PHÊNHV NRIÊR PÂUZ LOK CHEI TÊZ QƠƯK

Grê 38. Pheiz têx chuôz zênhx chuôz tav zos 2 lênhs tus hâur ntu uô txix gơưv

1. Hâur ntu tsênhv zos txix gơưv, 2 niêv txir muôx vax huôv sik seiz lax, thôngx ziv pheiz iz phênhv lok sik tas nro têx chuôz zênhx chuôz tav zos 2 lênhs khưr tsiv uô tâu, yưx têx cui tinhv ntơưv Grê 42 Chei no; zos tsi muôx cêr thôngx ziv mak muôx vax huôv heik cov Toax anr tu.

2.Seiz lax, thôngx ziv lok sâuv pheiz 2 niêv txir têx chuôz zênhx chuôz tav zos 2 lênhs khưr uô tâu tsuv uô ntâuz ntơưr hur si. Ntâuz ntơưr no tâu niêk thưx, niêk têk trơưk li gơưv niêv txir co siêz xar lok sik Chei têz qơưk cui tinhv

3.Zos tiêk gơưv niêv txir ntơư heik cov Toax anr đros tu, đros pheiz 2 niêv txir têx chuôz zênhx chuôz tav mak Toax anr pheiz trơưk Chei no cui tinhv ntơưv Grê 59.

Grê 39. Six hơưv xav pheiz tas 2 niêv txir têx chuôz zênhx chuôz tav nhiêk muôx nhiêk tus.

1. Six hơưv xav pheiz tas 2 niêv txir têx chuôz zênhx nhiêk muôx nhiêk tus zos 2 niêv txir ntơư sik seiz lax, thôngx ziv thiêz tâu sâu hâur ntơưr tsês; zos hâur ntâuz ntơưr tsi sâu mênhx mak qir tâu xav txix hnuz uô ntơưr siz pheiz 2 niêv txir têx chuôz zênhx chuôz tav ntơư.

2. Zos têx chuôz zênhx chuôz tav tâu pheiz, trơưk li chei têz qơưk, tsuv uô trơưk cui tinhv mak pheiz 2 niêv txir têx chuôz zênhx ntơư qir xav txix thâuv sik seiz lax, thôngx ziv uô lơưr chei têz qơưk cui tinhv.

3. Zos Toax anr pheiz 2 niêv txir têx chuôz zênhx chuôz tav mak pheiz chuôz zênhx nhiêk muôx nhiêk tus ntơư qir xav txix hnuz Toax anr tu trơưk chei têz qơưk.

4. 2 niêv txir têx chuôz zênhx chuôz tav cik txos lênhx tiv 3 uô ntêx thâuv tsi tâu pheiz cux tsênhv muôx grik trơưk li chei têz qơưk, yưx têx 2 tos muôx cêr seiz lax txơưr.

Grê 40. Đhâu pheiz 2 niêv txir têx chuôz zênhx chuôz tav zos 2 lênhs khưr tsiv uô tâu hâur ntu tsênhv uô txix gơưv

1. Zos 2 niêv txir tưz siz pheiz têx chuôz zênhx chuôz tav, vax tsêr tas mak pox niêv lok sik tus txir têx chuôz zênhx ntơư kror tưs muôx liv lok sik jông mak co zos tus txir lok sik pox niêv tus, yưx thâuv 2 niêv txir muôx cêr seiz lax, thôngx ziv txơưr đuô. Đuô li phênhv chuôz zênhx chuôz tav tsi pheiz mak cux tsênhv zos 2 lênhs tus.

2. Oz niêv txir cêr seiz lax, thôngx ziv cui tinhv ntơưv yôngx 1 Grê no tsi tâu hlôngr, pâur lok chuôz zênhx chuôz tav tưz tâu xav tênhv uô ntêx co ntơưv oz niêv txir thiêz lênhx nênhs tiv 3./.

(Tuyết Lan-Riê Lâux cxeik, nhênhv)