Cui tinhv yiêz lok đăng kiểm yêz lox

Tsi đăng kiểm jiês xuz thơưx trâu yêz lox yiêz, tsi tâu đhâu sir zôngv

Iz chas co, Bộ zoz thôngz cui tinhv yêz yiêz tsi tâu đhâu sir zôngv mak tsi tas đăng kiểm jiês xuz thơưx, xav txix shông tsiv uô txos shông nộp têx ntâuz ntơưr heik cov côngz ntơưr côngk nhav kiểm định 2 shông (shông tsiv uô đros trâu nzir iz shông ntơư).

Lơưr cui tinhv, têx lênhx nênhs, doanh nghiệp thâuv zuôr yêz lox yiêz zuôr tsi tas gra yêz tuôx têx tsênhv qơư đăng kiểm chiê kiểm định li thâuv ntêx. Hlôngr trâu co, zuôr tâu muôz ntơưr côngk nhav ntơưv têx tsênhv qơư đăng kiểm, tsi tas gra yêz tuôx ntơưv qơư.

Iz chas cui tinhv tsi tas đăng kiểm jiês xuz thơưx trâu yêz lox yiêz, iz kro yiêz hâur Bộ zoz thôngz Thông tư 02/2023/TT-BGTVT tâu ntâu lênhx nênhs tsar yêz, tsưr yêz jông siêz, thôngx ziv thiêz tok njôngr hâur ntu đhâu, chênhr zos truz ntêr six hơưv, hnuz nhôngs kiểm định iz cxiê zav yêz lox tưz đhâu sir zôngv.

Cxuô zav yêz lox thâux lênhx nênhs muôx txos 9 kror qơư jâuv thâux xa kruô lok sik tsi thâux xa kruô tâu truz ntêr six hơưv, hnuz nhôngs kiểm định.

Lơưr cui tinhv yiêz ntơưv Bộ zoz thôngz li thông tư 02/2023/TT-BGTVT, six hơưv kiểm định ntâu zav yêz li: Yêz lox thâux lênhx nênhs muôx txos 9 kror qơư jâuv, lok sik ntâu đuô, yêz lox thâux hax huv, lưv zav yêz lox txơưr đuô…..tưz đhâu sir zôngv tâu truz ntêr six hơưv, hnuz nhôngs kiểm định đuô pir li thâuv ntêx.

Tsênhv tsênhz, cxuô zav yêz lox thâux lênhx nênhs  txos 9 kror qơư jâuv tsi thâux xa kruô muk lol: Jiês xuz thơưx tsar ndê txix 30 luz hlik txos 36 luz hlik; yêz tas six hơưv tsiv uô txos 7 shông mak uô lơưr kiểm định 24 luz hlik (2 shông) hlôngr viv iz shông ntâu li thâuv ntêx. Chor yêz tas six hơưv tsiv uô 7 shông ntâu txos 20 shông (thâuv ntêx zos 12 shông), mak uô lơưr kiểm định li kuz zos iz shông; zos uô tas 20 shông mak kiểm định 6 luz hlik li thâuv ntêx./.

                              (Thanh niên-Riê Lâux cxeik, nhênhv)