêik jênhv, xav jênhv, xưv lik, đơưk kho têx xor mông hêik pâuz tsuv tâu uô ndar six hơưv, huv zos têx uô cxâuv thiêz huv zos lơưr chêi têz qơưk têx cui tênhv; tsưr tsix yax kriê đêz đar, chiê hêv, phax tar xar hôiv, đhâu co, hêik pêx xênhv paz, sir jos sik côngv đros chor lưx lươngv muôx vax huôv hâur côngz xưv ngaz tuk, ngaz tuk zoz thôngz.

Tiv plâuz, tsuv paz uô cov ngaz tuk, por vêv jông trâu nênhs hêik pâuz têx xor mông, ntâuz ntơưr hêik pâuz têx uô cxâuv lok ngaz tuk, ngaz tuk zoz thôngz.

Tiv tsiz, nzor khơưk kruôk trâu chor nênhs uô tâu jông, sir jos cxaz chuôz phongz yaox; xưv lik truôx lơưr chêi têz qơưk têx cui tênhv chor nênhs liv zôngv phongz yaox chiê hêik pâuz têx xor mông tsik muôx tsênhz, uô ruôr hiêv, tsik jông, tsik zos.

Tiv trâu, hêik yênhx lênhx canr bôv, công chức, viên chức, nênhs lox tôngv Nganhx Zoz thôngz Vận tải thiêz sơưr đơưk zos iz lênhx “Yax kriê viên” thiêz iz lênhx “Côngv tác viên” sir jos, sik côngv jông đros chor lưx lươngv muôx vax huôv hâur côngz xưv ngaz tuk, ngaz tuk zoz thôngz; phuôx huiz dân chủ hâur côngz xưv ngaz tuk hêik cxuô thiêz ngaz tuk, ngaz tuk zoz thôngz hêik taz, paz huiz tôngv tâu pêx xênhv cxaz chuôz trâu côngz xưv ngaz tuk, ngaz tuk zoz thôngz./.

                                                      Bích Thủy-Lik Thox cxêik nhênhv