Tuôr tsês, phuôx huiz di sản vênhx huôv mênhx cxưx Thái nhoz

Mường Lay

          Nền nhạc…

         Iz ciêz iz jiês, CLB vênhx ziv nênhs muôx hnuz nhôngs siêz phường Na Lay, thị xã Mường Lay ho tsưr tsix xênhz huôx, shâuv mênhx cxưx Thái li têx jax pax vuôs trâur lâuk, hâur co muôx pax vuôs xòe. Txơưv tưz muôx hnuz nhôngs siêz taz sik têx lênhx nênhs hâur CLB tâu sik đros đhiê pax vuôs tsi taz pov shir phaz lov jêv mak tsênhv xar tuôr tsês cov tâu zuk mênhx cxưx li cêr nênhx vênhx huôv jông chiê tror kriê trâu cxênhx nênhs tov kaz no.

          Pos Lò Thị Lả, Seiz car CLB vênhx ziv phường Na Lay, thị xã Mường Lay puz pâuz: Nhiv no chi hội nênhs muôx hnuz nhôngs siêz nhoz Mường Lay puôr lênhx muôx CLB, tuêv vênhx ziv, zaz zâuv yênhx puôk lênhx hội viên cxaz chuôz. Têx CLB thiêz tuêv vênhx ziv khênhr tsưr tsix nthuôr uô cêr lov jêv hâur têx jêx jos chiê sik đros cơưv shâuv, tuôr tsês têx jax cưr cxiêx, jax pax vuôs mênhx cxưx chax chês jông: “Chiê tuôr tsês mak pêz lok six khưr tsuv muk nriêr têx lênhx lâuk nênhs heik kriê yênhx tsưr ziv đhiê, txos tsôngs yo trâur lâuk. Pêz cux xar tuôr tsês zuk li vênhx huôv nhoz Mường Lay cxôngx nzor”.

          Đrâuv đhiê pax vuôs Xòe Thái lâus, heik cưr cxiêx Then cux zos iz hâur têx di sản vênhx huôv phi vật thêv tsênhv tâu tuôr tsês nhoz thị xã Mường Lay. Nghệ nhân Vàng Văn Thức đros 30 ntâu shông kriê heik cưr cxiêx Then, tâu seiz zos iz lênhx nênhs tuôr tsês tâu mênhx cxưx Thái nhoz Mường Lay li cưr cxiêx jông. Têx jax cưr cxiêx Then tâu zơưv heik hâur têx ntênhs phêv txơưr li ntênhs hu plis, ntênhs nox tsêr yiêz, ntênhs uô chơưr xênhz….

          Nghệ nhân Vàng Văn Thức pheiz kênh: Txix thâuv tsênhv zâu, zơưv tưz tâu mnôngs niêv heik cưr cxiêx Then, txơưv mnôngs tsi pâuz taz sik zơưv pov lok six jông. Thâuv hloz tiêr nênhs, tâu đros niêv muk cxuô jêx jos heik cưr cxiêx Then, zơưv ziv pâuz cxaz thiêz nhiêv cưr cxiêx Then đuô. Jux jus zơưv tâu niêv kriê heik cưr cxiêx Then lâus, đros thiêz zơưv li sir jos, zơưv tưz txơưx heik cưr cxiêx Then chiê muk heik hâur têx ntênhs phêv…

          Chiê cưr cxiêx Then lâus tsi trâus pôngz plox, zơưv Thức thâuv tưs cux sir jos kriê trâu tuz nhuôk hâur chuôz zis thiêz xar njôngr gôngr phênhv tuôr tsês mênhx cxưx li têx tsiv grê vênhx huôv tsiv grê mak cxênhx pos zơưs tsês chiê: “Tsôngv box Thái đơưz li phongz cxưx mak cur sir jos phuôx huiz thiêz kriê trâu cxênhx hluôk nênhs, tuz nhuôk. Nhiv no tsênhv tror sir jos thâuv zuk lâus têx tuz nhuôk zuôr tror huôv tsar, tuôr tsês cưr cxiêx Then li zơưv”.

          Uô đề án tuôr tsês thiêz huôv tsar vênhx huôv têx mênhx cxưx thị xã Mường Lay reik đros huôv tsar KTXH, hâur muôx nhos 10 shông tror lok no, thị xã Mường Lay cux tưz sir jos hôx phưx mênhx cxưx li têx tsiv grê vênhx huôv chax chês. Ntênhs phêv tưr gruôv gox tâu hôx phưx lok shjông 2015 thiêz txix co txos nhiv no puôr lênhx tâu tsưr tsix hâur niêx shông lok hnuz xuz thơưx hâur shôngk shông yiêz. Sik tưr gruôv gox zos tsôngv box Thái nhoz jê têx tul đêx li iz hâur têx ntênhs phêv chax chês jông. Hâux lưv hôx phưx yênhx côngz chiê paz tuôr tsês tsôngv box Thái nhoz Mường Lay li vênhx huôv jông thâuv txos hâur shôngk shông yiêz. Đrâuv co, chiê tuôr tsês mênhx cxưx li luk heik, ntơưr sâu, thị xã Mường Lay cux tsov cưv krêz lớp kriê ntơưr Thái trâu shux xênhz têx tsêr cơưv cxênhx 1, cxênhx 2 thiêz tsôngv box sâuv thax tsav; krêz lớp chiê nghệ nhân kriê cưr cxiêx, pax vuôs trâu cxênhx hluôk nênhs paz tuôr tsês, phuôx huiz côngv thôngx têx mênhx cxưx li vênhx huôv chax chês jông.

          Zơưv Quàng Văn Sinh, tsar phongx vênhx huôv thôngz xor mông thị xã Mường Lay, tỉnh Điện Biên heik: “Heik cxuô lok hâux lưv tuôr tsês di sản vênhx huôv mênhx cxưx Thái mak nhiv kruôr đhâu phongx cux tưz heik UB thị xã heik Sở vênhx huôv thiv thao thiêz ju lix côngz jênhv pax vuôs xòe trâur lâus sâuv thax tsav thị xã. Phongx vênhx huôv cux tsênhv tuôr tsês têx jax pax vuôs chax chês thiêz nênhs Thái sâuv thax tsav li tsôngs yo chax chês txix nzor”.

          Nền tính tẩu…

          Đros têz qơư jông jav sâuv tox siêz Tây Bắc, đros côngv thôngx mênhx cxưx Thái đơưz li têx vênhx huôv chax chês jông, thị xã Mường Lay tsênhv sik côngv uô jông côngz xưv tuôr tsês têx di sản vênhx huôv đros hâux lưv huôv tsar ju lix, chuôz cxaz phênhv sâu trâu tsôngv box nhoz no./.

Vũ Lợi-Txâur Vax cxeik nhênhv