Hêir nênhs Cho Suôz sênhr cưr cxiêx hâur ntênhk hội

          Nền hát dân ca Dao

          Ntơư zos hêir nênhs cho Thanh Y têx nxêik suôz sênhr hêik cưr cxiêx hâur ntênhk hội. Têx suôz sênhr cưr cxiêx ntơư, iz chas hêik nthuôr uô cêr lov jêv hâur ntênhk hội, cux tsênhv hêik ntuôr uô cêr lov jêv trâu hâur têx hnuz kriz ciêz thiêz thâuv muk khưr uô liêx têz.

          Hêir nênhs Cho têx suôz sênhr cưr cxiêx siz lưr hêik lok cêr gâux cêr đrâus cux tsênhv khơưk tsês tâu truôx zos đrêiv hêik nênhs co chax chêk đrav ntêx. Têx njiêz luk suôz sênhr cưr cxiêx co, cux chênhr zos hêik zuk têx tsưr ziv, siêz xar, ndo yuô xa trâu tus zuk hluz zuk nhiêv.

          Zơưv Hà Xuân Tiến nhoz jos Nam Hả, xã Nam Sơn, huyện Ba Chẽ, tỉnh Quảng Ninh hêik pâuz tiêk: Hêir nênhs Cho muôx oz zav suôz sênhr cưr cxiêx: Zav iz zos suôz sênhr hêik cưr cxiêx hêik txos cêr đaz cêr kruô, zuk hêir nênhs li chax chêk, tâu cxuô lênhx txir nênhz khơưk tsês tsik chiê pôngz plox. Zav tiv oz zos hêik txos cêr khưr uô kôngz lôngk, cxiv tsa cêr uô nênhx thiêz hêik txos cêr gâux cêr đrâus, nthuôr uô cêr lov jêv. Hà Xuân Tiến shir phaz lul hêik:  “Hâur ntu đrav ntêx tsuôk zos hêik hâur hmo ntux, thâuv đruôz hnuz mak tsuôk muk uô si luz jos no trâu luz jos to, lơưr pâuz zuk pâuz hêik cưr cxiêx, lơưr ho hêik cưr cxiêx qiz zuk. Taz sik, tus nxêik co tsuôk zos nhoz hâur txax hêik têz zuk, zuk ho hêik saz đrâuv jôngr têz tror trâu tus nxêik co”

          Hâur ntu đrav têx, têx nxêik Cho Thanh Y mak txax muôs hênhr, thâuv muôx têx tuz hluôk nhoz cxuô luz jos txơưr tuôx uô si, têx nxêik Cho cux tsik chuôz car đros thav luk. Zos chor tuz hluôk hêir nênhs Cho xar đros tus nxêik co thav luk, tsuôk zos sênhr suôz hêik cưr cxiêx xa zuk têx tsưr ziv, siêz xar qiz trâu tus nxêik co; đhâu ntơư, tus nxêik thiêx sênhr suôz hêik cưr cxiêx têz tror trâu tus tuz hluôk ntơư zos đrêiv zơưv Hà Xuân Tiến hêik: “Chor lâuk cux kriê tiêk, chor tuz hluôk hêik cưr cxiêx qiz trâu chor nxêik, chor nxêik mav li hêik cưr cxiêx têz; zos chor tuz nxêik hluôk co tưz hêik cưr cxiêx siz lưr, cux hêik iz hmo tax kêiz kuô cux tsik pâuz tso tsês”

          Hêir nênhs Cho nhoz Ba Chẽ, Quảng Ninh têx suôz sênhr cưr cxiêx hêik lok cêr gâux cêr đrâus, txưv uô ntêx hlo tsuv hêik siz qiz, thaauv tus tuz hluôk co hêik tas, tus nxêik co tsik hêik têz mak tus tuz hluôk co tsuv tâu hêik oz pêz jax qiz nzir, tus nxêik co thiêx li hêik têz. Ntơư zos hêik lok cêr gâux cêr đrâus. Zơưv Hà Ngọc Tùng, tsar phôngx vênhx huôv huyện Ba Chẽ hêiik pâuz nzir: “Hêik cưr cxiêx siz lưr tsuôk zos uô pax luk hêik thiêz têx njiêz luk sênhr cưr cxiêx siz qiz co muôx bê tiêk “Cur nhiêv co thiêz cur xar đros cox thav luk, xar đros co hêik cưr cxiêx siz lưr, uô li cox pok jông siêz đros cur thav nax”. Tsênhz tiês, đhâu têx suôz sênhr cưr cxiêx siz lưr co, tsôngv tuz nxêik hluôk hêir nênhs Cho tưz muôx chôngz lênhx ntâu tus tưz yênhx txix gơưv, cxiv tsa luz nênhx yar ntux đriv”

          Nền hát………

          Hêir nênhs Cho nhoz huyện Ba Chẽ têx suôz sênhr cưr cxiêx siz lưr tsuv hêik cov muôx txưv thiêz thâuv txos trâu têx hnuz kriz ntênhk hội, tsôngv tuz nxêik hluôk hêir nênhs Cho cux muôz têx suôz sênhr cưr cxiêx hêik lok cêr gâux đrâus, hêik lok cxiv kho têz qơưs truôx tuk, hlôngr yiêz, muôx luz nênhx tsâu sor./.

                                                       Tsu cxêik nhênhv-Giàng Seo Pùa