Têx lênhx nênhs paz kriê chei têz qơưk txos trâu tsôngv pêx xênhv ntus đriv Lai Châu

Thâuv tưs txos six hơưv, hnuz nhôngs muk qênhz yuôx shuôs đriv têz, lưv lươngv dân quân jok Nà Vàng, xã Bản Lang, huyện Phong Thổ, tỉnh Lai Châu ho đros chor tuz lênhv pênhz phax muk qênhz shuôs têx đriv têz, thax tsav ntus đriv. Txơưv yar ntux lok nas, đruôz hnuz lok sik hmo ntux, têx lênhx dân quân thiêz pêx xênhv nhoz no cux muk qênhz shuôs têx thax tsav ntus đriv, đriv têz, viv co tsi tiêk zos hâux lưv, txơưx jênhv, tsênhv zos iz cêr shir phaz, jông siêz trâu tsôngv pêx xênhv hâur jok. Niêv lâul Vax Thị Sẻo, canr bôv mặt trận jok Nà Vàng, xã Bản Lang, huyện Phong Thổ heik: “Tuz lênhv pênhz phax thâuv tưs tưz đros đreiv pêz muk yax kriê, vênhv tôngv tsôngv niêv txir lax pêx xênhv huôv tsar uô nox, tsưx phưv jông qơư nhoz, têx shôngz ntông tsi ntor luôx uô ruôr hiêv, tsi chiê chor nênhs hâur tsêr, nênhs cxênhz jê uô cxâuv chei têz qơưk”.

Xưk li cxuô jâuk, jiês kriê chei têz qơưk zos canr bôv, chiến sĩ Zênhx Pênhz phax Sin Suối Hồ ntơưv jok Nà Vàng, xã Bản Lang, huyện Phong Thổ fuô kriê muôx lok six chôngz lênhx pêx xênhv cxaz chuôz. Tsênhv njiêz fuô kriê phênhv ntâu zos lok sâuv Chei đriv têz Việt Nam; chei phax tar zax zênhz têx tsi jông; phax tar ntâuk tsiv chuôz zis; têx cui tinhv lok seiz car, sâu tsês têx triêv fov, chuôz zênhx zôngx ziv tơưs cuz hâur thax tsav..... Zơưv Tẩn Vần Hoa, Chủ tịch Ủy ban MTTQ xã Bản Lang, huyện Phong Thổ heik pâuz: “Ủy ban MTTQ xã tưz hux jos đros canr bôv Zênhx pênhz phax Sin Suối Hồ tsi so yax kriê Đảng, têz qơưk têx chei, tsưr ziv txos 100% jêx jok hâur thax tsav xã”.

Trung tá Nguyễn Huy Du, Bí thư xã Bản Lang, huyện Phong Thổ heik, canr bôv, chiế sĩ hâur taz viv thâuv tưs tưz uô jông luôs hâux lưv yax mông, fuô kriê chei têz qơưk txos trâu tsôngv lax pêx xênhv, zos qơư yax xa têz qơưk têx chei kriê huôv tsar uô nox uô hnar, cxiv tsa luz nênhx vav mênhx, tsâu sor. Thôngz đhâu co, uô hlôngr yiêz tsôngv pêx xênhv tsưr ziv jênhv pâuz, uô trơưk Đảng, têz qơưk têx chei, cui tinhv: “Nhênhz chơưv trâu cấp ủy, hâu nov ntơưv qơư lok hâux lưv yax kriê, heik tsôngv pêx xênhv hâur thax tsav uô nênhx sik thôngx siêz, siz hluz siz paz, sik đros huôv tsar. Lar heik zos tưz nhênhz chơưv trâu Đảng ủy, HĐND, Ủy ban fuô uô têx tsaz yênhx cxiv uô tsêr niêv côngv siêz, tsaz yênhx paz uô tsêr nhoz trâu têx chuôz zis pluôs, huôv tsar uô nox đros trâu tsưx phưv truôx tuk thax tsav qơư nhoz”.

Khov uô jông luôs hâux lưv yax mông, fuô kriê têz qơưk têx chei, tsôngv pêx xênhv nhoz 22 xã ntus đriv ntơưv Lai Châu tưz hlôngr yiêz tsưr ziv siêz xar thiêz sir jos đros tsưx phưv jông thax tsav đriv têz têz qơưk. Đhâu pêx xênhv têx mông heik pâuz lok nênhs uô cxâuv chei têz qơưk, têx Zênhx pênhz phax cux tưz seiz car qênhz yuôx, yơưz phơưz, ntêk cxov 30 txuz, 33 lênhx nênhs lok sâuv zuôr muôs zax zênhz tsi trơưk chei....Đại tá Lê Công Thành, Phó Chính ủy Bộ chỉ huy tuz lênhv Pênhz phax Lai Châu heik pâuz: “Tuz lênhv pênhz phax tỉnh cux tưz đros cxuô cấp ntơưv qơư chox kriê, hâur co zov chênhr zos heik tsôngv pêx xênhv sơưr đơưk uô nênhx sik thôngx siêz trơưk têz qơưk chei fuô kriê. Thiêz phuôx tôngv phôngz yaox tas nro tsôngv box sik đros phax tir thêir têx nênhs fêv, uô cxâuv chei....”.

Tuôr truôx thiêz uô lơưr têx luôs hâux lưv tưz uô tâu, hâur ntu zuôr txos chor tuz lênhv Pênhz phax tỉnh Lai Châu zuôr tror hux jos đros cxuô cấp hâu nov ntơưv qơư yax kriê, heik tsôngv pêx xênhv nhoz jê ntus đriv uô jông trơưk chei têz qơưk cui tinhv, cxuô heir nênhs uô nênhx sik thôngx siêz, paz cxiv tsa, tsưx phưv truôx thax tsav ntus đriv./.

Khắc Kiên-Riê Lâux cxeik, nhênhv